السلام عليكم ورحمة الله وبركاته
حياكم الله جميعا
اخواني في مدونة الجيريا
جئتكم اليوم ومحملة من كثير من الحزن والتعب عسى ان تفرجو عني قليلا
انا فتاة 28 سنة ولله الحمد على خلق ودين ولا ينقصني شيء وهدا من فضل الله علي امس استوقفتني عبارة قالتها لي قريبتي
عندما اخبرتها اني لم اتزوج بعد تقول لي مادا تنتظرين بعد وقد ضاع عمرك وللعلم انه لم يتقدم لي اي احد يوما
هل هدا الامر عادي؟وايضا لاارى العائلة متقلقة من هدا الامر؟هل هدا الامر ايضا طبيعيا؟ وهو يروني اكبر امامهم يوما بعد يوم
انا اصلا ارى ان فرصتي في الزواج صارت قليلة وحتى ان تزوجت هل سياتيني شاب كما احلم؟ ارى انه لم يبقى لي الا ان ياتيني مطلق او شيخ……………
في رايكم اخوتي ما العمل؟ تقول لي صديقتي اعملي رقية شرعية؟ هل ادهب لعمل رقية ام ما دا افعل
جزاكم الله خيرا وفرج عنكم
لا تنسوني من دعواااااااااااااااااتكم
غفر الله لك يا أختي
لماذا هذا التشاؤم
يأتيك شيخ أو مطلق
لا يأختي أنت ما زلت صغيرة
وكلّ شيئ بالمكتوب إن شاء الله
فما عليك سوى أن تدعي الله عزّوجل
أن يقدم عليك خاطب شريف يسترك ويحفظك
وتعيشين معه حياة السعادة والهناء
صدقيني أختي بالله العظيم
الدعاء
الدعاء
الدعاء
وسترين العجب إن شاء الله
اللي خلق ما يضيّع
والعبرة في اللي صدق ما شي في اللي سبق
المهم الإنسان يصلح أحوالو مع مولاه
وتكون نيتو صادقة وخالصة لله
وبعد ذلك يتبرأ من حوله وقوته
ويدع الأمور لله يسيرها كيفما شاء بحكمته
أسأل الله أن يرزقك عليك بالزوج الصالح
التقي النقي عاجلا غير آجل
اللهمّ آمين وجميع أخواتنا المؤمنات
…………..
اسلام عليكم ورحمة الله وبركاته
انا عندي عام قاعدة في الدار عمري 26 عام
كل وين نتلاقة بوحدة تسولني على الخدمة والمكتوب ما تخطبتي ما خدمتي واش هدا
لم يعلموا ان كل شيئ بيد الله سبحان الله
وانصح بالاستغفار والرضا بقضاء الله وقدره
وعسى ان تكرهو شيئا ويجعل الله فيه خيرا كثيرا
والله انا أيضا اعاني من نفس المشكل ربي يفرج
ماشي حق عليك اختي الزواج يبقى قسمة و نصيب و الناس هذو هوما كانو حنا اللي نجيبو الراجل و ارضاءهم غاية لا تدرك طيشي كلام الناس ورا ظهرك و حتى عدم قلق الوالدين احمدي ربك عليها كاين اولياء هوما اللي يسبوا بناتهم اللي ما همش متزوجين
اليك مثال اختي ******عندي اختي الكبيرة 32 سنة و ليست متزوجة لكنها ماهيش مقلقة و تحمد ربي و لم تعارض على زواج اخواتي الصغار وحدة 26 ووحدة 22 بالعكس هي الاولى اللي تفرح و هي اللي تجهزلهم كل شي و
اختي ما تتقلقيش لازم ترضاي باللي كتبلك ربي و ما تدريش وين مخبيلك الخير
اختي ربي يرزقك الزوج الصالح و كيما تتمنيه و لجميع بنات المسلمين
ربي يفرج عليك ويرزقك بالزوج الصالح الذي يعينك على امور دينك ودنياك عاجلا وليس اجلا
عليكي اختي بالدعاء والاستغفار
وان شاء الله ربي يفرحك قريبا وتفرحينا
مازلت صغيرة ……………وكلش مكتوب
|
المشاركة الأصلية كتبت بواسطة اريج الرياحين
 السلام عليكم ورحمة الله وبركاته
حياكم الله جميعا اخواني في مدونة الجيريا انا فتاة 28 سنة ولله الحمد على خلق ودين ولا ينقصني شيء وهدا من فضل الله علي امس استوقفتني عبارة قالتها لي قريبتي في رايكم اخوتي ما العمل؟ تقول لي صديقتي اعملي رقية شرعية؟ هل ادهب لعمل رقية ام ما دا افعل جزاكم الله خيرا وفرج عنكم لا تنسوني من دعواااااااااااااااااتكم |
