السلام عليكم
حبيت نطرح مشكل صرا البارح في دار زوجي
للعلم أنا نسكن مع عائلة زوجي
البارح جات أخت زوجي من الجامعة ….. على 21 سا تاع الليل الهاتف تاعها فعت يصوني و ما حبتش ترفد عليه .. شافها خوها الكبير رغدو عليها و نحهولها و قالها هاد الهاتف لي ما حبتيش ترفدي عليه خليه معايا و نشوف شكون يعيطلك…
خت زوجي هادي عندي صاحب في الجامعة و عدها بالزواج على حساب قولها .
عيط و رفد عليه سلفي الكبير أيا جا عند ختو و وقع شجار كبير و هي فاعدة تخلط في الهدرة قاتلهم دارت واحد باش يصرف عليا أنتوما خاوتي مي ختى واحد ماسقسا عليا و بزاف كلام ……المغزى العام قاتلهم هدا صاحبي و درتو باش يصرف عليا .. أنا عيط زوجي باش يهدن الوضع لكنو ضربها و تشوكا في نفس الوقت قالي هادي حابة جيبنا العار …
المشكل الآخر
أخت راجلي هادا راهي تهدر مع صاحب راجلي الروح بالروح يحبو راجلي كي خوه و وقف معاه في كل شدو و فرح ..
البارح قاتلي مديلي الهاتف تاعك باسش نقولو مايعيطليش …
لوكان يسمع راجلي و لا خاوتها لخرين يقتلوها و صاحب راجلي ماشي كامل serieu راجلي لوكان يسمع يقتلو و يقتلها و نروح أنا في الجرة لاخاتر البارح و ين أعرفت بلي تحكي معاه و للعلم هو جارنا و نفس العائلي أي وليد عمها …
قولولي واش نعمل لوكان يعرف راجلي كو أعلابالي و الله ماتفرا و زيد راني خايفة كو الطفلة عندها نقص تاع الحنان لي يكلخلها تأمنو و خاصة صاحب راجلي هدا…….
و الله راني مية بالخوف خاصة علاقتها مع صاحب راجلي ….أنا قتلها يحبك يجي يقول لخوك سينو بعدي عليه خوك يقتلك ..
واش ندير راني في موقف حرج ، راجلي كل شيء غير صحابو يخلطو مع خاتو يولي وحش مايستعرف بوالو …
ارجو منكم النصيحة
انت ديري روحك ما علابالك بوالو و ما تدخليش روحك ، و ما تعطيهاش تيليفونك تحكي بيه و لا حتى تبيبي بيه ، لانو كون يسمع راجلك توقعلك مشاكل
تخيلي مثلا البنت كلمت بنيمروك و الغدو من ذاك عيطلها السيد في بورطابلك في نص ليل واش تديري (بعيد الشر عليك)
أختو يسامحها عادي ، بصح انت مرتو ما يقدرش يسامحك على حوايج كيما هك
بعدي على الشر و غنيلوا كيما يقولو
اخت راجلك انصحيها لوجه الله بصح ما تدخليش في أمورها بزاف ، و اذا سمع راجلك بالقصة قوليلو انا ماعلابالي بوالو هكا تربحي راحتك و تتجنبي المشاكل
ديري روحك ماعلابلكش بلي راها تهدر مع صاحب راجلك و غير بورتابلك ماتعطيهولهاش تعيط بيه لانو راجلك كون يفيق راهو مايسامحكش وهي راهي اختو وتبقي اختو مي انتي زوجتو وكون يفيق بيك راهو يصرا مشكل كبير الله لايقدر
اجبدي روحك من المشكل وانصحيها
اختس اجبدي روحك 100 بالمية
و ماخايش الهاتف تاعك في ايديها ممكن كامل يتهموك بانك تخوني في جوزك مع صحبو
اختي الكريمة اجبدي روحك وبلاك تزيدي تمديلها التيليفون نتاعك ومنين تروحي ديه معاك متنزليهش خلاص جبيدي روحك اليوم قدام غدوة ويلا زعفت منك وسمع راجلك قوليلو سرقتلي التيليفون وهدرتلي بيه والله هدا الخدمة ماشي مليحة انت راكي مرت راجل ماشي كيما هي
ربي يستر عليك
خسارة على البنات العائلة ادير فيهم الثقة وهما يخسر الثقة
وهادي راهي حلطتها كامل اولا درات واحد يصرف عليها اراجل مايصرف على البنت بلا مايدي الثمن مكانش منها خلاص واحد مايصرف بلاش
ثانيا صاحب خوها هادي كبيرا بزاف هادي
والصبلة الكبيرة جاركم ربي يهديها
السللام عليكم
الله يهدينا ويدوم ستره علينا واش هادا خطيك من خت راجلك رايحة تجبدك معاها في الخلاط لي اها دير فيه
ربي يسترك يا أخي بلغي راجلك لا تروحي في الجرة
وربي يسهل
عليك أولا أن تطلبي منها أن تخبر هذا الرجل أن يخطبها الآن وفورا
إن رفض وكان يعقب في الوقت معاها وهي حاطاتو يصرف عليها !
فهي لابد أن تنهي هذه العلاقة إن أصرّت فهدديها بأنك ستخبرين أخاها إن بقيت على حالها فأخبريه بذكاء وبطريقة مناسبة تبعد عنكِ الشكوك ولا توقعك في مشاكل وبهذا تبرأ ذمتك، وهي في الأخير أختهم وأنت مسؤولية تجاهها النصح وقد فعلتِ.. ربي يعينكم ويهدي هذه الفتاة ..
نصيحتي تجبدي روحك مثلما قالو الأخوات من قبلي ، و تزيدي تخافي هاذ السيد راهو سجل الرقم تاعك عندو ماشي مصيبة ؟؟؟؟لوكان تعرفي راجلك يفهم و تحلفيه ما يدير حتى حاجة كبيرة بطريقة ذكية تقوليلو واش صرا ، ويلا راكي عارفاتو يديرها كبيرة أمالا غير اجبدي روحك و بدلي رقمك
و ربي يهديها و يسترها
انصحيها وادا ماسمعتش كلامك ماتدخليش روحك..لانو لو تحدث مشكلة غادي تجبدك معاها وتبدالك انتي تاني مشاكل
وماتمديلهش التليفون نتاعك
ربي يصلح حالها
أنا انصحك انك تجيبهالها انو ما تمديش تلفون تاعك وهذاك ولد عم ها راهم من عايلة وحدة اهدري بالشوية برك مع راجلك لا تعودي نتي
الحصلة فيك وباينة عود هذه ربي يسترنا برك البنات عبرو بزاااف
وين راهم الاهل المهم انتي اجبدي روحك طوووول
ربي يسترنا, و الله مخي حبس مالحكاية هاذي.
ربي يكون في عونكم و يهدي اختي راجلك
ربي يعاونك