السلام عليكم
يسعد صباحكم بالخير ان شاء الله
قبل يومين كنت في المركز تع المراسلة في بسكرة باش ندفع الدوسي تع المراسلة
كي راح ندفع قالو لي انه لا يوجد اقراص السيدي
قلت له كيفاه ماكنش والكتب قالو تاني ماكنش ههه
املا قلت كيفاه تقبلو في الدوسي وماتمدوش السيدي الخاص بالمتعلم
قال تقدر تدفع الدوسي بصح ماتديش السيدي هه
والله غير دفعتو كرهت وانا طالع هبط عليهم لاجل السيدي
يعني الشخص يعود مخلص على السيدي ومباعد مايعطوكش ولا يقلك اصبر حتى 20 يوم
وربما مباعد ماتلقى حتى سيدي كما العام 2024
اليكم الخط اخواتي
وربي ينجحنا كامل ان شاء الله
اه عادي اخي وين راك عايش دوك تشوف العجب وهي صح مزال باش يمدولك الاقراص او الكتب لازم تصبر شهر على الاقل حتى تخرج شهادة تسجيل
السنة الماضية صرالي هاك و استنيت طباعة الجديدة
و ديت الكتب بعد مرور اكثر من 3 اشهر
و هاد العام الحمد لله ديتهم تم تم
و لكن طباعة الله لا يوريك و الصفحات الكل ملاصقين
لازم نديرلهم نهار باه نفككهم
الله يذل من ذلنا …
العجائب والغرائب دوما في الجزائر ربي يهديهم