بخصوص الفحص الطبي خاووتي …شحال من فحص كاين من نهار تدفع دوسي حتى تدخل ليكول من فصلكم !!!! ملازمين اوائل للشرطة
واحد تدير كي تدفع الدوسي تابع للولاية ..
واحد تديرو في الجهة التابعة لي مدرسة الاقامة تاعك .. مثلا تاع الوسط في الصومعة و الشرق في عنابة او قسنطينة و الغرب في الشلف او وهران ..
ثم فحص الاخير في المدرسة بعد النجاح و هو الاصعب ..
بالتوفيق
اخي واحد ما يكذب عليك و يخوفك
كاين فحص اولي نهار تحط الملف و يشوفلك جسمك سطحيا لخلوه من الاوشام و رجليك مش مسطحين و ما عندكش الدوالي
و كاين فحص ثاني اثناء اجتياز المسابقة و الفحوصات.. يمكن يكون الفحص الذي يقرر قبولك ام رفضك و فيه : الوزن+ 50 كغ. الطول + 170سم حدة النظر + فحص الجسم و خلوه من العاهات الخلقية و العمليات الجراحية (لا يتم فحص تحت السليب)
الفحص النهائي في المدرسة نهار تكون داخل للمدرسة و هو مشابه للثاني
|
المشاركة الأصلية كتبت بواسطة houssem_57
 اخي واحد ما يكذب عليك و يخوفك
كاين فحص اولي نهار تحط الملف و يشوفلك جسمك سطحيا لخلوه من الاوشام و رجليك مش مسطحين و ما عندكش الدوالي |
برك الله فييك خويا لعزيز مي راني عندي عملية جراحية واش لحل .
|
المشاركة الأصلية كتبت بواسطة houssam0795
برك الله فييك خويا لعزيز مي راني عندي عملية جراحية واش لحل .
|
مع العلم انها قديمة لاكنها واصحة تبااان
انت عملت عملية على وش ؟ وش السبب ؟ و في اي مكان من جسمك ؟
houssam0795
انا شاركت في مسابقة ملازمي الشرطة في 2024
وكان عندي نفس الحالة
المهم كي رحت فوت الفحص الثاني في الشلف الطبيب الاول قال نتا واش راك دير هنا هههههههههه و دارني غير مقبول
و درت الطعن و رحت عند الطبيب الثاني شافني و سألني عن سبب العملية و دارني مقبول
المهم كلش بالمكتوب و نتا ادي معاك الوثائق الطبية تبين سبب الجراحة و تكون من عند مختص
و الله يسهل
بالتوفيق
|
المشاركة الأصلية كتبت بواسطة abdou7rb
houssam0795
انا شاركت في مسابقة ملازمي الشرطة في 2024 |
خويا وانت عمليتك باينة ولا لالا .علاه درتها بالضبط .انا تاعي على مستوى البطن وقولي تعيش والفحص الاخير تاع المدرسة كفاه درت معاه !!!!!
بعد اجتياز الفحص الطبي الاول و يتم قبول المترشح ما ذا يأتي بعد ذلك ……. أرجو الافادة
يا اخواني انا نشوف فيها اللي عندو عملية كا قادر ينحي السيكاتريس و لكن تسقام شوية
انا ما نكذبش عليكم عندي عملية و لكن ما شافوهاش لأنها جاية تحت السليب
nihal159
**********
الفحص الاول راهو يشوفلك سطحيا فقط و ذلك يوم دفع الملف
الفحص المهم نهار يستدعوكم و تروحو للمدرسة اللي قريبة ليكم هناك يبان الصح
merci houssem ya3tik el sa7
موفق اخي والله ما تخاف ما والو انا نهار رحت درت الفيزيت خوفوني الزملاء بصح كي دخلت قسما بالله ما قدرت نصدق نفسي
الطبيب ناس ملاح خلاه… يضحك يتوانس وين تسكن وش راهم ولاد الكارتي قالي دور هز رجليك روح راك مليح يا ولدي واحد ما يخوفك
|
المشاركة الأصلية كتبت بواسطة houssam0795
خويا وانت عمليتك باينة ولا لالا .علاه درتها بالضبط .انا تاعي على مستوى البطن وقولي تعيش والفحص الاخير تاع المدرسة كفاه درت معاه !!!!!
|
العملية على مستوى المعدة و قبلوني عادي و فوت المقابلة الشفهية في الجزائر العاصمة
ولكني لم اصل للفحص الاخير لأنه لم يتم قبولي في النهاية بسبب الاختصاص و دراسة الملف
|
المشاركة الأصلية كتبت بواسطة nihal159
بعد اجتياز الفحص الطبي الاول و يتم قبول المترشح ما ذا يأتي بعد ذلك ……. أرجو الافادة
|
بعد الفحص الطبي و المرور على الطبيب النفسي
المقبولين يصلهم استدعاء لاجراء الفحص الطبي 2 و امتحان بسيكوتقني (كتابي)
و بعده المقابلة الشفهية
و في الاخير يتم استدعاء الناجحين للإلتحاق بالمدارس حيث يتم هناك اجتياز الفحص الطبي المعمق و النهائي