السلام عليكم رجاء اريد المساعدة انا طالبة سنة ثانية هندسة معمارية لم اتحصل على معدل 10 هدا العام,.., في الفصل الاول تحصلت على9.64 ولكن اخدت 10 في الورشة اما الفصل الثاني فاخدت المعدل 8.83 وفي الورشة اخدت 7 لانني لم اتابع تصحيح المشروع بسبب مرضي والان اريد ان اعرف ادا كان بامكاني ان ادخل امتحان استدراكي في المواد التي لم اتحصل فيها على 10 والعام القادم ادرس فقط مقياس الورشة في الفصل الثاني ام انني ملزمة ان اعيد العام بكامله واعيد كل المواد لانني رسبت في مقياس الورشة ؟ ارجوكم جاوبوني وجزاكم الله كل خير , شكرا ,
كيما سمعت تعاودي غير فالمدول لي منجحتيش فيه برك
بصح انا جبت 10 في مقياس الورشة الفصل الاول هدا يعني انو نعاود الفصل الثاني فقط مش العام كامل في الورشة, ولا كيفاه؟
يا اختي راكي منجحتيش فيه يعني تعاوديه عام كامل
درتو الراطراباج ؟
اسمحيلي سارة 1995 بصح ماقتنعتش انا سمعت بللي في نظام ل م د كل فصل منفصل عن الثاني يعني انا كيافيشيت البروجي السوماستر اللول وخرجتو علاه نعاودو راني عارفة بللي نعاود العام بصح نعاود في الموديل السومااستر الزاوج برك رجاءا تحققيلي من الامر ربي يحققلك ماتتمناي اختي ,
يا أختي أنتي مام الفصل الأول ما خرجتيش 10 .. من ناحية البروجي أكي تعاودي غير السداسي الثاني .. لكن ليموديل مام السداسي الأول و أقراي ألي ما خرجتيهمش … أكي تقدري تعاودي الفصل الثاني برك و تخرجي معاه الفصل الأول … لكن أنصحك تقراي مقاييس الفصل الأول باش تطلعي المعدل …
شكرا خويا ربي يجازيك,
بالنسبة للمقاييس يجب اغتنام فرصة الاستدراك وحاولي تطلعيهم اختي
اما الورشة حسب الجامعة هناك جامعات تعمل بنضام سنوي Annuel
اي يتم حساب معدل الفصل الاول والثاني في هذة الحالة تعيدي السنة كاملة
واذا كان العمل بنظام فصلي semestriel فتعيدي الفصل الثاني فقط
كيما قالولك الفصل لول رح تعاودي لي موديل اما الفصل التاني تعاودي الورشة ولي موديل ربي يوفقك وينجحك اختي