و ما حيرني ان الفتاة جلبابية و تمدحني كثيرا و تخضع بالقول
و انا راني نية حسيتها دارت الجلباب متربية و اذا بي اكتشفت انها دايرة الجلباب
باش تتزوج برك
و قال الله و قال الرسول بالقول و الفعل حدث و لا حرج
قلت خليني نتعرف بيها تعرفت بيها ——————— و قرات مع
صاحبي يعني لبرومو نتاعو
قالي كانت دايرة الفي و من باعد كي لقات جماعة—————– حجاب سانبل و جلباب دارتو
شكليا لانو دخلت بلا حجاب و كانوو يحسبوها تقرا موسيقى ماهيش —————–
هنا عرفت بلي صح تحوس تزوج و دور بيا و انا كنت نقرا في ——————-
الحاصول ضروك راني معاها في الفيس بوك
الصراحة خطرات نقول نحبها و خطرات نقول نكرهها متناقضة لا خاطر كيفاه وحدى
جلبابية دردش مع راجل
ايا فهموني يا الخاوة ؟
//////////////////
للمشرفين بجاه ربي حطو مشكلتي باش نعرف الصح من لغلط,,,,,,,,,,,,,,,,,,,,,,,,,, و تشكراتي لكم يا ايها المشرفين
أنت وصاحبك علاه تشككوا فيها؟؟
وزيد أول مرة نسمع بحكاية (لابسة جلباب باش تتزوج) الأمور ولات تمشي بالعكس ولاكيفاش ؟؟؟ روح سقسي أي طفلة تقولك اللي كانت تدير الفي هي اللي تـتزوج قبل البنات…..وواحد مايسقسي على تاريخها… أنت راك راجل وتعرف باللي الغالبية تع الرجال تشوف المظهر قبل كلشي
أنا رأيي تنسى هدرة صاحبك وتتكل على ربي وتخطب…
اما حكاية الفايسبوك فاعتبرها زلة يا اخي…….
أنت تحسب أن كل جلبابية لازم تكون ملاك؟؟؟
راها صغيرة وتغلط وتتعلم
أنت ثاني راك غلطت كي دردشت مع بنات
اخطيك منها …………………
السلام عليكم
شوف خويا نتا علابالي حاير كفاه راها تحكي معاك في الفيس بصح نتا ثاني راك تحكي يسمى راكم كيف كيف
اذا راك تاع زواج ما تبقاش تحكي معاها برك اعرف عقليتها و صقصي عللى اخلاقها اذا لقيتها تاع علاقات و كانت مع فلان و رجعت لفلان و درك راهي معاك غير اخطيك بيسك نكره هاد النوع
اذا لقيتها ناس ملاح و قصدت الخير معاك اتقي مولاك و روح لدار والديها و اخطبها باه من بعد الخطبة الشرعية تقدر تحكي معاها
نتا شخصيا اذا عجباتك و المهنة نتاعها مناسبة ليك و علاه تحير فيها خير ان شاء الله
بصح ما تنساش و نأكدلك صقصي عليها مليييييييييييح مليييييييييح و نقدر نقولك جربها مثلا مد رقم الهاتف تاعها لواحد من صحابك تثيق فيه مليح و نكرر تثيق فيه و قولو احكي معاها على اساس راك بغيتها تراه واش دير و هاد الشي راه مجرب من واحد من العائلة كي بغا يخطب ………مجرد راي قادر يكون خاطئ و نزيد نقولك اذا كانت نيتك صافية و تدعي ربي سبحانو باه يجيبلك لي فيها الخير غير توكل و ما تخافش
نوصيك بعد عليها !
