السلام عليكم ورحمة الله
تكمن المشكلة في اني لا أركز في الصلاة لاني دائما أفكر بفتاة سحرتني بجمالها و أخلاقها رغم أني أعرف انها لن تكون من نصيبي راكم تعرفوا الزوالي معندوش قيمة في هاد الوقت هذا لا يعني اني حقرت روحي و لكنه واقع مأكد في مجتمعنا
والله أصبحت نحس بلي راني مقصر في حق ربي و أحاول أن أخشع في الصلاة ولكن بعد دقيقة اعاود التفكير بها
خاوتي أدعولي ننسى هذه الفتاة و نتهنى ونكمل حياتي عادي
مادام راهي تجيك في صلاتك ادعي ربي تكون من نصيبك وييسرلك ربي وتكون حلالك،راني عارفة الزوالي كيما قلت انت كيفاش يعاملوه في مجتمعنا وكيفاش يحتقروه بالصح صدقنب كاين بنات الله يبارك عز وجاه ومال ومابغات غير الزوالي تكمل حياتها معاه في ظل حيرة كل المجتمع وهاذي قصص حثيثية،امالا ما تستاهنش بروحك ممكن الحوايج لي فيك يغنو عن مال الدنيا،ربي ينحي حاجات بالصح يعوضهم بحاجات اخرى
حاول تتقدملها من الباب الكبير وماتدري توافق وتكون من نصيبك
ربي معاك خويا وبالتوفيق
اذا تقدر تونقاجي و تطبب الباب اللهم بارك حسيت روحك ماكش قادر اجبد روحك و لي ماهو ليك غير يعييك و انهي هاذ لحكاية نهائيا
البنات ماراحش يخلاصو
والشيطان مادام يعرف نقاط اي واحد منا دايما يستغلها ويقدر يزين و يشبح للانسان اي عفسة حتى ولو كانت تافهة
والانسان ضعيف ينخدع بالوهم و ياكل المقلب و النتيجة ف الاخر انو يلقى روحو خاسر
سواء يطيح ف ذنب و لا ينقطع عن طاعة ولا يضعف ايمانو
ما تخليش بليس يديرلك صنم ف قلبك و استعين بالله و كثر الدعاء و الاستغفار
لو كان نتبعوك أنت
الواحد ميصليش ركعة وحدة صافية لربي
المهم تذكر في الأول والخير أنها إمرأة كباقي النساء
لها ما لها وعليها ما عليها
ماتفقدش الامل بلاك تكون من نصيبك ان شاء الله
ثق بالله فحسب
اكثر من الاستغفاار ووالدعاء
وكي تدعي قول يارب اخرج حب هذي الفتاة من قلبي
ربي يقدملك الخير يا اخي
يمكن راني خرجت من الموضوع
بصح ما فهمتش
يعني انت تقدمتلها و رفضوك ؟؟؟
علاش ما رحتش تخطبها من دارها قبل ما تحكي باللي ماهيش من نصيبك خاطر راك زوالي
المفروض تتوكل على رب و تحاول
ماشي تقعد تخمم فيها حتى في الصلاة و تقول مستحيل تكون من نصيبي
وين تعرف انت واش كاتبلك رب
يمكن تروح تخطبها يقبلو بيك
تقدملها و ما تخافش و رب يوفقك
ليتك تشرح لنا مشكلتك أكثر
|
المشاركة الأصلية كتبت بواسطة نوسة النموسة
 حاجة مليح كي راك تحس مقصر في حق ربي سبحانو
اكثر من الاستغفاار ووالدعاء وكي تدعي قول يارب اخرج حب هذي الفتاة من قلبي ربي يقدملك الخير يا اخي |
ربي زدني حبا لك و تعلقا بك و اقبالا عليك
و ربي يهدينا للخشوع في الصلاة
فكلنا مقصرون
كي تكون تصلي وجيك في بالك هاد الفاتنة تفكر الموت وحاول تتخيل عند موضع عينيك حفرة القبر وظلمته
السلام عليكم
حاول ان تنسى هذي الفكرة + اذا قدرت نوض في الثلث الاخير من الليل اقرى القران صلى 2 ركعات على حساب واش قدرت وادعي ربي
يصلح احوالك . بعد ذلك صلي صلاة الفجر والصبح .هكذا والله العظيم غير تحس بواحد الراحة تحسد علها ربي يوفقك .
السلام عليكم ، أخي أنصحك بتتبع برنامج كيف تتعامل مع الله للشيخ مشاري الخراز ابحث عنه و سوف تتبدل الامور بالنسبه لك سوف ترى العالم بشكل آخر صدقني و اول ما ستغيره بإذن الله هو صلاتك ستشعر بالخجل من الله لكل صلاه مرت و انت غير مركز في ما تقول على الأقل ( انا لم اصل بعد لدرجت الخشوع لكني على الأقل لم اعد كما كنت ) تذكر يا أخي انك تصلي أمام رب العباد . رب العباد يا أخي تذكر بانه يراك و يرقب تصرفاتك في الصلاه عندها سوف يتغير كل شيء … بالنسبه للفتاه اول شيء ابتعد عن كل مكان قد يجمعكما، ثانيا أدعو الله لقبول توبتك و ليساعدك على نسيانها وفقك الله يا أخي .
قرات العنوان ففرحت على المشكل الجديد والجيد وهو مشكل الصلاة والكثير الدي لا يثقنه
دخلت فوجت الموضوع يتحدث على الجمال والفتياات والحب والزواج ككامل المشكلات
قل ربي زدني حبا لك و تعلقا بك و اقبالا عليك
و ربي يهدينا للخشوع في الصلاة
تحسرك اخي دليل على ان قلبك بدا يحيي فهنيئا لك بلك ماعليك الا الاصرار و العزيمة على نسيانها و التركيز في الصلاة
و ادعو في الصلاة ان يرزقك الله خيرا منها فسبحان الله الرزاق