1) فيما يخص 200 دج :
تدفع في الحزينة العموموية لولاية الجزائر المقر نتاعها في ساحة الشهداء ( قدام لاري نتاع لاراستيــــــا )
كي تدخل للخزينة اطلع للطابق الخامس دور على يدك اليسرى كمل امشي في الرواق حتى للنهاية وزيد دور على يدك اليسرى وكمل امشي حتى نهاية الرواق وزيد دور على يدك اليسرى اذخل للمكتب الثالث على يدك اليسرى .
اعطيلوا بطاقة التعرف يعطيك وحد الورقة
عاود احبط الى الطابق الاول وروح لل كيشي رقم 17 وقولوا يعطيك وصل الايداع عمر هذاك الوصل ( وتلقى مثال كيفاش تعمروا لاصق في الكيشي)
اعطيلوا الورقة الي جبتها من الطابق الخامس مع وصل الايداع مع بطاقة التعريف الوطنية ومع 200دج .
ملاحظة راهم يصعبوا فيها هكذا مانيش عارف علاه مي الله غالب هذي هيا الدولة نتاعنا
2) مكان ايداع الملف ( موقع المدرسة) :
الي راه جاي في البيــــــس او السيارة الشخصبة يحبط في سيتي مالكي والي مايعرفهاتش تقع تحت وزارة المالية .
والي راه جاي في الكوس يحبط في بن عنكون في الاقامة الجامعة للبنات ويحبط يمشي في الطريق المؤدية الى وزارة المالية .
كي تلحقوا لسيتي مالكي كاين موقف حافلات صغير كي توقف روح مباشرة بدون لف او دوران عكس الطريق المؤدية الى وزارة المالية وحد 300 متر تلقا المدرسة على يدك اليمنى
عذار لاني استعملت اللغة العريبة مع الدارجة هكذا باه الجميع يفهم وماتنساوناش بدعواتكم الطبية .
بالتوفيق للجميع
بارك الله فيك وجزاك الله كل خير الله يوفقك لكل خير
لا شكر على واجـــــــــــــــــــــــــــــب وان شاء الله ربي يوقنا جميعا
بارك الله فيك وجزاك الله كل خير الله يوفقك لكل خير
بارك الله فيك
انا خلصت 200 في الخزينة الولائية في باتنة و ماكان حتى مشكل
|
المشاركة الأصلية كتبت بواسطة بسملة الاء
 اخي من فضلك التسجيل يكون صباح و عشية او غير صباح فقط ؟ و هل لازم يسجل السخص بنفسو او يقدر شخص اخر يسجلو
|
السلام عليك : يجب ان يسجل الشخص بنفسوا وهذي المعلومة اعطاهالي واحد يخدم تم والعلم لله ……. وعذرا على الإطالة
سلام عليكم
يمكنكم اخوتي دفع المستحقات في خزينة الولاية اي 48 ولاية وليس مثل ما يعتقد البعض انه يجب التنقل الى الجزائر ،لان وقعت في تفس المشكلة وذهبت الى بريد الجزائر وهم اخبروني على ان رقم الحساب متكون من4 ارقام كمفتاح 1123وبريد الجزائرلا يتوفر على هذه الخدمة وبالتلي تنقلت الى خزينة ولاية تيارت وسددت المبلغ بكل بساطة.
بالتوفيق لكم جميعا