السلام عليكم كامل
راجلي جاب شكارة تاع دقيق القمح بالنخالة تاعو
درتو فطير مبسس نجحلي درتو خبز كوشة شوية شوية ماطلعش مليح مي صافا ينتكل
كي حاولت نديرو مطلوع طاجين جات لعجينة تتفتت وخفتها ماكملتهاش
ماعلاباليش ادا يخرج ولا لالا
قالي ماتنحيلوش النخالة لاخاطرش راهو مريض مليستومة والطبيب قالو مليح ليك خبز النخالة
حبيبتي دقيق القمح بنخالة نتاعو راه مليح بزاف للمعدة والله انا جربتو روعة
ورآه يجي مطلوع ويخرج خفيف خير من دقيق الأبيض جربيه ورديلي
خبر
بصح قوليلي ديريه كيما المطلوع العادي ولا كيفاش
لاخاطرش انا شمخت شوية جاتني عجينة غريبة تتفتت و توقعت انها ماتنجحش
اضيفي لكل ثلاث كيلات قمح كامل كيلة فرينة واعجني كالمعتاد يخرج مطلوع رائع وخاصة اذا طلعتي الخميرة مع كيلة الفرينة وقليل من السكر وكاس لبنوبعد عشر دقائق تضيفي هذا الخليط على دقيق القمح وضيفي الماء دافئ واعجني ثم دخلي في الملح واعجنيه مباشرة وفي الاخير اضيفي لكل قرصة ملعقة كبيرة زيت ثم ضعي العجين في بول وغطيه بكيس بلاستيك ثم منديل واتركيه حتى يختمر ثم كوريه واكملي كالمعتاد اتمنى لك النجاح فيه والشفاء لمولى بيتك
مطلوع القمح يجي طري ويسخف وصحي اكيد ان شاء الله تتوفقي في تحضيرو
كيما قاتلك الأخت زيديلو الفربينة ومتكثريلو ش وصح هو ميطلعش لخطرش النخالة فيه
وهو هايل للصحة ربي يشفيه وراح يرتاح عليه نتيجتو روعة
كيما قاتلك الأخت زيديلو الفربينة ومتكثريلو ش وصح هو ميطلعش لخطرش النخالة فيه
وهو هايل للصحة ربي يشفيه وراح يرتاح عليه نتيجتو روعة