شكرا جزيلا اختي فيفي على كل التوضيحات والله يخليك ممكن تحطيلي الباترون وطريقة عمل غرزة الياسمينة المقلوبة ربي يحفضك عجبتني وهل 7امتار قماش تكفيني لكوفرولي
اهلا حبيبتي
العفووو على كل شيء
هنا طريقة عمل غرزة الياسمية المقلوبة
ننقل الباترون وهو عبارة عن مربعات على ظهر القماش
انا نخدم بالنقط برك لي هوما رؤوس المربعات
روحي لدورة السموكس تلقاي الدرس كاملا شوفي الصفحة الاولى مليح
او روحي لورشة التروسو تانا تلقايه
اذا كانت مخدة مربعات نتاع اربعة سنتيمتر واذا كان كوفرولي مربعات نتاع ستة سنتيمتر
راح ننقلك المراحل هنا وبالتفصيل لازم ترجعي للمواضيع لي قتلك عليها
اولا تديري ياسمينات على ظهر القماش
https://www.djelfa.info/watch?v=mhnWF…hannel&list=UL
وهذا الفيديو يبين طريقة الحشو
https://www.djelfa.info/watch?v=Jvlv_…e&noredirect=1
و بالنسبة لسؤالك سبعة امتار ماتكفيكش لفراش كلو سموكس
تجيك ناقصة شوي على الفراش
حوالي اربعين سنتيمتر
مبصح تكفيك تعملي مربع في النص سموكس والباقي نورمال
انت تقدري تعملي التصميم لي تحبيه
فقط ديري في بالك بللي القماش ينكمش للنص بعد عمل السموكس
بالتوفيق
ربي يحفضك وربي ينورك ان شاء الله ويعطيك ما تتمناي راني نبدا فيه وادا لقيت اي مشكل راني نسقسيك وفي رايك 10امتار تكفيني
للكوفرولي تكفيك
للمخاد معاه اشري ستتة عشر متر