السلام عليكم حبيباتي توحشتكم بزاف و قلت نجيبلكم هذية لذيذة و صحية و غير مكلفة
المعروف ان الفلافل او الطعمية اكلةمشرقية بامتياز لما حبيت نخدمها كنت نديرها عادي نقليها لكن بصراحة خسرتلي قع الاتي هههههههههههههههه و زيد زوجي ماعادش ياكل القلي ايمالا رجعت نشمخ الحمص ليلة و في النهار نطيبو عشر دقائق و الفول نشمخو ساعة و نطهيه عشر دقائقو الوصفة كالتالي
كاس فول ليابس
نصف كاس حمص مشمخ
>ملقة برغل و اللي ما عندهاش تدير المرمز تشمخو نصف ساعةانا هنا ما درتش ما عنديش في زوج
ربطة حشيش
ربطة معدنوس
راس كبير ثوم
ملعقتين خبز يابس مرحي ملعقة صغيرة خمارة
التوابل ملح كمون فلفل احمر عكري و حار فلفل اسود الكسبر اليابس مرحي
جلجلان
نرحي كلش مع بعض حتى يملاسو مليح و نضيف البهارات و نشكلهم دوائر و نغطسهم فالجلجلان و نطيبهم و تقدرو ديرو كيما انا درتهم في مول السييكون بعد ما نمسحو بفرشاة فيها زيت و نطيبهم فالفرن
التغميسة نصنعو صلصة التارتارلها نوعين
اما بالطحينةنمزج اربع مغارف طحينة كبار حبتين ثوم مهروس نصف كوب ما ء عصير ليمون ملح فلفل اسود و معدنوس مخلل الخردلنرحي الكل مع بعض
او اللي يحب يديرها بالمايونيز
كوب مايونيزملعقة كبيرة من مفروم مخلل الخيار الناعم انا درت مخلل الخردل هذا وش توفر عندي مفروم المعدنوس ملعقة صغير بصل مفروم ناعم ملعقة كبيرة زيت الزيتون عصير الليمون ملح
SAUCE TARTARE
صلصة التارتار صلصة لذيذة جدا تقدم مع انواع المشويات و المقليات و تستخدم خاصة مع سندويتشات الاسماك و الشاورما و الفلافل
لمحبي الريجيم صلصة التارتار بالطحينة لكل ربع كوب 360سعرة حرارية
, و اليكم المراحل بالصور
و في الاخير حبيباتي نتمنى انكم تجربوها و تعجبكم و في الاخير الاكل اذواق
حبيباتي ارجو التقييم لاني فعلا تعبت فالتحميل و التجريب سلام 
ملاحطة هذ الوصفة لا تقلى و من تريد الوصفة بالقلي نمدهالها
البنات باه يجوكم بنان لازم تكثرو الحشيش و المعدنوس تنحو الاوراق فقط و ترحوهم مليح مع العجينة نتاع الحمص و الفول ترجع خضرة اكثر مللي درتها انا هبلني المولينيت نتاعي لازم نشري واجد بويسون و ايضا الثوم كمية مليحة و اللايات اكيد و العفسة انو الفول الذ من الحمص انا جربتهم حمص وحدو قع ما عجبونيش لازم دائما الفول اكثر من الحمص و اكيد الاكل اذواق انا صح نحبهم بزف خصوصا كي ديوهم كيما قلتلكم و تمرمدوهم فالجلجلان واو روعة
يعطييييك الصحة قمرررر
بالصح قوليلي بناااان؟؟ كيفاه الدوق تاعهم؟؟؟؟؟؟؟؟
ماشاء الله عليك تحفة
الله يبارك باينين رووووعة
انا ندير المقليين ويجيو اممممممممم
صوص الترتار بواه نعوضوها
واحلى تقييم
قمورتي الحلوة يسلمو ايديك هههه كمايقولو المصريبن والله عندي زمان وانا نحوس نديرهم لكن مانحبش القليان هكدا طليتي على قلبي رايحة نجربهم اكيد مادام الوصفة من عندك اكيد مضمونة بادن الله
احلى تقييم لاحلى قمر بالكون
اممممممم قمر روووعة رووووعة شهيتيني اممممممم نموت على الصحي و اللذيذ
امممممممم باين يجي يقتل
الله يعطيك الصحة
اممممممممم اكيد من أيدين قموووووورة رااااااائعين
بارك الله فيكي حبيبتي واحلى تقيييييم لعيونك
احلى تقييم لاحلى قموووورة ،بارك الله فيك واسمحيلنا تعبك حنونة
ما شاء الله
سلمت من كل سوء يا قمر
يعطييييك الصحة قمرررر
الله يسلم ايديك
احلى تقييم يعطيك الصحة
يبان يشهي ان شاع الله نجربوا
حتى انا جربتها بالصح الفول فورتو ونحيتلو القشرة تاعو خليت غير اللب ،والفرينة عوضتها بفرينة الحمص وملعقة صغيرة خمارة وزوج مغارف زيت زيتون وبصل اخضر ودرتهم قرصات صغار رمدتهم ف الجلجلان ودهنتهم بزيت الزيتون وطيبتهم ف الفرن ،جربت قليت وحدة كارثة ماحكمت فيها والو لقيت غير الجلجلان يعوم ف الزيت ،
انا درت الخبز العربي قرصات صغار وقدمت الفلافل كسندويشات مع الطماطم والخيار وجاو اممممم
بارك الله فيك
يسلمووووووووووو يعطيك الصحة