حريرة رمضان نتاع الغرب 2024.

الحريرة

مشهورة عندنا بكثرة

تقريبا يوميا نطيبها عندنا فى الغرب
اليكم المقادير
لحم االغنم
كرافس
الجزر
حمص منقوع
بصل
طماطم حب
طماطم مصبرة
فلفل حار
حبة بطاطا
القصبر
راس الحانوت
فلفل اسود
نقلي اللحم مع البصل و حبة طماطم مقطعة و زيت و توابل و ملح
نقليهم جيدا حتى يذبل البصل
جييداااا
نضيفلها الماء و اكيد الماء يكون سخون

و تضيفى الخضر
ولما يطيب تطحنى الكل ماعدا اللحم طبعاااا
ترمى تشيشة نتاع الحريرة و حمص منقى
وتخليها تطهوااا مدة نصف ساعة تقريبااا
توجدى القصبر و المعدنوس مطحونين جيدااا+طماطم المصبرة وراس الحانوت +ملعقة كروية+2 ملعقة زيت +ثوم مطحونتخلطيهم جييدا وتزيديهم للقدر نتاعك مدة 10 دقائق فقط وا تنسايش الحرور طبعااا و شهية طييبة

الف شكر على مرورك الطييب

تعطيك الصحة أختي لكن لدي استفسار تشيشة والحمص تضفيهم بعد ما ترحي الخضار وترجعي على النار نصف ساعة وهل التشيشة تقصدي بها الفريك أم لا وشكرا.

اقتباس:

المشاركة الأصلية كتبت بواسطة sonia.morchid تعطيك الصحة أختي لكن لدي استفسار تشيشة والحمص تضفيهم بعد ما ترحي الخضار وترجعي على النار نصف ساعة وهل التشيشة تقصدي بها الفريك أم لا وشكرا.

الله يسلمك نعم ترمى التشيشة بعد الطحين عندما تغلى المرق مباشرة و التشيشة ماشى فريك هى زرع مطحون

تسلم ايدك اختي

اقتباس:

المشاركة الأصلية كتبت بواسطة omniah تسلم ايدك اختي

الف شكر على الاهتمام و المرور الطييب

سبحان الله منطقة وحدة وكل واحد كيفاش يطيبها الحريرة تاعنا مانديروش فيها راس الحانوت لانه عندنا خاص بالبركوكس والحمص نديروه مع الاول مع الخضار ومبعد نحوه مع اللحم هذه اهم الملاحظات

شكرا جزيلا للوصفة الجميلة انا ايضا من الغرب وهاذي هيكاالاتي 1-المقادير قطعة صغيرة لحم خروف يكون فيها عظم باش يبنن *-2حبات بصل كبار+حبة كبيرة طماطم تكون طايبة +حبة زرودية+حبة صغيرةجدا بطاطا+حبة قرعة+حبةلفت صغيرة+حفنة حمص منقوعة في الماء ليلة قبل+ربطة كاملة قصبر+وريقة رند +ملح +حرور(انا نستعمل حرور ابيض باش ماتجيش الحريرة غامقة)+راس الحانوت+زعفران+زنجبيل طري +ثوم+كمون+كروية+حشايش لحريرة+جمبو دجاج+ 4مغارف صوص تومات جمبو+غرفية متوسطة تشيشة رقيقة اما بالنسبة للتحضير هي **في قدر (انا نستعمل قدر تا ع طين واتبع طريقة نرمي بكري ونطيب على نار هافتة) سخني شوية زيت ومغرف كبيرة سمن (انا نستعمل سمن فاما في جميع اطباقي)ونرحي البصل بالطريقة التقلدية ثم نعاودله بالمكسور حتى يرجع سائل ونقلي اللحم مليح مع الملح ما تكتريش على خاطر با تزيدي جومبو ثم نظيف البصل عليه و الحمص ونقلب بملعقة خشب ثم نضع الطماطم في ماء مغلي وننزع عنها القشرة ثم نرحيها بالمكسور مع الثوم وشوية قصبر ونضيفها للقدر ثم نضيف الخضر كاملة بدون تقطيع وربطة القصبر كاملة نظفيها واحزميها بخيط غذائي وظيفيها وبالنسبة للتوابل ظفي الحرور والزعفران وشوية تاع راس الحانوت وشوية قرفة وورقة الرند ورحي فوقها شوية زنجبيل ومرقي بماء ساخن وكي يغلي القدر الغلية الاولى نقصي النار وغلقي وخليها تطيب مدة ساعة ونصف على نار هادية ثم بعدها نفتح وننزع القصبر والخضر واللحم والحمص نصفيه ونخليه على جنب و ورقة الرند ونضيف التشيشة مدة نصف ساعة كي تطيب ناخذ من الحريرة كسرونة على جنب ونظيفلها شوية راس حانوت شوية كمون حبة جومبو دجاج+صوص تومات+كروية+فص ثوم+شوية قرفة ومبشور زنجبيل طري ونرحي كلشي بالمكسور ونظيفو للقدر ونعاود نرحي كامل ما في القدر ونرجع الحمص ونفتت اللحم ونرده ونحك شوية قصبر بين يدينا ونخلوها تغلي غليتين ونطفي عليهاونظيفوها اخيرا ملعقة صغيرة حشايش وادا ما تحبوهمش ممكن ماتديروهمش في القدر وحطوهم في زرف وتقدم مع الحريرة والي يحب يظيفهم في طبقه وتقدم مع الفلفل المرقد تجي بنينة وبصحتكم ملاحظة الي ماتحبش ترحي التشيشة كي تطيب كيما تحب تظيف محتوى الكسرونة دون اعادة رحي محتوى القدر وانتم كيفاش اتحضروها وعلى فكرة الطهو عندنا في رمضان في اواني من الطين ما كالتو بنينة بزاف خاصة كي تعتمدو طريقة الطهو البطيئ

