صح رمضانكم وصح فطوركم وكل عام وانتم بخير
هده طريقتي في طبخ شربة الفريك عندنا نقولولها جاري فريك
اولا نقلي اللحم مليح في الزيت نضيف البصل والثوم مربي ونقلي شوية ثم التوابل والملح والطماطم المصبرة والحمص مشمخ في ماء وكزبر اي ديشة او كرافس مقطعة رقيقة نخليه يزيد يتقلي نمرق بالماء ونخيه يغلي مدة 20دقيقة علي نار متوسطة نضيف الفريك ونخليه يطبخ حتي يتم طهي اللحم والفريك مع التقليب مر علي مرة ولازم يجيك ملبي اي ما يكونش خفيف
كي طاب درت فيه شويه نعناع شايح مرحي يعطيه بنه رهيبة
الصور راح توضح وان شاء الله يعجبكم
mmmmmm ya3tik asaha
أمممممم باينة بلي بنينة
شكرا على الوصفة
…
روعة يعطيك الصحة وصح فطورك
يعطيك الصحة
أمممممم باينة بلي بنينة
شكرا على الوصفة
…
شكرا لمروركم اخواتي الكريمات
بارك الله فيك
احنا نديرولو الخضرة
بصح ذقت هذه الوصفة وعجبتني بزاف
ران شام الريحة من هنا تسلم الايادي
مشكورة ام راضية نفس طريقتي لاكن حنا ما نديروش الحمص