السلام عليكم أختي
شوفي الزواج رزق وبمكتوب ربي لكن في هذا وقت ناس رجعوا يخمو بتخلف رغم أنو والله أحان رانا في عهد التطور وعصرنة وكل شيء راهو كاين ورانا في مرحلة الوعي الديني والدنياوي مي الناس تخلفت في وقت لازم تتطور فيه
لازم تكوني واثقة في حكمت ربي والزواج شيء مقدر يعني كيما المرض والموت متقدريش تعرفي وقتاش يجيك مهما حاولت شيء عند ربي سبحانو
28 سنة مزالك صغيرة يا ختيتي أنا أختي 28 سنة تزوجت و الحمد لله
وبزاف ناس جيران 35 سنة ومكتوب ما شاء الله والله ماكنوا يحملوا به الناس هكذا تحب تهبطلك مورال ولا كاين ناس ميعرفوش يحكو على هذيك كوني قوية وكملي حياتك
وكيما قالولك من قبيلا الدعاء سر كبير بزاف ناس يجهلوه وكي تحسي روحك ضعفتي وكرهتي صلي ركعتين و أشكي لربي واش كاين في قلبك راح تحسي براحة عظيمة
ورقية مليحة يعني حتى وإن كان مكانش مشكل أان ع ننفسي نرقي روحي من باب تحصين فقط والقرأن شفاء لكل الأمراض منها تربحي حسنات وتكثري من عزيمتك في دنيا
كبري قلبك ومتخميش في واش ينقال ومديريش حساب حتى لواحد المهم الرضا ربي ورضا والدين ورضانا على نفسنا فقط لا غير
ya okhti matkalki ma walou kolch byad rabi sabhanou w li makatbhoulek rabi yjik w belek chaf fiha rabi khir w
tadi li tahalmi bih w
lakan khaifa tadi wahd matalek wla chikh
ki 3ad 3omrek 28 mazlti sghira ana wald 3mti 32ans w da wahda 29ans
w 3amti jabthalou
ما تتقلقيش اختي قوي ايمانك بالله وما تسمعيش للكلام الناس لخاطرش غير يعيك
ارضاي بواش اكتبلك ربي وخلاص
وتاكدي ان الخيرة فيما اختار الله
الحمد لله على كل حال
والزواج قسمة ونصيب
وفيه بنات في سن الاربعين بدون زواج وفي كل المجتمعات
فعليكِ بالصبر والقناعة والدعاء
وفقنا الله تعالى لكل خير
مازلك صغيرة اخرك الله لانه يريد لك رجلا افضل
أختي الكريمة دعك من مهاترات الجهلاء والأغبياء..الزواج مكتوب ليس الا..وكما يقول المثل"مرت حد ما يديها حد"….عليك بالاستغفار والدعاءا لى الله والفرج قريب عند ذكر الله دائما..
مازالك صغيرة وشابة الله يبارك .
حنا من كثرة الجهل غيرنا مفهوم الزواج وسن الزواج .
أحسن شي البنت تكون كبيرة لأنو السن رح يصنع خبرة وحكمة وعقل .
يا أختي ادعي الله يرزقك بابن الحلال . وأنا على ثقة ان الله سيعطيك كل خير " ومن يتق الله يجعل له مخرجا ويرزقه من حيث لا يحتسب "
ما تسمعيش لكلام الناس الجاهلة واسمعي كلام ربي والرسول صلى الله عليه وسلم .
السلام عليكم .
يا أختي لا داعي للتشاؤم، عيشي حياتك و افرحي و لا داعي للتشاؤم، كلش بالمكتوب، و وقت زواجك ما زال ما لحقش برك، لا تجعلي حياتك تعيسة بكثرة الأفكار و الوساوس الشيطانية التي لا تزيدك إلا حزنا و كرها للحياة، هناك من قريباتي من قاربت على الثلاثين و من تجاوزتها و لم يتقدم لخطبتهن أحد مع أنهن ذوات جمال و خلق و دين و متعلمات، لكن كيما كتب ربي جاو الخطابة بالجملة، الواحد تلو الآخر، و الآن راهم متزوجين بولادهم، و أنت راكي 28 سنة فقط، عليك بلزوم الدعاء و الإكثار من الطاعات و اجتناب المعاصي ( و قلت استغفروا ربكم إنه كان غفارا يرسل السماء عليكم مدرارا و يمددكم بأموال و بنين و يجعل لكم جنات و يجعل لكم أنهارا )، عليك بقراءة القرآن يوميا و بكثرة الاستغفار، و لتكن ثقتك بالله كبيرة .
بالتوفيق .