سلام الله عليكم
وددت مناقشة هذه النقطة معي اعضائنا المحترمين
في كثير من الاحيان اجد نفسي في مواقف تحتاج برودة الاعصاب خاصة الاشخاص المستفزة والعنيدة وخاصة المستفزة مثلا اللي يتعمد يثيرك بفعل او قول قد يكون جارح فانا وبلك تلقائية منحبش اللي يقيسني واللي يتعدى عليا ويتعدى حدوده منحب لا نظلم لا نتظلم وفي حالة يظلموني نولي نهجم ههه
هل هذا عيب ؟؟؟ والله اظن انه ابسط حقوقي لاني انا في حدي واللي يكون من المحيطين بيا لازم يكونو في حدهم
ايضا عندي وحد النقطة انه شخص منحملوش نبقا ديما منحملوش خاصة المنافقين ومنحبش نحتمهم عليا مثلا صديقة جار زميلة الخ نحط علاقتي بيهم في حدود صباح الخير لاباس السلام عليكم ديما يقولولي لا لزمك تحملي الناس كامل وتبيني روحك تحبي الناس كامل لكن انا الله غالب منقدرش نضحك في وجه انسان ونسلم عليه ونبين محبة مفرطة وانا لا احتمله الله غالب فمن يشاطرني هذا؟؟؟؟
شوفي ختي انا على حساب القوسطو تاعي
كي نكون فرحانة يا لكان يهدرو لي يهدرو نقعد فرحانة و توجور نضحك مع الغاشي بلي نبغيه بلي مانبغيهش ، ادفع بالتي هي احسن انا نتمشى بهاد العقلية ،نكون نتمشى فالطريق مثلا الجامعة نلقى الف واحد نعرفه قاع نضحك معاهم و نتبسم ونسقسي عليهم و كاين منهم لي يكرهوني بصح قاع هاك نضحك معاهم ، نبينلهم بلي هما لي مشي ملاح مشي انا ، و اذا كنت زعفانة و لا منشوعة تما نشوف الظلمة و نولي نقيس فالهدرة بصح الحمد لله مايزعفوش مني يعرفوني كي دايرة ،
و نصيحة مني ختي لي يظلمك رديهاله بالملاحة و خدمي عقلك قبل قلبك يولي خاتم في يدك و مايزيدش يظلمك و لكان ترديهاله يزيد يكرهك و ماتقوليش ماعلاباليش بيه خليه يكرهني يجي نهار و تندمي و تقولي بلاك انا لي خسرت معاه
اسمحيلي يلا طولت عليك ختي
انا في رايي ان هذا غلط لاان من الواجب علينا ان نحكم عقولنا قبل قلوبنا لان ديننا الاسلام يامرنا ان نسامح من اخطا في حقنا و نحتمل الناس فهذه من صفات المسلم و اظن انه يجب ان تاخذي بالنصائح التي اعطوك اياها لان الحياة هكذا تسير و هذا لا يعتبر نفاقا و لكن هناك بعض الناس الذين تنطبق عليهم هذه المقولة : اذا اكرمت اللئيم تمرد واذا اكرمت الكريم صار عبدا لك ، يعني كل واحد و طينته اعرفي الناس و تصرفي مع كل واحد حسب شخصيته
أنا أفضل أن أبقي العلاقة في حدود تبادل التحية
أحسن من أن أخسر ذاك الشخص
وإذا تمادى ذاك الشخص معي وحاولت تمالك نفسي
وتكرر الأمر معي ظنا من ذاك الشخص أنه خوف أو ضعف شخصية مني
هنا أحاول أن أضع له حدا
لا يمكن أن يستغل طيبتي وتسامحي معه كل مرة
والله أعلم
اليوم, 19:02 رقم المشاركة : 3 
معلومات العضو
إحصائية العضو
اخر مواضيعي
0 "هل تعلم"
0 المذاكرة1
0 ما اصل عائلة بوزيان
انا وحدا من الناس كيما انتي واحد نبغيه نبغيه اذا طيرهالي مانوليش نشوف فيه اصلا و حاجة مانكرهاش قد المنافق والله كاين شي ناس راهم يمنشرولك في شي عباد هوما يشوفوهم و تولي دايخة الضحك و الهدرة المليحة حتا ماتمنيش تقولي بلاك كنت النوم .انا واحد كي مانبغيهش و كون زعفانة منو والله مانقدر نكذب عليه و تبان عليا حتا و كون نضحك لانو نولي نضحك من فوق القلب و كيما يقولو نضحك الضحكة الصفرا . مي التالية تعلمت انو هاذي العقلية ماتتمشاش و ماتخرجش الناس راهم يبغو النفاق ابا رانا نتعلمو .قالك لازم نستعملو اسلوب المداراة مانكونوش صداميين لانو الدنيا راهي هكا امالا خلينا نتعلمو ختي
النقطة الاولى ما لازمش تكوني عصبية فالتعامل مع الناس حتى لو كنتي تدافعي عن نفسك و مظلومة … لازم توكني هادئة و تتكلمي بحكمة وهكذا راح تكبر قيمتك و دائما ابتسمي في وجه من يعاديكي على خاطر ابسامتك راح تكون سم قاتل ليه وانزعاجك هو هدفه … وعمرها ماكانت النرفزة والعصبية و التهور قوة دائما هي دليل على الضعف … هذا اولا …
ثانيا لازم احنا كبشر نتعاملو مع الناس ونحتملو اذاهم و مانبعدوش عليهم .. لهذا دائما خلي الابتسامة ظاهرة حتى لو كنتي ما تحبيهش .. وما تحمليهش و خلي دائما لسانك حلو معاهم ماشي باش تكسبيهم او ولكن لكي تريحي ضميرك وفقط … شحال من واحد ما نحملوش ولكن دائما نضحك في وجهو .