السلام عليكم ورحمة الله تعالى وبركاته
حبيباتي الغاليات اليوم جبتلكم وصقة من قناة سميرة للشيف فارس جيدي اسمها لحم بقري بالكمون
طبقتها جات هايلة والبنة روووووووووووعة
حبيت انشارككم بيها وان شاء الله تسيوها وتعجبكم
نبداو بسم الله بالمقادير
اطراف لحم بقري
تلات حبات بصل كبار مقطعين دوائر
سنينات ثوم مرابيين
تلات حبات بطاطا مقطعة على ربعة
ملح فلفل اسود وكمون
زيت
مغرفة مارغارين
طريقة التحضير
في قدر او كوكوطة انذوبو مغرفة تاع المارغارين مع شوية زيت
ثم نضيفو اللحم والثوم وانخلوه يتجمر شوية
بعدها انضيفولو الملح والتوابل
وانخلوه يزيد يتجمر شوية وبعدها انمرقوه بالماء وكي يغلي نغلقو الكوكوطة وانخلوه يطيب
في مقلة نحكمو البصل تاعنا انذبلوه ف الزيت بعدما انكونو ضفنالو الملح والتوابل
نحكمو البطاطا نتبلوها هي تاني
وانحمروها في مقلة فيها شوية زيت
هايليك كي تتحمر
بعدها نحكمو اناء يدخل الفرن انحطو من التحت اللحم تاعنا بعدما يكون طاب
ثم نحطو من فوق البصل
وفوقهم البطاطا
ثم انمرقوه بالمرقة اللي طاب فيها اللحم والى الفرن
هاوليك الطبق تاعنا جاهز
ان شاء الله يعجبكم والمذاق انا نضمنلكم متندموش عليه خاطر راهو خطييييييييييييير
بصحتم حبيباتي وسهرة سعيدة
مممممم لذييييذ يعطيك الصحة اختي و شكرا على الوصفة 
يعطيك الصحة
يبان بنين يعطيك الصحة
بارك الله فيك
هااااااااااااااااااااااااااااااااااااااايل اختي روووووووووووووووعة بوركتي
يعطيك الصحة
يعطيك الصحة ندى
يعطيك الصحة روعة
ربي يخليكم ليا ياغاليين ويسلمكم من كل شار يارب
بارك الله فيك وجزاك الله خيرا
شكرا على الوصفة
الله يسلمكم كااااااااااااااااااااااامل وشكرا لردودكم ودعواتكم ربي يخليكم يارب
طبق رائع وباين لذيذ
جزاك الله خيرا