السلام عليكم…
أخواتي راني محتاجة طريقة عمل"سلو"حنا في الغرب نسموه هكذا لكن مانيش عارفة باقي المناطق كيفاهش يسموه هو خاص بالمراة حديثة الولادة كيما نقولو"النفسة"يعني مثل "الطمينة"لي في الغرب يقولولها "تاقنة"لكن مكوناته تختلف فيه الفرينه محمرة واللوز مقلي مطحون وجلجلان مقلي ومطحون…لكن باقي المكونات مانعرفهاش!!!!ياريت تساعدوني خاصة بنات الغرب لأني محتاجتها ضروري.
بارك الله فيكم مسبقا…
ابحثي في قوقل
راح تجدي الوصفة بطريقة مغربية ناجحة و باشكال مختلفة
نسمع بهذي الكلمة "سلو" بصح منعرفهاش نتمنى يساعدوك الأخوات
حبيبتي هذا سلو معروف عندنا في الغرب
و لكن رايحا نسئل لوالده ديال و نقولك ان شاء الله
شوفي اختي انا ماجربتهش لكن راني ننقلك الوصفة حرفيا من كتاب مغربي موجود عندي
المقادير
500 غ فرينة
500غ لوز
500غ جلجلان
250سكر عادي
1ملعقة صغيرة سانوج مرحي
نصف ملعقة صغيرة قرفة
نصف ملعقة صغيرة ملح
قرصة مسكتة و يمكن الاستغناء عنها
300غ زبدة
طريقة التحضير
نحمر الفرينة علي نار هادئة حتي تصفر و نغربلها
نحمص الجلجلان في مقلاة و ارحيه
نحمص اللوز بعض دقائق و ارحيه
خلطي الفرينة مع اللوز و الجلجلان و الملح و السكر و المسكتة و السانوج و القرفة و نضيف الزبدة الدائبة بعدما تبرد و نعجن الخليط حتي يتمااسك
مليح
نصنع بالخليط كويرات صغار بحجم حبة الجوزنضعها في قولب ورقية اي كيسات زينييها بالجلجان
ادخليها الفرن من 40 حتي 45 دقيقة
نتمني نكون فدتك اختي
المقادير
كيلو ونصف طحين محمر
كيلوا زنجلان محمر مطحون ناقص زلافة عادي
كيلوا لوز محمر مطحون ناقص زلافة عادي
نصف ملعقة صغيرة مسكة حرة
2ملعقة كبيرة نافع
2ملعقة كبيرة قرفة
نصف لتر من الزيت الساخن
نصف كيلو سكر
قليل من الملح
2كيسان عسل
2ملاعق زبدة مذوبة
الطريقة
نمزج المكونات جيدا جيدا حتى تتداخل فيما بعض ويصبح لون واحد كما هو مبين في الصورة
وبعد ذالك نضيف الزيت الساخن ويستحسن ان نتركه حتى يدفي ونبدأ بالخلط وذالك من أجل سلامتكم
ملاحضة انا اضفت القليل من الزيت حتى اجتمع الخليط وذالك حسب الدقيق
وهذا شكله النهائي وياتي رائع وعند التقديم يوضع في صحون صغيرة حسب الاشخاص
لمن يحب ان يتفنن وان يصنع بشكل اخر رائع يكفي ان ناخذ القليل من سلو الذي حضرناه ونضيف له 2كيسان عسل مع 2ملاعق زبدة مذوبة ونخلطهم جيدا حتى يدخل في
العجين ونقوم بتشكيله على شكل مستطيل كما هو مبين في الصورة ونرش الزنجلان فوقه و نبسطه باليد ويدخل الثلاجة الى ان يتماسك
وعند اخراجها نقوم بتقطيعها كما هو مبين في الصورة
وهذا شكله عند التقطيع رائع ويوضع في علبة ويدخل الى الثلاجة طيلة ايام استعماله اما الاول فلا بئس ان نتركه في علبة حارج الثلاجة وبالف صحة وعافية ورمضان مبارك
|
المشاركة الأصلية كتبت بواسطة حلمي الأمومة يا رب
|
هذي هي الطريقة الصحيحة
الزيت لازم تسخنيه مليح درجة عالية و تخليه يبرد
و اللوز مقشر ومقلي ومرحي تقدري تزيدي مكسرات
أخرى و الحبة الطيبة و النافع وملاحظة العسل
خليه للأخر يمكن متحتاجيهش خلاص على حسب
تماسك الخليط وراها تجيك روعة
والله فضلتو على راسي من فوق شكرااااااااااااااا وجزاكم الله كل خير وحقق لكل واحدة منكن ما تتمنى