السلام عليكم
لقيت روسات في جورنال عجبتني من جميع النواحي بالاخص انها اقتصادية وسريعة جدا في حال جاكم ضيف فجأة ومكانش وش تحطوا في القهوة 
ودائما حصريا في مدونة الجيريا 
كيكة رخامية بغلاساج ليمون مممممممممم روعة مش را تندموا لو جربتوها
والغلاساج اضافة من عندي 
لازملك اختي
علبة ياغورت (نكهة الي تبغي )
وهدي العلبة بعد تستخدميها كوزن لباقي المكونات حيث تعملي :
2علب سكر
علبة زبدة
3 علب فرينة
2 بيض
ساشي خميرة قاطوا
2 ملعقة كاكاو
ملعقة واحدة فانيليا
اما لازم الغلاساج لازم تعمليه بالشكل التالي :
3 ملاعق سكر ناعم في ملعقة ليمون ضربيهم مليح بالباتور حتان تولي بيضاء كما الثلج
كيفيت التحضير
-في صحن غامق تضربي علبة نتع الياغورت مع الزبدة حتان تولي كريمة
-في صحن اخر غامق ثاني تضربي البيض مع السكر حتان تولي كريمة
-من بعد تخليطهم مع بعض وضيفي الفرينة و الخميرة
-من بعد تقسمي الخليط كااااااامل الى 2 اقسام متساوية قسم الاول تحطي فيه الكاكاو وثاني تخليه كماراه
-تجيبي الان صنية فرن نتع لي كيك راهي تتباع في المحلات تذهنيه بالزدبة مليح مليح ومن بعد تحطي الخليط الي مفهش الكاكاو ومن بعد من لفوق الي فيه الكاكاو تجبي فرشيطة وتقلبي غييييييير بشوية بش تجيك رخامية
بعدها تحطيه اطيب في درجة حرار قليلة لمدة نصف ساعة
-تخرجي الكيكة نتاعك وتحطيها في صحن تخليها تبدر وتحطي عليها الغلاساج
ويكون شكرلها هكة :
تبان بنينة وخاصة مع القارص
بصحتكم وبارك الله فيك
وفيك البركة اختي ام كوثر اسعدني مرورك
سلام
يعطيك الصحة يا الشاطرة
شكرا يا زينة كلكم شاطرات ماشاء الله
ومنكم نتعلموا
يعطيك الصحة
الله يبارك ختي تبان هايلة
اي حاجة مع القارس تعجبني هادي اكيد بنينة بارك الله فيك
يعطيك الصحة
تشهي
بارك الله فيك اختي
بارك الله فيك ويعطيك الصحة
يعطيكم الصحة على مروركم نورتوا نسنى تطبيقاتكم يا لبنات تحياتي
اهلا بيك يا راجية الجنة
منورة قسم الحلويات الله يبارك عليك مواضيعك مميزة و مفيدة كما عهدتها في قسم الدراسات العليا
تحياتي الحارة ليك اختي الغالية
معاك rose de sable سابقا
|
المشاركة الأصلية كتبت بواسطة الواثقة بالله 23
 اهلا بيك يا راجية الجنة
منورة قسم الحلويات الله يبارك عليك مواضيعك مميزة و مفيدة كما عهدتها في قسم الدراسات العليا تحياتي الحارة ليك اختي الغالية معاك rose de sable سابقا |
هههههههههههه اهلا اختي عاش من شافك اختي وش الغيبة هدي
ربي يبارك فيك اختي
يعطيك الصحة