|
المشاركة الأصلية كتبت بواسطة samirovich
 ياخويا ممكن انها كانت طايشة شوية فالليسي وهداها ربي ولبست جلباب على اقتناع
أنت وصاحبك علاه تشككوا فيها؟؟ وزيد أول مرة نسمع بحكاية (لابسة جلباب باش تتزوج) الأمور ولات تمشي بالعكس ولاكيفاش ؟؟؟ روح سقسي أي طفلة تقولك اللي كانت تدير الفي هي اللي تـتزوج قبل البنات…..وواحد مايسقسي على تاريخها… أنت راك راجل وتعرف باللي الغالبية تع الرجال تشوف المظهر قبل كلشي أنا رأيي تنسى هدرة صاحبك وتتكل على ربي وتخطب… |
معك حق
اضيف اخي صلي استخارة وتوكل على المولى عز وجل
يا أخي إذا راك تحوس تتزوج بيها سقسي عليها دوك كيفاش راهي وإذا لقيتها رتبت قلها خلينا من الفايس بوك وأخطبها وهني راسك أما إذا راك شاك فيها ولا راك حاب تخليها على جال حكات معاك في الفايس بوك نقولك الجمل مشافش عرورتو شاف عرورة صاحبو راكم كيف كيف ولا أنت معليش كي حكيت في الفايس بوك بالنسبة للجلبابية مراهيش معصومة من الخطأ الجلباب مكمل لأخلاق البنت ماشي هو اللي يحدد أخلاقها وإذا هداها ربي ربي يكملها واش اللي قلقك دارتو باش تتزوج ياك مدرتوش باش تدير عفايش ماشي ملاح خليها إذا إكتشفت أنها تبوجي بزاف وخارجة طريق
في الأخير وشبيك موسوس كل حاجة باينة سقسي عليها وصلي الإستخارة واتكل على ربي
أنت و هي في نفس المستوى…………….لا تنه على خلق و تأتي مثله ……………..عار عليك إذا فعلت عظيم
كمظهر كي يقال فلانة ترتدي الجلباب و فلانة تابت و فلانة متدينة و حين تخالطها
تجدها تغتاب و تكذب و تتزين و تهاتف هذا و ذاك
في حين توجد فتياة صحيح يلبسن الجلباب و يقتدين به فلا تخالط و لا تجالط
و لا تحادث اجنبي و لا تلاطفه و لا تدردش في النت
مثلما تتصرف في الواقع تتصرف في الافتراضي
و هذه الفتاة لو كانت صالحة بالفعل لما تصرفت هكذا تصرف
و المشكل فيك اخي لانك قلت انها تتبعك فحينما عرفت انها تتبعك لماذا اعطيت لها وجه كما انك لو تزوجت بها ستعايرها و تنكد عيشها
نصيحتي ابتعد عنها و تزوج من الواقع لا الافتراضي و استقم انت ايضا
هي فيسبوكية و انت فيسبوكي و تجيبو اولاد اسمهم ياهو و قوقل و تويتر
افق من سباتك يا هذا و الزواج له اصول و ليس كل من قال قول في الانترنيت يقتدي به تلك وجهة نظر و ليس الشخصية كاملة
ممكن المختصين في علم النفس يكتشفون زلات القلم و يعرفون من يرد لكن العامة لا اظن ذلك
بئس المجتمع المعاش
الحاصول ضروك راني معاها في الفيس بوك
++++++++
عجبتني هدي هههههههه
ياخويا اخطيك من العلاقات المحرمة وانصحك بتغيير كل وسائل الاتصال وتوب لله
ادا نوي الحلال سقسي عليها وادا عجباتك روح لدارهم
والله المستعان
صلي استخارة ومتزيدش تهدر معاها
|
المشاركة الأصلية كتبت بواسطة alpa
———————
 |
السلام عليكم
ليس الجلباب من يلام بل صاحبته ،
و ليس للجلباب او الحجاب اي ذنب ،
و مشي واحدة تلبس جلباب و تسيء الى سمعته معناها انو كل من يرتدين الجلباب مشي ملاح ،
لا داعي للتعميم !
و المظاهر دايمن خداعة لازم الواحد يزيد يسقسي .
يشتركان في الذنب ثم يستفتي الناس من منهم المذنب..
كالذي يزني بإمرأة ويقول أنها هي من بدأت.
والله المستعان.
مادخلتليش لراسي هذي لحكاية ………….سلام