أرجو النصيحة 2024.

صلي صلاة الاستخارة و ان شاء الله خييييييييير

بالتوفيق أخي.
خير البر عاجله.

انت عندما تريد الزواج يجب ان تختار زوجة صالحة لا يهم مستواها العلمي لكن من الافضل ان تكون متقفة وواعية لهذه المسؤولية وهي من تربي اولادك اي تنشئ جيل ويبقي الدين هو المعيار المناسب لان كل متدينة تعرف ما لها وما عليها وانت في نفس الوقت تختار اخوالا لاولادك
انصحك بصلاة الاستخارة ومن تم انظر لنفسك هل تستطيع ان تتعايش مع هذه الانسانة كي لا تظلم احدا وخصوصا ان الطلاق اصبح متفشي
والسبب تعود للاختيار وعدم المسؤولية

المهم هو الفتاة أخي وليس أهلها تقدّم وفي جلسة الرؤية تعرف عقليتها وتفكيرها ما تغركش الجامعية والدكتورة والطبيبة الفايدة في الرزانة والفهامة وهذه لا تأتي بالدراسة في الجامعات المختلطة بقدر ما تأتي بتعلم أمور الشرع والالتزام بها واختبار الحياة القاسية وتحمل المسؤولية في سن مبكرة وأظن هذه إيجابيات في هذه الفتاة وأظن أنها سخرت نفسها لعائلتها بعد أن تركت الدراسة -أو فشلت فيها كما قد يتصور الكثير- احكي معها يوم الرؤية وتعرف تفكيرها ومستواها وأخلاقها من خلال ردات فعلها وطريقة كلامها وتبقى الاستخارة هي الأساس في هكذا أمور ربي يرزقك الرزق الحلال الطيب

أخي اترك عنك هذا الموضوع. لقد قال صلى الله عليه وسلم : تخيروا لنطفكم فإن العرق دساس" وقال ايضا " خولوا لاولادكم..". هل ترضى ان يذهب ابنائك عند اخوالهم ويعرفوا ان جدهم كان سكيرا وخالهم سكير؟ لهذا الغ الموضوع لانه لا فائدة من ورائه. والحمد لله يوجد من هو افضل منها بكثير. اما هي فان الله سيرزقها من فضله ": اللي خلق ما يضيع"

istakhir allah wa makhaba man istakhara; ana zawaji kan bil istikhara wa el hamdou lillah 3ala koul chey allah ywefqek

سلام اخي اولا صلي صلاة استخارة وممبعد كلش يبانلك وثاني يا اخي قادرة يكونو دارها ماشي ملاح بصح هي تكون امراة صالحة وعاقلة والصح فيها هي راك رايح تتزوج بها هي اوكي وربي ان شاء الله يتممهالك على خير ويرزقك بالذرية الصالحة

أخي لاه متشوفش طفلة قارية و متخرجة و مثقفة
يسما راح تهنيك و تربي والدها احسن تربية و تاني يجب عليك إختيار أخوال لاولادك
والله اعلم

يا خلايااااااا رايح تدي وحدا باباها و خوها ساكارجياااااااااااااااا ……واشبيك خويا حاب تزوج هككاك برك …..المهم مرا لالااااااااااا …و ماخفتش كون يديرولك مشاكل في المستقبل

والله مانرضاها لخويا ….صح هي ماعندهاش دنب مي خمم مليح مع روحك غالبا الاب اللي مايخافش ربي يتأثرو بيه ولادو و مايخرجوج صالحين و اكبر دليل خوها …ام هي ربي ادرا بيها و ربما صح مربيا مييييييي انت دير حدرك و عاود حساباتك خير

و زيد سامحني اللي حبست في 5 ابتدائي مايش حادقة هههههه رانا في 2024 ماش في العصر تاع جداتنا اللي كانو صح بلا ديبلوم مي فاهمات مي دركا اللي تحبس لقرايا ..اكيد فيها خلل و نسبة استيعابها ضئيلة جدا ….يا اخي علاه خلصو الجامعيات و لبنات اللي قراب للمستوى تاعك و زيد واش تسنا منها …ماتقدرش مامبا تقري ولادك مليح و تعاونك فيهم و من فوق عاشت في وسط غير صالح ……..

لازم تستعمل دكائك ماش غير باه تقرا للماجيستار ….مام في الخياة الزوجية خير خيرة البنات اللي ترفع راسك بيها و بعايلتها …سلام

اول حاجة صلاة الاستخارة +متضلمش الطفلة علا فعايل عايلتها انت شوف اخلاقها هي وسقسي عليها ادا شفتيها مراة ومتربية وتخاف ربي ميهمش المستوى

اولا الممستوى العلمي كاين فرق كبير وهذا راح يكون مشكل في المستقبل وزيد باباها سكير ولادك كي يشوفو جدهم يسكر ولا خالهم مشكلة والله متزربش روحك وكاين البنات بزاف

اذا كان هناك ما ينفر من البنت من الان قبل الرؤية الشرعية فمن الافضل الانسحاب قبل حدوشث اي شيء و الله يرزقها
الاكثار من الدعاء و الاستخارة الى ان يفتح الله بالفرج
الواقع هو ان الانسان لي يحب يحاور و يتكلم في امور علمية و ثقافية و يحب يطور من نفسو لازومو وحدة مثلو او اقل بقليل و الا سيجد نفسه هو في واد و هي في واد اخر هو يتكلم على الاختراعات و البرامج و الكمبيوتر ..و اخر التكنولوجيا وهي لا تستطيع ان تضع جملة في الموضوع ولا تفقه شيئا و لربما تكره الحديث كليا انا لست ضد المراة الغير متعلمة بل المهم ان تكون ملتزمة وكل وحدة و ضروفها و فيهم بنات مثقفات لكن من الافضل ان يقع الاختيار على فتاة على الاقل تفهم و واعية متدينة ماشي ضروري جامعية
اما عن اهلها اعتقد انو الانسان لازمو يخمم لبعيد اذا هو يقدر يتحمل اختيارو قدام عائلتو عادي و اذا يديها باش يولي ينقص من قيمتها على جال اخوها من الافضل ان يبتعد
الشاب مالازموش كي يتعب من التنقيب يرضى باي شي يستطيع الانسان ان يختار شريكة حياته مثلا اذا اراد فتاة ملتزمة ماعليه سوى ان يبعث بامه او اخته الى المسجد تكلم المشرفة لعلها تجد فتاة ملتزمة ومثقفة تليق بالحال واذا فيه نصيب تتم الرؤية الشرعية .