مساء النور اختي تحوسي على العجينة واش فيها و لا الطريقة
العجينة والطريقة من فضللك
اختي انا العجين ندير فيها كيلو سميدرطب و 2ملاعقزيت و 2 ملاعق فرينة و ملح و ملعقة خل باش ما يتقطعش و شمخيه و خليه شوية يابس ماشي بزاف و ادلكيه و هوناشف غطيه حوالي 20 دقيقة و امبعد دبداي تضيفي الماء بشوية حتى تحسيه خلاص بدا ينطلق .خليه يريح حوالي 20د و ابداي تقرصي فيه كاين طريقتين حبيتي تديريه مربع قطعي العجين شوية كبير و امبعد خليه يريح ثاني بعدها حلي العجين بالزيت و اجبدي العجين باش يولي رقيق كيما المحاجب ثم اطوي العجينة مربع و طيبيها في الطاجين و كي اقلبيها قبل ما تحمار باش مايجيكش يابس و رشيه بشوية زيت و كي تنحيه دريه في قطعة قماش باش يجيك طري
و الطريقة الثانية ديري خبيزات صغار بالعجين حوالي 30غ كل واحدة ديري فيها4 خبيزات و امبعد حلي العجين غير شوية و ديريهم طبقات وحدة فوق وحدة و ديري بيناتهم الزيت خليها تريح شوية ثم اخبزهم و بعدها تولي خبزة واحدة تجي شكل مدور و طيبيه نفس الطريقة
و اذا كاش ما احتجتي زيدي سقسي و اذا درتو قبل العيد وعد مني نحطولك اختي و شكرا
شكرا على المجهود انشاء الله في ميزان حسانتك وراح انجربها في العيد ونردللك الخبر مع اني متاكدة انها راح تنجح لان صاحبتها محترفة.