حاولت كثيرا وجربت اغلب الوصفات الخاصة بالمايونيز في المنتدى ولم تنجح معي فمن تفيدني بنصيحة مجربة من فضلكن
https://www.djelfa.info/vb/showthread.php?t=526203
تفضلي اختي ان شاء الله تصلحلك هده المرة
شكرا وسلمت يداك على الرد السريع
النصيحة الاساسية انه يكون البيض والزيت بنفس درجة الحرارة
شكرا اختي الكريمة فانا دائما البيض من الثلاجة والزيت بدرجة حرارة المطبخ يعني دافئ ساعمل ان شاء الله بنصيحتك
https://www.djelfa.info/vb/showthread.php?t=533796]
تفضلي اختي ان شاء الله تنال اعجابك
شكرا و ساجربها حالا وشكرا مجددااااااااااااااااااااااااااااااااااااااااااااا
ana tani 3andi nafs el mochkel 3omri masslahli !!!!!!!!
البيض لازمو يكون في حرارة الغرفة ولازم شوي ملح والزيت ما تلوحيهش على ضربة واحدة بل ضربي البيض مع الملح وابداي لوحي الزيت غير بالشوي وحبسي وهكذا حتى تكملي الكمية وتعقد المايونازوفي الاخير ضيفيلها شوي قارص وثوم وفلفل اسود وشوي موتارد اذا عندك وحبة جبن وعاودي ضربيهم مليح وخلاص
و لازم يكون فعلمك أنها تاخذ شوي وقت أثناء تحضيرها
أولا كيما قالت أم ظافر البيض مش تخرجيه من الثلاجة تبداي تعملي بيه
لا لازم يكون في نفس درجة الغرفة
ناخذ صفار بيضة أو اثنين
نضربهم مليح يبدا يتغير لون اصفر البيض نضيف الزيت
غير بشوي بشوي والباتور يعمل ميحبسش – تريسيتيييييييييييييي-
لما تبدأ تطلع ظيفي الخل
و زيدي الزيت
حتى تعقد نظيف الملح فلفل اسود و سنة ثوم مهروسة
وفي بعض الأحيان على حساب الاستخدام نزيد شوية دبشة مقطعة رقييييييقة
متمليش وحاولي
بالتوفيق
حتى انا مع الاول مايصلحش لكن هذي 100/100 ناجحة جربي ورديلي تحبي تخدمي بالباتور او غوبو
صفار بيضة +ملح بالباطور خلطي لمدة 10د بدون توقف ثم بعد ال10 د بواسطة المغرف الصغيرة خلاص انتاع القهوة اضيفي كمية الزيت اضيقي ملعقة واحدة وخلطي 3دورات وهكذا حت تكملي كمية الزيت اضيفي اخيرا مغرف كبيرة خل والله يجي كيما المشري وهذي هزيها قاعدة والوصفة كيما تحبي كاين اللي يزيد الفرماج الثوم كل واحد والذوق ان شاء الله تصلحلك
انا نعمل البيض كامل يعني نلوح 2 او 3 بيضات كاملين الاصفر والابيض وتجي المايوناز خير من تاع الشري والله خير من لوسيور
ونعملهم في الطاس الي نخدمو بيه العصير
شوفي أختي انا تان كانت متنجحليش و هبلت حتى عرفت علاه
والله العظيم دوك اجيني تهبل و البيض نجبدو ديراكت من الثلاجة
و السر في الروبو والسرعة كنت ندير بروبو نورمال ته الحلوة متخرجليش لكن لما درتها بهاد الروبو و الله في دقيقة تطلعلي
وانا ندير حبة بيض + شوية ملح و شوية فلفل كحل + مغرفة خل أو تستبدليها بنصف مغرفة قارس واحدة فيهم ماشي في زوج
و نزيد معاها فنجان صغير زيت و ندرب بالباتور وانا ندرب نزيد نفرغ الزيت حتى تشوفي المايوناز ثقالت
و بصحتك
شكرا ويعطيكم الصحة والهناء
السر هو أنك كما سبق وأن ذكر تكون البيض والزيت في رجة حرارة مناسبة.وكذلك وضع ملعقة صغيرة من الخردل.مع اضافة الزيت تدريجيا