أخواتي، ربي يحفظنّ ، كنت سقسيت مرة على حفظ العجينة المورقة والحمد لله جاوبتوني ، ونجحتلي ، يعني درتها في المجمد ونجبد واش حبيت
هذه المرة حبيت نعرف إذا هذه الأنواع من العجائن نقدر نجمّدها أيضا وكيفاش لأني نحب ندير كمية ونخبيها باش نربح الوقت، وكيف تُستعمل بعد التجميد وربي يحفظنّ ويجازيكن خيرا
العجائن هي:
العجينة المورقة المخمّرة ، تاع الكرواسون وغيره
pâte brisée
العجائن تاع البيتزا والسوفلي والبريوش كيما مثلا العجينة السحرية تاع الرائعة أم أماني ، ولا أختنا ابداع جزائرية ؟
جزاكنّ الله خيرا مقدما عزيزاتي
ahcen hadja anek tjarbi kol mara khebi choui te3 l3jina w jarbi
|
المشاركة الأصلية كتبت بواسطة om-ahmed iyed
 ahcen hadja anek tjarbi kol mara khebi choui te3 l3jina w jarbi
|
ربي يحفظك أختي
صح هذا أحسن شيء
إن شاء الله نحاول نجرب عن قريب
في انتظار تجارب الأخوات
حبيبتي pate brise و عجينة البيتزا و عجينة الكرواسون ان مجربتهم يجمدو عادي و كي تكوني راح تخدمي اجبديهم قبل بوقت فقط ويجي وكأنهم جدد
اختي الكريمة نشكرك كي وضعتي هدا السؤال لانو في محلو وسؤالي للخوات اي موالفين يخبيو العجائن ممكن الطريقة للعجائن المخمرة مثل البيتزا والكرواصون نبلوهم ومباشرة الى المجمد والانخليوهو يخمرو ثم انكونجليوهم
|
المشاركة الأصلية كتبت بواسطة زينب 83
حبيبتي pate brise و عجينة البيتزا و عجينة الكرواسون ان مجربتهم يجمدو عادي و كي تكوني راح تخدمي اجبديهم قبل بوقت فقط ويجي وكأنهم جدد
|
ربي يجازيك خير أختي الكريمة ، ربي يخليك
حبيت برك نعرف ولا نعاود نسأل سؤال الأخت ام رشدى
نخلو العجينة تختمر قبل وندخلوها للمجمّد ولا قبل التخمّر
وربي يحفظك ياربّ
|
المشاركة الأصلية كتبت بواسطة ام رشدى
اختي الكريمة نشكرك كي وضعتي هدا السؤال لانو في محلو وسؤالي للخوات اي موالفين يخبيو العجائن ممكن الطريقة للعجائن المخمرة مثل البيتزا والكرواصون نبلوهم ومباشرة الى المجمد والانخليوهو يخمرو ثم انكونجليوهم
|
لا شكر على واجب أختي الكريمة
راني عاودت حطيت سؤالك للأخت زينب لانو مهم ،
بارك الله فيك على المرور
حبوبة تخدمي عجينة الكرواسون عادي او البيتزا و تخبئها في المجمد
اذا بيتزا كي تخرجيها خليها تخمر كأنها جديدة و بعد ما تقرصيها خليها تخمر شوي و مباعد طيبيها
و اذا كرواسون شكليه و خليه يخمر المدة اللازمة ،
|
المشاركة الأصلية كتبت بواسطة زينب 83
حبوبة تخدمي عجينة الكرواسون عادي او البيتزا و تخبئها في المجمد
اذا بيتزا كي تخرجيها خليها تخمر كأنها جديدة و بعد ما تقرصيها خليها تخمر شوي و مباعد طيبيها و اذا كرواسون شكليه و خليه يخمر المدة اللازمة ، |
جزاااااااكِ الله خيرا
ربي يخليك أختي ويبارك فيك
أفدتيني بزاف
بوركتِ