السلام عليكم
للتخلص من الكالكار و الحصول على حمام ناصع
قومى بتسخين الخل الابيض على النار لما يبدا بالغليان فرغيه على المكان اللى فيه الكالكار و خليه شويه و حكى ايلا كان بكميات كبيرة استعملى الموس يبدا يطير بلاكات بلاكات
و عاوديها مرة على مرة و الله النتيجة رائعة
و بالنسبة للمرحاض فى اليل كى تتاكدى بلى قاع رقدو و مكاش اللى يستعملو نظفيه و نشفيه من الماء اللى يبقى و فرغى الخل مغلى و سخون و حكى
الخل عندو رائحة قاطعة لذلك انصحكى ديري حاجة على نيفك كى تكونى تنظفى
شكرا ليك اختي
قبل ما تصبي الماء الساخن في التواليت قولي بسم الله راكي ممكن تأذيهم وبدل الفايدة الواحدة تولي في حاجة اخرى
حذار الماء الساخن في المرحاض خياتي
لازم اختى دائما الدعاء
اللهم انى اعوذ بك من الخبث و الخبائث
شكرا ليك اختي
choukran 3lla nassiha
merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiii
يعطيك الصحة اختي
انا جربتو بلا ما نغليه نتيجة مليحة
بالاك كي يسخن خير نجربها ان شاء الله
لكن كيما قالو الاخوات الافضل ما ترميش ماء ساخن جدا في المرحاض
الاخت ماريا ملاك أنا عندي لبووار راها معمرة كالكار نقدر ندير فيها ولا لا لخاطر كدرتو في المكواة تحرقت رغم انها ألمانية الصنع ومن النوع الجيد على هذا خفت نجربها على لبووار والكافتيار بصح لراك مجربتها خبريني
راني شفت المطبخ انتاعك وعجبني ادعيلي ندير كيفو حابة ندير غجهة واحدة بحكم مطبخي صغير تقدري تنعتيلي نشوف لمدال الطول 3 امتار وشكرا
|
المشاركة الأصلية كتبت بواسطة منال100
 الاخت ماريا ملاك أنا عندي لبووار راها معمرة كالكار نقدر ندير فيها ولا لا لخاطر كدرتو في المكواة تحرقت رغم انها ألمانية الصنع ومن النوع الجيد على هذا خفت نجربها على لبووار والكافتيار بصح لراك مجربتها خبريني
راني شفت المطبخ انتاعك وعجبني ادعيلي ندير كيفو حابة ندير غجهة واحدة بحكم مطبخي صغير تقدري تنعتيلي نشوف لمدال الطول 3 امتار وشكرا |
اهلا اختى منال 100
انا ما سييتوش فى الالات الكهربائية لكن سييتو فالكافتيار فالجيهة اللى ندير فيها الماء يعنى ما كاش فيها خيط تاع تريسيتى
و لابوابر ما فهمتش واش هى
اما بالنسبة للكوزينة ان شاء الله ديري احسن منو حبيبتى
3امتار لاباس بيهم مشى صغيرة
واش من مودال حبيتى و نبعث لاختى
مساء الخير حنونة
لابوار لغلو فيها الماء
بالنسبة للكوزينة حابة يكون بوتاجي ومالفوق لزيلمون بصح مانديرش الحوض في هذا الجهة انا نسحق البوتاجي يكون طويل لخاطر عندي بزاف الالات الكهربائية باه نحطهم فوقه اما الحوض موجود في جهة أخرى تحت النافذة
ان شاء الله راك فهمتيني وشكرا
|
المشاركة الأصلية كتبت بواسطة منال100
مساء الخير حنونة
لابوار لغلو فيها الماء بالنسبة للكوزينة حابة يكون بوتاجي ومالفوق لزيلمون بصح مانديرش الحوض في هذا الجهة انا نسحق البوتاجي يكون طويل لخاطر عندي بزاف الالات الكهربائية باه نحطهم فوقه اما الحوض موجود في جهة أخرى تحت النافذة ان شاء الله راك فهمتيني وشكرا |
السلام عليكم
تقدري تنقيها بصح دفيه برك ما تغليهش
فكلرة هايلة انك ديري جيهة خاصة للالات الكهربائية
ديري التحت جيهة قجورا تخبى فيهم الاكسسوارات تاع الروبو و جيهة بيبان يجو فيهم 60 سم فى العرض للباب الواحد
و الفوق ديري ليزيليمو كامل بيبان
شكرا على النصيحة ربي يحفظك ودمت متألقة دائما
شكرااااا على المعلومات
|
المشاركة الأصلية كتبت بواسطة منال100
شكرا على النصيحة ربي يحفظك ودمت متألقة دائما
|
نحن فى الخدمة عزيزتى