ما شاء الله الله يبارك
شكرا لكما

الله بارك،شهيتيني في الحريرة تع الغرب

اقتباس:

المشاركة الأصلية كتبت بواسطة nour hayat سبحان الله منطقة وحدة وكل واحد كيفاش يطيبها الحريرة تاعنا مانديروش فيها راس الحانوت لانه عندنا خاص بالبركوكس والحمص نديروه مع الاول مع الخضار ومبعد نحوه مع اللحم هذه اهم الملاحظات

لا لا احنا عندنا راس الحانوت مهم فى الحريرة و الف شكر على اهتمامك

اقتباس:

المشاركة الأصلية كتبت بواسطة زهورالفل شكرا جزيلا للوصفة الجميلة انا ايضا من الغرب وهاذي هيكاالاتي 1-المقادير قطعة صغيرة لحم خروف يكون فيها عظم باش يبنن *-2حبات بصل كبار+حبة كبيرة طماطم تكون طايبة +حبة زرودية+حبة صغيرةجدا بطاطا+حبة قرعة+حبةلفت صغيرة+حفنة حمص منقوعة في الماء ليلة قبل+ربطة كاملة قصبر+وريقة رند +ملح +حرور(انا نستعمل حرور ابيض باش ماتجيش الحريرة غامقة)+راس الحانوت+زعفران+زنجبيل طري +ثوم+كمون+كروية+حشايش لحريرة+جمبو دجاج+ 4مغارف صوص تومات جمبو+غرفية متوسطة تشيشة رقيقة اما بالنسبة للتحضير هي **في قدر (انا نستعمل قدر تا ع طين واتبع طريقة نرمي بكري ونطيب على نار هافتة) سخني شوية زيت ومغرف كبيرة سمن (انا نستعمل سمن فاما في جميع اطباقي)ونرحي البصل بالطريقة التقلدية ثم نعاودله بالمكسور حتى يرجع سائل ونقلي اللحم مليح مع الملح ما تكتريش على خاطر با تزيدي جومبو ثم نظيف البصل عليه و الحمص ونقلب بملعقة خشب ثم نضع الطماطم في ماء مغلي وننزع عنها القشرة ثم نرحيها بالمكسور مع الثوم وشوية قصبر ونضيفها للقدر ثم نضيف الخضر كاملة بدون تقطيع وربطة القصبر كاملة نظفيها واحزميها بخيط غذائي وظيفيها وبالنسبة للتوابل ظفي الحرور والزعفران وشوية تاع راس الحانوت وشوية قرفة وورقة الرند ورحي فوقها شوية زنجبيل ومرقي بماء ساخن وكي يغلي القدر الغلية الاولى نقصي النار وغلقي وخليها تطيب مدة ساعة ونصف على نار هادية ثم بعدها نفتح وننزع القصبر والخضر واللحم والحمص نصفيه ونخليه على جنب و ورقة الرند ونضيف التشيشة مدة نصف ساعة كي تطيب ناخذ من الحريرة كسرونة على جنب ونظيفلها شوية راس حانوت شوية كمون حبة جومبو دجاج+صوص تومات+كروية+فص ثوم+شوية قرفة ومبشور زنجبيل طري ونرحي كلشي بالمكسور ونظيفو للقدر ونعاود نرحي كامل ما في القدر ونرجع الحمص ونفتت اللحم ونرده ونحك شوية قصبر بين يدينا ونخلوها تغلي غليتين ونطفي عليهاونظيفوها اخيرا ملعقة صغيرة حشايش وادا ما تحبوهمش ممكن ماتديروهمش في القدر وحطوهم في زرف وتقدم مع الحريرة والي يحب يظيفهم في طبقه وتقدم مع الفلفل المرقد تجي بنينة وبصحتكم ملاحظة الي ماتحبش ترحي التشيشة كي تطيب كيما تحب تظيف محتوى الكسرونة دون اعادة رحي محتوى القدر وانتم كيفاش اتحضروها وعلى فكرة الطهو عندنا في رمضان في اواني من الطين ما كالتو بنينة بزاف خاصة كي تعتمدو طريقة الطهو البطيئ

ما شاء الله يعطيك الصحة

اقتباس:

المشاركة الأصلية كتبت بواسطة ابتهال 33 ما شاء الله الله يبارك شكرا لكما

وفيك يا اختى والف شكر على مرورك الطييب

[quote=بناتي هم حياتي;6698645]الله بارك،شهيتيني في الحريرة تع الغرب[/quote

تفضلى مرحبا بيك ركى قريبة منا وصح رمضانكم