[font="arial black"]هل لعاملة في عقود ما قبل التشغيل الاستفادة من عطلة الامومة 98يوما و الاستئناف العمل
علما بانها لم يمضي لها المدير بحجة ليس لديه قانون او مرسوم وزاري
فنطلب منكم مساعدتي في الرد عن هذا المدير ارجوكم في اقرب وقت[/font]
نعم لها الحق …بشرط ان تكوني قد عملتي 7 أشهر من قبل وتلقيت المنحة كاملة … هكذا تعمل مصالح الضمان الاجتماعي
فقط شهادة ادارية من طرف المدير تثبت فترة الامومة 98 يوم + شهادة ولادة
نعم لها الحق و لقد أجاب الأخ الذي قبلي و أفادك بكل شيء
نعم عندها الحق في عطلة الامومة وتعوض ايضا من الضمان الاجتماعي انا عندي زميلتي اخذت عطلة الامومة وعوضوها في الضمان الاجتماعي ربي يهدي هاذ المدير ملقاش فاش يستفحل
الجماعة عندها 6 سنوات تتقاضى اجرها بدون عمل وانت تتكلمين عن عطلة امومة
تدي شهادة ولادة وشهادة مرضية مدتها ٩٨يوم وتروح للطبيب الي كانت تتابع عندو يعطيها شهادة الحمل الشهر الثالث والسادس والتاسع وتروحي لمديرية التشغيل توقف المنحة تعطيهم نسخة من شهادة الولادة هكدا درت انا وتحطي الدوسيي في الضمان الاجتماعي
بركاونا
بعضا لمدراء خوافين نقولا حاجة ولله ما يقلبونها ولو اذا قلبولها يعطوها زوج دورو
ويجروك مع لكواغط
علاه ناس داة لملاير وحنا حطينا خمسين عليهم
ما يجيش كاش أستاذ نرمال
ما يجيش واحد نتاع لانام تخلا تلقى المدير يعيط في التلفون المراقب يعيط
وكي دقولوا أعطي لي شهادة عمل يقولك عندك الحق في شهادة ادارية
وانت رآك خدمت كلش خدمت في الادارة خدمت في المطعم خدمت في الساحة وخدمت في القسم نرملموا يعطي لك شهادة نوبل
كم نحن محقورين
شكرا على اجوبتكم لكن المشكل يكمن في المدير محبش يمضي شهادة الاستئناف لي بها تديها لانام باش تدفع من بعد في ضمان الاجتماعي والله طلعلي القاز للراس
انا قلت لهذي العاملة نخرجلك المواد لي تنص على عطلة الامومة و كتبي فيه شكوى لمديرية التربية لولاية غليزان
انا نحب نكتب في الناس و هيا خافت في الادارة لازم ورقة و ستيلو