السلام عليكم ورحمة الله وبركاته
كنت حطيت معجون البرتقال في موضوع واش طيبتي اليوم
وللتوضيح أكثر نحطلكم شوية تفاصيل عن هاد المعجون اللذيذ مدام رانا في موسم البرتقال والليمون
المقادير
2 حبات برتقال أو 3 إذا كانو صغار
1 حبة ليمون
700 غ أو أكثر شوية سكر( ممكن حتى 1 كغ إذا كان البرتقال حامض)
لتر ماء
الطريقة
نغسل الحوامض مليح
ثم نضعهم في المجمد حتى يتجمدو تماما وييبسو مليح (حبات كاملين بالقشور)
من بعد نرابيهم في لاراب تاع الخضر من الاحسن في الجهة الرقيقة
نضع السكر والماء في طنجرة ونضيف البرتقال والليمون المبروشين ونضعهم على نار متوسطة يغليو نحرك من وقت لآخر و نحي الرغوة لي تتشكل عليه كل مرة ضروري
راح ياخذ شوية وقت وراح تلاحظو تغير اللون يولي مائل للذهبي
شوفو لونو كيفاش يولي رائع
لما يعقد طفيو عليه وممكن اضافة عصرة قارص أو ماء زهر إذا حبيتو
شوفو زوج حبات واش دارو
تفضلو
يعطيك الصحة من بكري ندير هذا المعجون
ومرات نزيدلو الميزينة ونحطو في سنيوة ينشف ونقطعو مربعات ونقدموه مع عصير راااااائع
الف الف شكر قطيطوش انتظري تطبيقي حنونة
الله يسلمك نوال زاد
أم ماجد بلامزية حنونة وبصحتك مسبقا
أم محمد مممممممم سخفتيني يجي كي طمينة السفرجل
مممممم روووووعة حبيبتي يعطيك الصحة
يعطيك الصحة قطيطوشة
يعطيك الصحة حنونة
تبارك الله عليك شكلو يشهي بزااف
444444444444444444444444
مممممم روووووعة حبيبتي يعطيك الصحة
امممممممممممممم يبان هايل حنونة مشكورة على الوصفة اكيد تجي بنينة في ميزان حسناتك يارب
اممممممممممم باوك الله فيك
الله يعطيك الصحة
هايل يعطيك الصحة