السلام عليكم
صح عيدكم و كل عام وانتم بخير
الاسبوع الجاي عرس خويا و درنا طلب على الحلويات من برا مع المقروط
حبينا نضيف نوع آخر مع الشاي لكن ما عرفناش 
الله يخليكم عونوني بافكاركم
قريوش ولا مقرقشات
قريوش ومقرقشات كما قالت الاخت مشكورة او مقروط المقلة والكوشة بوراك الرنة بالجوز او اللوز و الف مبروك الله يهني العرسان
ألله يسلمكم اخواتي
القريوش خممنا فيه بصح الناس حفظتنا بيها هههههههه
يعطيكم الصحة
السلام عليكم أختي
أولا كل شيء مبروك
بالنسبة للشاي أنا أقترح عليك خبز تونس في علب الطمينة يعني فردي
أنا درتو في طهارة وليدي جا هايل كامل عجبهم
الف مبروووك مسبقااا
الله يسلمكم و العقوبة عندكم
شكرا لكل من ساعدتني
الاخت ام ياسمين ممكن تعطيني الوصفة اللي استعملتيها باش نشوف الا كانت كيما نخدموها احنا
واذا ميزيانيتكم مليحة وتحبو تفرحو
ديرو قطايف في علب الالمنيوم
الصامصة او السيقار بالديول او المقروط
كاين قاطو عش العصفور دارتو نوال أويحي و قالت يجي مع التاي هو يتخدم كما الكعيكعات و في نصهم تحط العجنة لي قصتها في ماكينة الرشتة و دارت البيض بعجنة اللوز و يجي معسل كون نلقى الصورة تاعو نحطهالك
السلام عليكم
ممكن ديري القريوش كيما قالولك الأخوات أو البقلاوة أو المشكلة أو لي كورني أو حلويات سورية أو أي نوع يتعسل يوالم مع الشاي