السلام عليكم
جبتلكم تشوفو اول دفعة من حلويلتنا المتواضعة لهدا العيد انشاء الله
بدينا بالصابلي و العرايش و مازال نزيدو انشاءالله المقروط و البقلاوة و القريوش و باركات بالكراميل
هاكم الصور
انشاءالله يعجبوكم و عفوا الصور شوية مضلمة عندنا لامبةههههههه صفرا 
ربي ينور ايامكم
روعة ممكن مقادير القاطو الموف والشكولاطة انا مازلت ماخدمت والو غير المقروظ
شكرا لك على هذه الحلويات الرائعة
|
المشاركة الأصلية كتبت بواسطة زهرة الساكورا
 روعة ممكن مقادير القاطو الموف والشكولاطة انا مازلت ماخدمت والو غير المقروظ
|
شرفتي اختي
القاطو الموف هو عبارة عن صابلي
المقادير
250 غ زبدة
كاس سكر ناعم
4 بيض (1 كاملة و 3 صفار بيض )
ملعقة صغيرة فاني
ملعقة صغيرة خميرة حلويات
فرينة
تخدمي الزبدة و السكر الناعم مليح و ممبعد تزيدي البيض و الفاني و تخلطي دايما و ممبعد تزيدي الفرينة و الخميرة الفرينة حسب الحاجة انتي تعرفي قوام الصابلي عجينة طرية
باش تجيك ساهلة فالخدمة و تطيب بلخف وجدي العجينة فاليل و خدميها الصباح
و القلاصاج تاع البيض
نص ابيض و نص موف و ممبعد توفتي بالفرشيطة باش تديري هادوك الخطوط
و الشكولا نفس العجينة بصح شكل اخر
الشكولا استعملت شكولا KENZI دوبتها في حمام مائي و زدتلها ملعقة زيت و شوية حليب حسب الحاجة
|
المشاركة الأصلية كتبت بواسطة عبد الغفار بن محمد
شكرا لك على هذه الحلويات الرائعة
|
العفو 
ما شاء الله روعة بصحتكم تعيدو بالصحة و الهناء
|
المشاركة الأصلية كتبت بواسطة sofiane2075
ما شاء الله روعة بصحتكم تعيدو بالصحة و الهناء
|
الله يسلمك و انتم زادة تعيدو بالصحة
شكرا ليكي و التصاور روعة باين القاطو بنين
يعطيك الصحة وعيد سعيد
|
المشاركة الأصلية كتبت بواسطة minamichan
شكرا ليكي و التصاور روعة باين القاطو بنين
|
العفو اختي هادا من دوقك صح جا هش و بنين
|
المشاركة الأصلية كتبت بواسطة omchifa
يعطيك الصحة وعيد سعيد
|
الله يهنيك و عيدك اسعد انشاء الله
يعطيكم الصحة والله هايلين مام لومبا صفرا ه مي راهم واضحين صح عيدكم اختي ومشكورة علي الوصفة
بصحتكم بصح علاش اديرو بزاف الالوان
|
المشاركة الأصلية كتبت بواسطة انتي بلون الورد
يعطيكم الصحة والله هايلين مام لومبا صفرا ه مي راهم واضحين صح عيدكم اختي ومشكورة علي الوصفة
|
الله يهنيك و عيدك اسعد
|
المشاركة الأصلية كتبت بواسطة احرار
بصحتكم بصح علاش اديرو بزاف الالوان
|
الله يسلمك
الالوان كاين عير هادو الي ملونين و الي بقاو تاع عسل