السلام عليكم اليوم جاتني فكرة انني نخلط بعض المقادير مع بعض ونقتبس حتى تحصلت على شيء جديد بلا ما نطول نعطيكم الوصفة
حوالي 800 غ سميد
و200 غ فرينة هك بش نلحق كيلو
نص ملعقة اكل خميرة خبز زنصف كيس خميرة خبز
حليب تقريبا كاس + فرماج عادي مرحي حوالي اربع حبات لكل فوج
شويا سكر + ماء دافئ للعجن ونحصل على عجينة متماسكة وما تكونش معصبة بزاف يعني كيما تع لمسمن
انا قسمتها لاربع كرات لانو كل فوج لازمها زوج كرات
لاصوص : قليت بصل + طماطم حب + فلفل حلو+ جزرمرابي+ طماطم علب نص ملعقة اكل + زيت + شويا شحمة مرحية حوالي نص ملعقة اكل + ملح وفلفل اسود ورند وفي الاخير توم وقصبر
ندهنو طاجين بزيت ونحلو العجين يعني كرة وحدة
url=https://www.gulfup.com/]مركز تحميل الملفات[/url]
وبعدها نحطو صوص ونرابي فرماج فوقها ويكون افضل لو نكثر الفرماج في الحواف لانهم لما ياكلو ديما الحواف يطيشوها وتبقى
ونغلق بطبقة تانية من كرة العجين وتطهى في الفرن
ولما طيب نقلبها
وبصحتكم راني قطعت ليكم بش ذوقو ولي ذاق البنة ما يتهنى ورح تقولوها برواحكم
مشكوووووووووووووورة باينة بنينة يسلمو ايديكي
يعطيك الصحة
تشبه الكوكا في الشكل و الطريقة
يعطيك الصحة