السلام عليكم
عندي مدة ماحطيتش طبق واليوم خيرتلكم طبق اللوبيا الخضرى او المونشتو او الزاليقو نقولكم الصح هدا مانكره وعمري لاكليتها بصح الفيتامينات فيها بزاف ومفيدة ولهدا ماتبعونيش لاني مانعرفش ناكل هههههههههههههههه المهم هدا الطبق مفضل لولادي الحمد لله اللي يحبوه وانا نطيبو بطريقة بنينة لاني نذوق المرقى برك ونبدا على بركة الله
اولا لازم بلحم العجل شخصيا جربتو بكل اللحوم البيضاء او الحمراء لقيت بالعجل ابن
المكونات لحم عجل + بصل مقطع قطع صغار + ثوم مقطع + طماطم حمراء مقطعة قطعة صغار + رند + التوابل اللي عندك + هريسة + معدنوس وملح وادا كان عندك هيل راح يزيد في البنة وادا ماعندكش معليش انا درت باللوبيا الخضرى تاع المكونجلي بنينة بزاف وهدا طبعا بشهادة اهل البيت انا خاطيني
هدي صورة الماركة اللي نشريها هايلة حتى الجلبانة هايلة
نحط في كوكوط لحم العجل مقطع وزيت مانكثرش يتقلى يطلق بنة رهيبة
بعد مايتقلى مليح ندير التوابل ونزيد نقليهم حتى يداخلو في اللحم وهدا الهيل للي ماتعرفوش انا نستعملو حب لان ذوقو قاطع بزاف 3 حبات يكفو
بعدها نرمي البصل والثوم ونزيد شوي ماء باش مايتحرقش البصل ونقلي كل مانخلي الحاجة تتقلى راح تطلق البنة والنار طبعا تكون متوسطة
وبعدها الطماطم والمعدنوس
راح تطلق الماء انتاعها وكيتذبال مليح ندير الماء ولازم سخون ونقفل على الكوكوط الما يكون حسب نوعية اللحم ادا العجل صغير راح يطيب ثم ثم اما ادا شارف كيما انا هههههههههههههه راح يطول
ومن جهة اخرى حطي مقلة على النار وفيها الزيت ومع تسخن اجبدي اللوبيا من الكونجيلاتو وارميها على الزيت واقليها
واللي تحب دير اللوبيا الجديدة ماعليها غير تنقيها وتغسلها وتقطرها وتقليها
بعد مايطيب اللحم نحي حبات الهيل انا مايحبوهمش نحيهم باش مايصيبوهمش سينو ييييييييييييييي وارمي اللوبيا اللي كنت قليتيها نص طياب طبعا واقفلي راح طيب ثم ثم ماطولش ومالازمش تكون المرقة بزاف باش تزرب تخثار وتجي بنينة وهدا هنا الطبق واجد انا قليت شوي بطاطا وارميتها كيقريب طيب اللوبيا ياخي قلتلكم مانكلهاش هههههههههههههه شفتو مانسيتش روحي تفضلو ان شاءالله تعجبكم وتجربوها
يعطيك الصحة هايلة
ممممممم باينة بنينة انا ما ناكلهش غير سوتي مع المحمر مممم هههه شكرا على الوصفة
ممممممممم وصفة روووعة ام ياسين
يعطيك الصحة يا الغالية
الله يبارك و يعطيك الصحة و العافية باينة بنييييينة اممممممممممممممم
اممممممممم وصفة رائعة يعطيك الصحة وانا من اكثر محبي اللوبيا الخضراء لانها بصراحة قد مانوكل منها ماتسمننيييشششششششش ههههههههههههههههههه
بارك الله فيك
ممممممممممممممممممممممممم هايل 44444444444444444444
يعطيك الصحة ام يس انانموت على اللوبيا الخضراء
ممممم هايلة يعطيك صحة 
يعطيك الصحة هايلة
ممممممم سخفتينى باينة بنينة الله يجازيك بارك الله فيك
امممممممممممم طبق راءع ويشهي ويأتيك الصحه
ونحب واللوبيا الخضرا ومعاها الهبره اممممممم
الله يبارك فيك والشفاء للولد يارب
اممم تشهي يعطيك الصحة
Yaatik assaha taba9 hayel