السلام عليكم
كيف حالكن اتمنى ان يكون الجميع بخير اليوم درت بدنجان وقلت انوريهلكن بلاك كاش وحدة متعرفش هده الوصفة المهم
ناخد حبات البدنجان انت والكمية الى تسحقيها نقسمها على اثنين ثم ندهن لبلا بالزيت وندخلهم للكوشة حت اطيبو ومنبعد نديرهم فى ساشى 
ومنبعد نرحيهم او ندقها فى طبسى كما درت انا
نوجد لاصوص راس ثوم+حبتين طماكم 2 مغارف زيت شوية ملح +حبة جمبو دجاج +شوية طماطم تاع الباطة شوية برك باه مجيش حالاصوص حامضة +فلفل اكحل ونخلى لاصوص على نار هادية ثم نمرق بشوية ماء ونخليها تطيب
من جهة اخرى نجبد لحم مرحى +كمشة روز+حشيش كسبر+اللب الى نحيناه من البدنجان+1 فرماج شاف او اى نوع تفضلين و2سنات ثوم وحبه بيض نخلط الكل ونحشى قشو رالبدنجان
نستفهم فى البلا تاعنا ونفرغ اعليهم لاصوص حت يتغطاو حبات البدنجان باه يطيب الروز والحم المرحى ونزيد حبة شاف اخرى نقطعها ونخليهم اطيبو حت تبقالى غير شوية لاصوص ورايحة تخثار من الفرماج ونقدما هكدا وشهية طيبة ونشاء الله تعجبكم والصور تفهمكم اكثر
الله يعطيك الصحة
وصفة راااااااااااااايعة بارك الله فيك
يعطيك الصحة يبان بنين
اسعدنى مروركن شكرا
merciiiiii
ابن ردودكن
شكرا لك على الوصفة تشهي بارك الله فيك
اممممممممممم رايحة نجربهم
44444444444444444 رائع
يعطيك الصحة
امممممممممممم بارك الله فيك نموت عالباذنجان بكل طيابتو هههه
يعطيك الصحة