نقراء في العديد من المنتديات و نسمع في حياتنا اليومية جدالات و نقاشات حول وظيفة المراة و الرجل و حسب الملموس العديد منهم يرفضونها فالبعض يقول انه ذو مقدور و لا يحتاج لان تساعده و الاخر يجد ان وظيفة المراة نوع من الاسترجال و البعض الاخر لاسباب غير مفهومة…
و سؤالي اليوم للرجال :
/-ما هي الاسباب التي تجعلك ترفض وظيفة زوجتك او اختك
/-هل ترى ان المراة العاملة مهملة لبيتها و زوجها
/-هل للرجولة دخل في هذا الرفض
و في الاخير ارجو التفاعل مع الموضوع و بعض التشجيع لانه اول موضوع لي
شكرااا
|
المشاركة الأصلية كتبت بواسطة boub2017
 كنت رايح نقولك موضوع تافه -للغلق-
مي موضوعك الاول معليش الجواب نتاعك راه عند راجلك، كل واحد و كيفاش يشوف خدمة نتاع مرتو |
ok شكرااااا لك على المشاركة الطيبة و التي لم تكن مشجعة بما فيه الكفاية
و اقول انه انا ماعنديش راجل و ما زلت صغيرة و لكن هدفي هو اني نشوف رايكم في هذا الموضوع الذي اراه محل جدال في كل الاماكن و المحلات و على النات
و شكرااااا مرة اخرى
|
المشاركة الأصلية كتبت بواسطة boub2017
موضوعك الاول جميل
نتمنالك ان تفيدي و تستفيدي اختي العزيزة |
شكراااااا لك اخي الكريم عللى هذا الاطراء الرائع و المشجع
و انشاء الله استفيد و افيد في المرة القادمة انشاء الله
|
المشاركة الأصلية كتبت بواسطة boub2017
[right]
اسمحيلي درت في بالي نتي كبيرة، اعتذر عن سوء التصرف
المهم درك يا اختي الصغيرة نفهمك علاش هذا النزاع *** المرأة و الرجل مكملان بعضهما البعض —-صح ولا الا و المعروف عن كلمة مكمل، يعني لا توجدعند الطرف الاخر. يعني اذا المرأة خدامة كيما الراجل اذا مراهيش مكملة للرجل يعني هي راجل كيما هو تجيب المصروف و بالاك تصرف عليه.—-لا فائدة *** المرأة تطمح الى البعيد، درست في الجامعة، يعني تعمل، خصوصا مع الاوليان يحبو يزوخو بالطفلة نتاعهم باش تكون خدامة مهندسة و لا محامية ….يعني الزوخ برك -مكاش فائدة- لوكان نسقسيها لعلاش تخدمي تقول انا نحب نكون عنصر فعال في المجتمع، صحا لوكان نسقسيها على الاختصاص نتاعها، و الله لا علاقة، و انا شفت بعيني، و حابة تكون فعالة في المجتمع  ———ربما فيها فائدة ان كانت صح تقرأ، لكن عمل المرأة عندو شروط*** بنات بزاف يتعاندو، تشوف صاحبتها خدامة هي دير كيما هي، بلاما تفهم، سياسة عاند ولا تحسد —-لا فائدة *** بنات بزاف يخدمو باش يخرجو —–لا فائدة يكمل………. |
نعم اخي شكراااا على هذه الردود الرائعة و انا احترم رايك كثيرااااا فهذا من حقك و لكل رايه كما قلت و الاختلاف نعمة
لكن اقول انه ليس كل الفتيات مثل بعضهن صح كاينين بزاف ايحبو يزوخو بالصح كاينة واحدة اخرى بالاك تخدم لتعيل اسرة من اكثر من 10 افراد و ربما اخوة عاطلون عن العمل فلا يجب ان نظلمها او ربما ام ارملة لها اولاد ممكن هذه من الشروط كما ذكرت
و على العموم هذا رايك و شكرااااااا جزيلاااااااا
|
المشاركة الأصلية كتبت بواسطة boub2017
كاين بزاف سلبيات المرأة العاملة
انا مرانيش ضد العاملة، كاينة لي حالتها المادية تحتم عليها العمل، في هذه الحالة تعمل المرأة |
شكراااااا لك على هذه الردود و انا اوافقك في بعضها و لكني رايت في مجتمعنا نساء عاملات وفقنا بين العائلةو العمل و ازواجهن و ايضا امراة ماكثة في البيت و والله لا يشوفك في هذيك الدار و الا هذوك الذراري يعني المراة الذكية تقدر توفق بين كل المجالات
|
المشاركة الأصلية كتبت بواسطة boub2017
البنت ما فيها والو كي تقوم باولادها و دارها حتى اذا كانت دكتورة، حنا مش كيما الغربيون، حنا عندنا دين و ثقافة و اصل
|
و نعم القول سلمت يداك
|
المشاركة الأصلية كتبت بواسطة boub2017
في هذه الحاله معنديش راي مخالف، انا موافقك 100 بالمئة
