جبتلكم اليوم مرقة زيتون او كيما تقولو طاجين الزيتون بالدجاج بطريقة جديدة او بالاحري اتمني تكون جديدة
المقادير
4اطراف صدر دجاج
500غ زيتون اخضر
بيضة او 02
شابلوغ
معدنوس
02بصلة
توم و فلفل اسود و البهارات
كريمة طازجة
جبن (استعملت تاع الميزان ب 50دج)
ملعقة موطارد
زيت للقلي
الطريقة
تخدمي مرقة زيتون كيما موالفة عادي يعني تقلي البصلة والتوم و التوابل مليح و معاها اطراف الدجاج و في دلك الوقت تغلي الزيتون 02 او 03مرات باه تروح لملوحة تاعوو تمرقي و تخليه حتي يختار شوية برك مش ياسر
وهدا شكله
لما يطيب الدجاج ننزعه من مرقة الزيتون ونرحيه مع البصل و التوم و التوابل و المعدنوس و ملعقة موطارد
ونضيفو بيضة او اتنين و تزيدي شابلوغ ولكن لازم تبقي طرية مش تزيدي الشابلوغ ياسر حتي تيبس تم نكورها و نحشيها بالجبن
تشوفو بلي درتهم كبار شوية باه نكمل ليه ليه ههههههه
الوصفة الاصلية لازم يكونو صغار شوية
وكيما تكملو كامل الكمية تاع الدجاج نقليوه في الزيت حتي تحمار شوية
للاسف مصورتش كامل المراحل باسكو كنت مزروبة درت العشاء و هدا الغداء تاع اليوم درت البارح ماما مكانشوانا خدامة الله يبارك علي فحلة ههههه حوحو يشرك في روحو
المهم لما تكملو تقليوهم كامل تحطو هديك المرقة علي النار لما تغلي تحطي الكريمة الطازجة و الدجاج المقلي 10 او 15د فقط
وهدا شكلها
مع شوية معدنوس من لفوق و عصرة قلرص ياعيييييني تهبل
ملاحظة
تقدري هداك الدجاج لما تقليه متزيديش تطيبيه في مرقة الدجاج
بالصحة والراحة
نتمني تجربوه
شهيةةةةةةةةةةة جدا شكرا على الوصفة
بارك الله فيك وبصحتكم
|
المشاركة الأصلية كتبت بواسطة كوثر 20
 شهيةةةةةةةةةةة جدا شكرا على الوصفة
|
العفو اختييييييييييييي
شكرا لمرورك
|
المشاركة الأصلية كتبت بواسطة كلمات مبعثرة
بارك الله فيك وبصحتكم
|
يبارك فيك حنونة يعيشك
مشكورة ربي يجازيك حبيبتي
|
المشاركة الأصلية كتبت بواسطة حب الله لا يعادله حب
مشكورة ربي يجازيك حبيبتي
|
العفو اختي ربي يهنيك
بارك الله فيك
ان شاء الله نجربوا
ملييييييييييييييييح راح نجربهااااااااااااااااااااااا
|
المشاركة الأصلية كتبت بواسطة بشرى2017
بارك الله فيك
|
وفيك بارك الله اختي
شكرا لمرورك الطيب
|
المشاركة الأصلية كتبت بواسطة نورسين سوف
ملييييييييييييييييح راح نجربهااااااااااااااااااااااا
|
جربيه حنونة و متخافيش تجي تسخف ونخرجو شوية من الطريقة التقليدية تاع مرقة زيتون
|
المشاركة الأصلية كتبت بواسطة خربشة ناعمة
فكرة جديدة و عجبتني يالشاطرة
ان شاء الله نجربوا |
شكرا اختي
جربيه واكيد بلا منوصيك حطي تتطبيقك نشوفو
انشاء الله نجربو شكرا
أمممممممممممممم…بارك الله فيك نجربوها ان شاء الله