السلام عليكم ورحمة الله وبركاته
مساء الورد و الجوري لكل عضوة
صابلي الشامية او حلوة الترك كما يسميها البعض من الحلويات الي ما نستغنآش عليها في كل مناسبة وحتى دون مناسبة
ذوقو يهبل وفيه قرمشة جميلة وجد محببة ، جبت الوصفة من عند سلفتي ( يعني اخت زوجي ) وكل مرة نضيف تحريف صغير
حتى نهار درتو وديتولهم ما عرفاتوش بلي هو وطلبت مني الوصفة 
اروع ما فيه انو باهي و ساهل و يطيح بزاف ، اذا رققتي الحلان يديرلك اكثر من ميا وعشرين حبة
المقادير:
500 غ مرغرين ، استعملت لابال
اربع بيضات كاملين
1/3 من علبة زبدة ستار يعني حوالي 65غ
1/2 كاس زيت
زوج كيسان سكر رطب
زوج كيسان نشاء يعني مايزينة
1/2علبة شامية من الصغار
فانيلا
زوج ساشيات خميرة كيميائية
حوالي كيلو فرينة
الطريقة
تخلطي كل المقادير و تنشفي بالفرينة وتلميها دون عجن
تحليها بالحلال مفرشتلها و مغطيتها بالساشي باش تجيك خدمة رطبة و باهية
تطبعيها و طيبيها وكي تخرجيها وهي سخونة تغطي نصف كل حبة و تذري سكر رطب على النصف الاخر
وصلنا للمفيد 
سر بنة هاذ القاطو يكمن في الحشو الي تلصقي بيه
ديري كاس كاوكاو مقلي مليح و مرحي رقيق مع رطل معجون مشمش و عصير حبتين قارص و علبة صغيرة شامية
تلصقي كل زوج حبات بيه مع مراعاة تجنب الوسط تخليه فارغ باش من بعد تعمريه بالمعجون فيه شوية ملون احمر
الخطوة الاخيرة
تذوبي علبة شوكولا وتعمريها في جيب حلواني من النوع الصغير و تثق بيه بلابرة فقط باش يجيك الرسم رقيق و متحوف و ترسمي زخرفة على النصف لي ما فيهش السكر
إليكم الصور حبيباتي و سامحوني على الإطالة
دعواتكم لبنتي بالشفاء و لي بالقدرة على العناية بها على اكمل وجه
تم بعون الله
سبحانك اللهم و بحمدك أستغفرك وأتوب إليك
ربي يشافي بنتك ويعينك اختي
القاطو هايل يعطيك الصحة
الله يباااارك وصفة رااااااائعة حبيييبتي تسلميييي و ربي يقدرك و يقويييك و يشفييلك لجيين و يحمييهاا يااارب
يا عمري وش بيها ؟ ربي يشفيها ويقدرك عليها
الصابلي روووووووووووووووووعة
فايزة ليزا سكوربيو بارك الله فيكم حبيباتي
لجين ست سنوات من ذوي الاحتياجات ولله الحمد والمنة
Ihk يبارك في سلامتك اختي
رووووووووووووووووووووووووووووووووعة اختي ربي يجعلهم في ميزان حسناتك ويشفيلك لجين عاجلا غير ءاجل ااااااااااااامين
اللهم امين بارك الله فيك اختي أنيسة
اممم ما شاء الله يسلموووو
يبان يشهي غير من صورتو فما بالك من دوقو
تحياتي حبيبتي
^_’
يعطيك الصحة يا فنانة الله يبارك
ربي يشفي بنتك عاااااجلا غير اجل و يعطيك الصحة و الاعانة باش تقومي بيها و في ميزان حسناتك قلبي عندك و كان الله في عونك
تحية متبادلة عزيزتي ام نور ربي يعيشك
والله بزاف عليا كل هذا الإطراء يا ام طيري الجنة ، شكرًا على تشجيعك غاليتي وعلى دعواتك
الله يعطيكم الخير
شكرا على الشرح حبيبة
بلا مزية tong2 اخية الله يسلمك
تسلم ايدك وشكرا على الوصفة.
وربي يقدرك على تربية لجين.