انا كنت نهدر على فتاة ميخصها والو من الناحية المادية، و كاين بزاف كيما هاك، الطياب و الله متعرف دير حاجة، تعرف غير ترفع الصاك نتاعها و تخرج زعما للعمل، و لوكان نشوفوها في الخدمة نتاعها، و الله غير كارثة، ما كاين حتى مردودية، الا القليل منهم، منقولوش قاع |
ايييه عندك الحق و انا من رايك فقبل خروجها للعمل بالنسبة لي لازمها تتعلم تخدم في الدار و هذا الشي اظنه ضروري جدا بل
كيما الماء و الهواء و هذا اظنه لا يختلف فيه شخصان
|
المشاركة الأصلية كتبت بواسطة boub2017
كاين المرأة الفحلة، اذا تحتم عليها العمل، توفق بين البيت و العمل (في الخدمة مكاش الدسارة) و الاولاد، يعني صح فحلة
بصح هدي الناس قاع راهم يحوسو عليها، يا ختي هدي حبة مفقودة، قليل لي تصحلو |
ايه حبة مفقودة تحتاج لصياد ماهر و حتى هذا الصياد مفقود و الا لالا
صح أنا معاك أن المرأة المرتاح زوجها ماديا لا تعمل ، لكن في وقت الراهن الزوجان يعملان من أجل توفير لقمة عيش أفضل و عمل المرأة لا ينقصها من أنوثتها ( أعمل كل شيء في البيت ، نطبخ نغسل ، نحضر كسكسي الدار ، ندير الفريك بالطريقة التقلدية ….) و ما نكبرش على زوجي . و لحد الساعة ما عندناش مشاكل تاع الأجرة ) لأني متسامحة كثيرا في هذا الجانب .
|
المشاركة الأصلية كتبت بواسطة أماني قادة
صح أنا معاك أن المرأة المرتاح زوجها ماديا لا تعمل ، لكن في وقت الراهن الزوجان يعملان من أجل توفير لقمة عيش أفضل و عمل المرأة لا ينقصها من أنوثتها ( أعمل كل شيء في البيت ، نطبخ نغسل ، نحضر كسكسي الدار ، ندير الفريك بالطريقة التقلدية ….) و ما نكبرش على زوجي . و لحد الساعة ما عندناش مشاكل تاع الأجرة ) لأني متسامحة كثيرا في هذا الجانب .
|
شكراااااا على المشاركة الطيبة و انا اوافقك الراي
|
المشاركة الأصلية كتبت بواسطة boub2017
هههههههه، مالا في زوج مفقودين،
المهم الهنا، وباش يجي الهنا بين الزوجين، لازم نحيو اسباب لي تجيب المشاكل، والعمل سبب لكل المشاكل، الواقع راهو يثبت ما اقول، مثلا، رجلها يسقسيها علاش طولتي، و هي تقلو مازال ما ولفتش الخدمة نتاعي، خليني يرحم باباك راني عيانة  واش هو يقول خصوصا اذا هو كان مرتاح ماديا علاش قاع هادو المشاكل 
|
نعم صح المهم الهنا بين الزوجين و كل واحد يدي اللي يوافقو في العقلية
|
المشاركة الأصلية كتبت بواسطة boub2017
الله يبارك
لكن مش ساهل باش ديري هادو قاع مع الخدمة |
بالاك مش ساهل و لكن لماذا تتعب تفكيرك بشغلها هي بما انها ذكية و قدرت توفق بين الكل فالحمد لله و انشاء الله كل البنات هكا
|
المشاركة الأصلية كتبت بواسطة boub2017
يقول احد الحكماء
المرأة هي المجتمع هذا الحكيم علابالو، مهمة المرأة مش تخدم برا العمل نتاعها تكوين الاجيال، تربية الاولاد التربية الصالحة، كي واحد يشوف واحد هداك الولد، يقول الله يرحم والدين الذي علموه التربية و الاخلاق. |
نعم و نعم قول و لكن وظيفة حواء لا تمنعها من تربية جيل واعد و صاعد و نعم جيل لانها تعرفت على المجتمع الخارجي و رات ماهو سوء لابنائها و تعلمت طرق المحادثة معهم… و لربما احسن من جيل الماكثة في البيت التي لا تدري ما يدور في محيطها الخارجي و تشعر بالضجر من البيت فتصبح تكور و تعطي للعور
|
المشاركة الأصلية كتبت بواسطة boub2017
انا مقلتش مستحيل، قلت مش ساهل، يعني هدي الاخت تعيا بزاف في النهار
و زيد هي راهي قالت محتمة تخدم، وضعية المادية لا تسمح و زيد انا نحب المرأة نتاعي تكون مرتاحة و مهنية، و مع ولادها، مشي رجليها عياو من المشي و اولادها عند الجيران … |
انشاء الله يا اخي يكون عندك امراة بنفس المواصفات اللي حبيتهم نتايا و يرزقك ربي بزوجة صالحة و ذرية صالحة انت و جميع المسلمين
|
المشاركة الأصلية كتبت بواسطة boub2017
ههههههههه
مليحة هادي نتاع تكور و تكدي لعور |
هههههههه
ايه ياك صح