السلام عليكم
اليوم انا بحاجةالى دخل مادي
صراحة بعد ما حولت نعمل عدة مشاريع خسرت
تكونت في الخياطة حاولت نخيط ولم انجح
حاولت نعمل اعمال يدوية للاقارب بهدف الترويج وللأسف ضيعت الوقت
والتعب (المكرامي والكريات السحرية والخياطةوترقيع الملابس)
اكثر حاجة نالت إعجاب الأقارب والمعارف هي الحلويات
طبعا كنت نصنع الحلويات في الاعياد واعراس إخوتي وبنات عمي بدون مقابل
كانوا يمدحو فيا دائماً كونها اقتصادية ولذيذة جدا(ويقولوا وعلاش مديريش مشروع)
أنا سيدة متزوجة ولديا أطفال وزوجي لايحتمل مشاريع كبيرة في المنزل
لذا ارتأيت ان اتفق مع صاحب دكان حلويات او مخبزة او مقهى بالجلفة
قدرتي 80حبةاو90 في اليوم مهما كان النوع
وأجيد صنع اكثر من20نوع من الحلويات الجافة والمعسلة
سيكون التواصل والتوصيل مع اخي بعد الموافقة علي النوع والسعر وجها لوجه
على ارض الواقع
يارب وفقني
يكفيني ثنين او ثلاث أشخاص اتفق معهم وكون جديين
كل يوم نصنع لواحد
ربي يوفقك…
|
المشاركة الأصلية كتبت بواسطة شاملة لينة
 ربي يوفقك…
|
شكرًا
والله حلمي نشوف الجلفويين يشجعو بعضهم
عندي فكرة ديما نطبق فيها دائماً نحاول نشيري اشياء مصنوعين في الجلفة
كتشجيع لصناعة الجلفوية
والله اذا مشجعناش بعضنا رايحين يسيطرو الشاوية والمزاب والقبايل على السوق
ونبقاو حنا شادين الحيوط ونستهلكوا في منتجاتهم
يعني مشيينلهم السوق ومحبسينوا لرواحنا
لو كل واحد طبق الفكرة رايح تروح الجلفة بعيد
ويخرج لترونجي وترجع الجلفة لأصلها وثقفتها واخلاقها
تقبلوا ضيقت روحي
هي مجرد فكرة
ربي يوفقك…
لكن مافهمتش علاش راكي كونتر الشاوية وتالمزابية هدي عنصرية
الرزق بيد بي
ولي يحدم بي يزيدو مش بالوجوه
وجهة نظر فقط
موفقة
|
المشاركة الأصلية كتبت بواسطة decoration
ربي يوفقك…
لكن مافهمتش علاش راكي كونتر الشاوية وتالمزابية هدي عنصرية الرزق بيد بي ولي يحدم بي يزيدو مش بالوجوه وجهة نظر فقط موفقة |
لا هذه ليست عنصرية هذه تجربة شخصية
لأني نزلت لسوق وحاولت نمشي سلعتي
وكل واحد يقلي أنا نجيب سلعتي من غرداية او باتنة او سطيف أرخص
يمشي في سلعت ولايتوا لأنها رخيصة والمواد الأولية أرخص ويبيعها باسعار غالية في الجلفة
اما نحن عندنا المواد الاولية غالية والسلعة غالية
لايربح التاجر مع صانع يعمل بمواد أولية غالية
وتذهب الدراسة والتكوين خسارة والأحلام تتفتت
وتشجيع الأساتذة تجده مجرد كلام
وبالتالي المشروع فاشل والتكوين مجرد حرفة شخصية لنفسك فقط
لايغني ولا يسمن من جوع
*
الله يوفقك
مشكووووووووووووووووووووورين لقدوجدت عمل