السلام عليكم ورحمة الله تعالى وبركاته
اسعد الله صباح الجميع وجعل يوم الجمعة مباركا وفيه خير كثير
وصلى الله على سيدنا ونبينا محمد عليه افضل الصلاة وازكى التسليم
ومع ذلك لم استسلم وعاودت العمل كله في جهاز اخي مانطولش عليكم …………..
نبدا على بركة الله …………… استوحيت الفكرة من اسمي عازفة الناي وحبيت واخترت لكن ألة اخرى للعزف وهي القيتار وكيكتي هي شكل القيتار نتمنى اني وفقت في الانجاز
المقادير :
العجينة :
1/2 كوب زبدة
1 و 1/4 كوب سكر عادي
2 كوب فرينة
1/2 كوب حليب سائل
3 بيضات
قبصة ملح – كيس خميرة كيميائية
1/2 كوب مكسرات محمصة ومرحية ( لوز -جوز او اي نوع متواجد عندك )
الحشو :
1 كوب حليب نستلى
1 كوب سكر
1/2 كوب زبدة
3 صفار بيض
1 و 1/3 كوب نواة كوكو
1 كوب جوز محمص ومبشور
فاني
التزيين
موس الكراميل
علبة شكلاطة منى السوداء
القليل من كريم شانتيي
العجينة :* ننخل الفرينة مع الملح و الخميرة جيدا
* نضرب الزبدة مع السكر و المكسرات جيدا حتى تصبح تشبه الكريمة وبعدها نضيف البيض وحدة تلو الاخرى مع الاستمرار في الخفق
*نضيف الفرينة بالتناوب والتبادل مع الحليب ( يعني شوي فرينة ونخفق وزيد الحليب وهكذا حتى نحصل على عجينة الكيك ثقيلة شوي
*نضب الخليط في القالب المغطى بورق الخبز او الالمنيوم
* ندخله الفرن ونترك الكيك حتى ينضج
* نتركه على شبك حتى تبرد تماما
* نجيب ورق لرسم شكل القيتار
وبعد ذلك نضع الشكل على الكيك ونقوم بقص الكيكة على شكل قيتارة
* ونقسم الكيكة الى نصفين لوضع الحشو
* نسقي الكيك بقليل من الشاربات
* و نحضر الحشو : نضع النستلى في طاوة ونضيف السكر والزبدة ونقلب الكل على نار هادئة حتى تصبح لونها كي الكراميل فاتح ونضيف صفار البيض بالتدريج مع الاستمرار في التقليب على نار هادئة و بعد ذلك نبعده على النار ونضيف النواة كوكو و الجوز .
* نتركه قليلا وبعدها نحشي بيك الكيكة كما هو موضح في الصور :
2
وبعد ذلك نسقي النصف العلوي للكيكة ونضعه فوق النصف الاول
كتبت وحكيت بزاف واكيد تعبتو من الصور بزاف هذا العصير لكي ينعش قلوبكن ههههههههههههههههههههههه
بعد ذلك نضرب موس الكراميل تماما كما الكريم شانتيي ( يعني قليل من البودرة تاع الموس ونضيف الحليب البارد ونخفق جيدا )
ونغطي الكيك بالموس تاع الكراميل كما هك
و نذوب الشكلاطة على حمام مائي ….. و نجيب قارورة الكراميل ونصب القليل فوق الموس ونخليكم مع الصور
و هذه الكيكة في الاخير ههههههههههههههههه
مرحبا
عازفة الناي
بصراحة الحشوة طريقة جديدة و تبان شهية و تاني العجينة رائعة
والله صح كيكتك الاجمل انا عجبتني بزاف و الانشاءلله تفوزي بويسك تاعك الاجمل
مشكورة على المشاركة وبالتوفيق
فكرة رائعة اختي يعطيك الصحة
فكرة رائعة اتمنى لك التوفيق
امممممممممممممم فنانة
|
المشاركة الأصلية كتبت بواسطة lottie queen
 مرحبا
عازفة الناي بصراحة الحشوة طريقة جديدة و تبان شهية و تاني العجينة رائعة والله صح كيكتك الاجمل انا عجبتني بزاف و الانشاءلله تفوزي بويسك تاعك الاجمل مشكورة على المشاركة وبالتوفيق |
ماشاء الله عليك موفقة
ماشاء الله يعطيييك الصحة وبارك الله فيك على المجهود وبالتوفيق
يااختي انا عندي النت ثقيلة رهج ياريت لوكان تصغريلي الشكل النهائي باش نشوف كيكتك
ان شالله مانكونش ديرونجيتك
وااااااااااااو ماشاء الله تهبل ضرك اسمك عازفة القيتار يعطيك الصحه
|
المشاركة الأصلية كتبت بواسطة مونية ك
يااختي انا عندي النت ثقيلة رهج ياريت لوكان تصغريلي الشكل النهائي باش نشوف كيكتك
ان شالله مانكونش ديرونجيتك |
مافيها حتى ديرونجمون حبيبتي المشكل راه اني نستعمل في ميكرو اخي واللغة مداير روسية هههههههههههههههه
اول مايدخل نديرهالك
برافو عازفة القيتار ااااااااااه اقصد عازفة الناي………… ممتاز و خظ موفق
ماشاء الله ويعطيييك الصحة وبارك الله فيك على المجهود وبالتوفيق
عازفة قيتار ولا عازفة ناي كيكة نتاعك روووووووووووووعة باتوفيق
فنانة يا عازفة الناي بالتوفيق