السلام عليكم ورحمة الله تعالى وبركاته
كان كاين موضوع للاخت fifiarch شرحت فيه بالتفصيل كوفرولي سموكس تاع البيبي
ماهوش يحب يفتحلي
قولولي وش صرا للموضوع
هذا المشكل عندكم كامل ولا غير عندي
راني محتاجاتو في اقرب وقت باش نبدا
كوفرولي بيبي بغرزة الياسمينة المقلوبة شحال ندير ابعاد المربعات
6سم كيما الكوفرولي العادي؟؟
كيما هذا
وطول القماش ندير كيما تاع غرزة الظفيرة؟ يعني 2م على 1,05م ونخلي 5 سم في الجوانب قيس الخياطة
مع العلم حابة ندير هذاك الدونتال من الطرف كيما في الصورة
في انتظار رد الاخت فيفي او اي وحدة تعرف
وشكراا مسبقا
https://www.djelfa.info/vb/showthread.php?t=958516
هدارابط الموضوع اختي
اولا هذا مودال لبساط لكن مخدوم بغرزة الياسمينة المقلوبة
شوفي فكرة المخدة والدونتال على الجوانب هايل
العمل نتاع اختنا نبوغ
في دورة تعلم السموكس
وضك نجو لخدمتنا
اولا جيبي ثلاثة امتار قماش ساتان روايال
والقطعة تكون هكا
مبعد قسميها بهاذ الشكل وتهمنا القطعة الكبيرة هاذيك
لي عرضها متر وخمسة سنتيمترات وطولها مترين
لانو هاذيك لي راح نخدمو بيها السموكس
والباقي نتاع القماش نخدمو بيه المخدة والتبطين نتاع البساط من الخلف
وهكذا تقسمي القماش
بعدين تهزي القطعة لي قلنا نعملو فيها السموكس
وترسمي فيها كادر نتاع خمسة سنتيمتر من كل جيهة ونعتبروه حق الخياطة
هكذا
بعدين تنقلي الباترون هذا نتاع غرزة الضفيرة كيما موضح على ظهر القماش
بحيث المربع الصغير نتاع الباترون بعد الضلع نتاعو هوثلاثة سنتيمتر
وبين مجموعة اعمدة واخرى تخلي تسعة سنتيمتر
وتنقلي الباترون كيما موضح
بعدين تخدمي غرزة الضفيرة العادية لي نعرفوها حتى تكملي كل قطعة القماش
تتحصلي على قطعة
طولها حوالي متر
وعرضها حوالي ستون سنتيمتر
تجي قد البيبي ممتازة
بعدين تقصيلها قطعة قدها من القماش لي بقا وتخيطيها فيها من ثلاثة جهات وتخلي جيهة
باه تدخلي فيها البونج
كيما نديرو البساط بالبونج عادي
وبعدين تغلقي
وتنظميها وتديري الدونتال على الحواشي الاربع
والقماش الباقي ديري بيه مخدة
ابعادها خمسين سنتيمتر على اربعين
وانقلي عليها نفس الباترون وطبقي عليها نفس الخدمة تخرجلك باذن الله هايلة
وماتنسايش التزيين بالدونتال
بارك الله فيكم على النقل
اختي فيفي ممكن تجاوبي على سؤالي تاع الرد الثاني
في الانتظار
موضوع رائع اختي فيفي يعطيك الصحة اختي راه مكمول و شرح وافي بارك الله فيك
بالتوفيييييييييييييق