السلام عليكم
اولا اشكرك اخي على مساعدتك ونصائحك الثمينة للاعضاء
انا متخرجة هذا العام قمت بتقذيم ملف في لونساج مشروع مطبعة صناعية وتمت الموافقة عليه
المهم اعلم اني لا استطيع ان اعمل عند الدولة لاداس او لانام لانو قيدت رقم تامين وكذلك في السجل التجاري
هل توجد طريقة تمكنني من العمل وبم تنصحني
مطبعة صناعية ارجوا اعطائنا تفاصيل المشروع
لانه كانت لدي افكار على مشروع متل هدا لكنها لم تكن كاملة .
حسب علمي لي يقدر يوصل للمراحل النهائية في مثل هذي القروض يعتبر موظف عند الدولة لأنو الدولة هي لي ساعداتو ، كاين حل وهو تدخل أصحاب الواسطة والمعريفة بصح نقلك راكي رايحة تنحي بلاصة واحد إذا استعملتي هذ الشي. خممي زين.
اعتقد انك لم تستلمي الالات الى حد الان و اظن انه سيطول الامر بما انك تفكرين هكذا.
الاخت لا يمكن العمل مع اي من الطرق المذكورة
اصبري شوية و ان شاء الله ما يطولش الامر و تستخرج الالات و غادي تولي انت تبحثي على المساعدة في العمل .
حاولي تعثري على عمل عند الخاص لمدة قصيرة.
ماعلاباليش قداش مازالي دوكا راني مع الاجراءات مع البنك مع العلم انو الوالد هو اللي راح يتولى هادا العمل وسبب اختيارنا لهدا المشروع هو انو ماكاش مطبعة في البلدية اللي نسكن فيها والبلديات اللي بجوارنا تاني وحتى الولاية بذاتها الطابع فيها قليلة……وحتى وكالة لونساج عجبتهم الفكرة وعيطولي وقالولي المشروع تاعك من بين افضل 10 مشاريع في ولاية ميلة وقالوولي رح يكون لي انا و9 مشاريع اخرى افضلية عند الوالي ورح يتولاهم بنفسو …..وقالولي كي يجي الوزير سلال لزيارة ميلة رح يعيطولنا باش يعطينا تحفيزات او ماشابه ذلك
المهم انا راني متمنية انو ينجح مشروعي بسكو هو اللي يحدد مستقبلي وراك تشوف بلي ماعندي حتى حاجة اخرى نديرها غير هاد الشي وان شاء الله مايكون غير الخير
صحة الله يسترك
الله يسهل اخني بنت تاجنانت……………..
دعواتنا و ان شاء الله يكون عندكم افضلية في امتيازات اخرى تضمن السير الحسن.
ان شاء الله شكرا لكم
………………………………………….. ……..
ههههه ان شاء الله اهلا وسهلا