لحــــظــــات مـــخبـــرية في الفـــنـــون المــــطبــخـــية
الدرس رقم 8
شوفلور مقلي بخلطة لذيذة
المقادير
راس شوفلور متوسط
4سنات ثوم
2او 3بيضات
ملعقة صغيرة طماطم مصبرة
نصف ملعقة هريسة اختياري
3او 4ملاعق كبار فرينة
ملح
فلفل اسود
قصبر مطحون
راس الحانوت
طريقة التحضير
نغسل راس الشوفلور جيدا ثم نقطعو زهرات صغار ثم نحطوه في الماء مملح يغلي نتركه يطيب بعد الطياب نصفوه ثم نحضر الخلطة بخلط البيض والطماطم المصبرة الهريسة والثوم المدروس ولا مسكرفج والملح والتوابل نخلط جيدا ثم نظيف الفرينة ونزيد انخلط لازم تكون شوية عاقدة ثم نغطس الزهرات ونقليهم في الزيت وانقلب على كل الجهات وبقايا الزهرات المفتين تمرسيهم بالشوكة وتخلطيهم مع الخلطة جيدا ثم ترفدي بالملعقة وتحطي في الزيت.
شهية طيبة
راني نستنا في تطبيقاتكم لكي اقدم لكم المزيد من الوصفات اللذيذة
دائما مع لحظات مخبرية في الفنون المطبخية
مع تحيات ام اسلام واية ويوسف
merciiiiiiiiiiiiiiiiiiiiiiiiiiiiiiiiiiiiiiiii
يعطيك الصحة ام اسلام
نفس الطريقة تاعنا حنا نديرو المطارد و لا نستعمل الطماطم و الهريسة
يعطيك الصحة ان شاء الله نطبق كل وصفاتك
وصفاتك رائعة
لاشكر على واجب حبيبتي اميرة نورت موضوعي حبيبتي
شكرا على الوصفة انا نديروا بلا طماطم وثوم
عندي راس شفلور غدوة ان شاء الله نديرو
يعطيك الصحة حنا هذا عندنا من بكري يديره اى تقليدى بصح ما نزيدوش الطماطم و نعمللوا مرقة حمرا
نفس الطريقة لنستعملها برك أنا منزيدلوش الطماطم بصح نزيدلو خمارة كميائية
سلامي الحار لنسيبي الشباب
بارك اللله فيك
باين بنين
يعطيك الصحة