السلام عليكم و تحية الى كل الاخوات الكريمات هذه اول مشاركة لي لهذا اردتها ان تكون من مطبخنا السوفي الاصيل.
اليوم جبتلكم وصفة تقلدية تورثنها من اجداد اجدادنا و الحمدلله مازلنا متمسكين بها و هي اساس كل طبخاتنا و يحبها الصغار والكبار وان شاء الله تنال اعجابكم .
نحتاج الى سلق مقطع وسط نغسله ونتركه يستقطر
و بصل مقطع رقيق
و حبات طماطم مقطعة رقيق ونزعنا عنها الماء
وفلفل حار طبعا حسب الذوق
ملح .كروية.و سنات ثوم
1 ملعقة طماطم مصبرة
2الى3 ملاعق زيت الزيتون
2ملاعق زيت نباتي .
و دقيق لصنع العجينة
والان ننتقل للعجينة
نحتاج دقيق وملح ونلمها بالماء وندلك 10د ولازم نكون قادرين نتحكمو فيها يعني ماهي مرخوفة ماهي شادة
ونخلي العجينة و ننتقل لتحضير الحشوة نتعها في منطقتنا عندنا مهراس العود و الذي لا يخلو من اي بيت و نحتاج له في كثير من اطباقنا
بعد متعرفنا على مهراس العود و الي معندوش يستعين بالربو و نحط في المهراس كل شي بالتدريج اول شي نحط الملح و الكروية و نهرس و مبعد نحط سنات الثوم و نهرس و مبعد الفلفل و نهرس و في الاخير طماطم و نهرس
ملاحظة كل شي مع بعض بصح بالتدريج مشي نحو ونهرسو
الصور توضح اكثر
وبعد ماهرسنا الكل نضيفها لباقي المكونات البصل و السلق و طماطم المصبرة و زيت الزيتون و الزيت النباتي و ملح حسب الذوق و نخلط الكل و نتحصل على الخليط الذي سنضعه في قلب العجينة
وهذه بعد ماخلطنها مع بعض
والان نحضر الطاوة وهي قطعة حديدة نحطها فوق نار متوسطة لتسخن
نحضر الطاولة و عليها رقعة من قماش باش نخبز عليها و نحتاج الى الفرينة باش متلصقش العجينة في ايدينا او الرقعة و فنجان زيت باش نرشو الطاوة قبل مانرمو الخبزة
والان نقسم العجينة خبيزات صغار زوج زوج ونحلها باليد مع رش الفرينة من حين للاخر لكي لا تلصق في اليد
بعد ما نحلهم في زوج نضع الحشوة فوق العجينة و نغطي بالعجينة الاخرى و نغلق على الحواف مليح بالش مايخرج الحشو و نخبز بدون ضغط ثم نرش الطاوة بالزيت و نرمي الخبزة و نطيبها من جهتين و اترككم مع باقي الصور و هي اوضح 
و هذه هي من الداخل.
انا انتضر تعليقاتكم بفارغ الصبر
امممممممممممممممممممممممممممم هايلة
يا ويلي على مهراس العود نموت على المأكولات اللي تتهرس فيه أكيد روووووووووعة
بصحتك عزيزتي
ماشاء الله اكيد لذيذة
اممممممممممم شهيتيني
بعطيك الصحة سوفية حرة نستعرف بيك ههههه والله غير شهيتيني كون غير زدتي كملتيلها شوي شحمة تجي أروع بصحتكم حبيبتي في إنتظار جديدك ولبوساتي لضياء ربي يحفظه
الله الله يعطيك الصحة تهبل
سلمت على الموضوع الجميل
امممممم باينة بنينة يعطيك الصحة 
يعطيك الصحة باينة بنينة راكي شهيتيني ممممممممممم
|
المشاركة الأصلية كتبت بواسطة أم إياد أحمد أمين
 امممممممممممممممممممممممممممم هايلة
يا ويلي على مهراس العود نموت على المأكولات اللي تتهرس فيه أكيد روووووووووعة بصحتك عزيزتي |
شكرا على الرد ماكلة المهراس بنتها و حدها
|
المشاركة الأصلية كتبت بواسطة **أم محمد يحي**
ماشاء الله اكيد لذيذة
|
شكرا على مرورك
سخفتيني علاه عليك كسرة اول مرة نسمع بيها
|
المشاركة الأصلية كتبت بواسطة درة بيتي
بعطيك الصحة سوفية حرة نستعرف بيك ههههه والله غير شهيتيني كون غير زدتي كملتيلها شوي شحمة تجي أروع بصحتكم حبيبتي في إنتظار جديدك ولبوساتي لضياء ربي يحفظه
|
تسلمى اختي و شكرا على مرورك و هي اصل اصيل تجي فيها الشحمة غير انا منحبش الشحمة صوري
|
المشاركة الأصلية كتبت بواسطة scorpionoir
سخفتيني علاه عليك كسرة اول مرة نسمع بيها
|
الله غالب مي كي تذوقوها معش تنسوها