سلاااااااااام الله عليكم وصح رمضانكم
انا حابة طريقة لتحضير الصابلي عندي مشكل كبير معاهم
دايمن يجوني حامضين معلبليش علاه
وكي يطولو يولي الذوق تاعهم كيما القاطو المربع تاع بكري
المهم انا حابة طريقة مضمونة ارجوكم وربي يجازيكم
على فكرة انا هادي هي الطريقة تاعي قولولي الخطا من فضلكم
6 صفار بيض
250غ زبدة
كاس سكر قلاص
كاس مايزينة
2 خميرة
سكر فاني ونلمها بالفرينة
راني نسنى ارجوكم
جربي هدا راه مليح وخرجت منو بزاف مودلات
https://www.djelfa.info/vb/showthread.php?t=379822
https://www.djelfa.info/vb/showthread.php?t=1034043
https://www.djelfa.info/vb/showthread.php?t=1005385
وين ردودكم ياخياتي
ربي يحفظك ويجعلها في ميزان اعمالك شكراااااااااااااااا
هذه طريقتي منذ15 سنة وأنا ندير في هذا القاطو
اتفضلي
المقادير:
2 بيضات كبار او 3كبار
250غ مارغرين
كاس سكر مسحوق
فاني
1 خميرة الحلوى
نخلط الكل مع بعض ونشفي بالفرينة دون العجن حتى نتحصل على عجينة طرية نتركها ترتاح
ثم نحللها ونطبعها دوائر نصف نديرو فوقه الميرانق (ونطيبوه على نار جد هادءة ) وانصف الاخر نديروه دوائر عادية
ونطيبوه عادي
وندخلها للفرن وكي تطيب نخليوها تبرد ونلصقو وحدة فوق وحدة بمربى المشمش
ثم ندهن حاشيةالحبة كلها بالمربي ثم نغطسها فياللوز او كوكاو مرحي رقيق
الميرانغ
2 بياض بيض كبار أو 3صغار
250 غ سكر عادي
ملعقة صغيرة فان
قطرات ليمون
ونطلعوه فوق الحمام مائي حتان يطلع
وكي يطلع مليح نحيوه من فوق النار ونبقاو نطلعو حتان يبرد
نديرو الميرانغ في لابوش ونزينو بيه الحبة تاعنا قبل ماند خلوها الفرن
وفي الوسط الفارغ للحبة نحطو مربيالمشمش مخلط بملون أحمر
اختي يجيوك حامضين لانك تكثري الخميرة نحطو في les sablées نصف ساشي او ساشي واحد على الاكثر حسب الوصفة وحسب الشكل .
انا الوصفة اللي نديرها فيها -3صفار فقط ونصف باكي خميرة وبقية المكونات كيما انت بصح العجينة تكون طرية .
انا ندير 2 صفار بيض فقط و نصف باكي خميرة و باقيية المكونات كيما كتبتي
يقعدو لي شهور و مايخسرش القاطو
سلام اختي انا عندي recette تجي شابة و يجي بنين
3صفار بيض+1بيض كاملة +رطل مرغرين+كأس سكر قلاص +2كيسان مايزينة+فانيلا+zeste de citron + فرينة+1خمارة و شكليها كيما تبغي جربيها و رديلي الخبر و انشاء الله تنجحي فيها
شكرا اختي sabah7
عجبتني الطريقة نتاعك ونشا الله نجربها هي وطريقة الاخت ام رامي
حبيت برك نتاكد رطل زبدة قصدك 500غ
وشكرا