قمت مؤخرا بتحضير الهريسة الحارة في المنزل و حبيت نشارككم طريقتي في تحضيرها
لنبدأ على بركة الله
المقادير:
– كيلو ونصف مزيج بين فلفل حار و حلو (الكميات حسب الذوق إذا كنت تحبي الحار بزاف ضاعفي كمية الحار على الحلو)
– 3 م ص ملح (كذلك حسب الذوق راح تلاحظي بلي مذاقها راح يطلب كمية جيدة من الملح)
– 2 م ص كسبرة مرحية
– 1 م ص كروية مرحية
– 3 م ك زيت نباتي
– 2 سنات ثوم مرحيين ناعم
[IMG]
[/IMG]
التحضير:
** أولا علينا ارتداء القفازات لتجنب ملامسة لب الفلفل الحار لليدين
** نغسل الفلفل جيدا و نقطعه قطع متوسطة
[IMG]
[/IMG]
** نقوم بطبخه على البخار أي نفوروه حتى يصبح طري
** نرحيه في الرحاية اليدوية ، راح تلاحظي بلي اللب راح ينزل و القشور راح تبقى في الرحاية
[IMG]
[/IMG]
** إذا أردت الهريسة تكون مرحية بزاف أستعملي إما المصفاة لإزالة الشوائب و القشرة العالقة أو استعملي الروبو في مكان الرحاية اليدوية ثم صفيه في مصفاة راح تجيك بهذا الشكل
[IMG]
[/IMG]
[IMG]
[/IMG]
**أنا نحبو خشن شوية لذلك ما راحش نصفيه هكذا
[IMG]
[/IMG]
[IMG]
[/IMG]
** نضيف له باقي المكونات و نخلطه جيدا و ندعه يبرد ثم يقدم مع كل أنواع المأكولات
[IMG]
[/IMG]
الكسبرة و الثوم و الكروية راح تعطيه بنه مميزة إضافة إلى لونه الأحمر الرائع يشهي
ملحوظة الكيلو ونصف راح يديرلك الكمية نتاع الهريسة اللي راكي تشوفي فيها
لذلك اغتنمي الفرصة مادامو ناقص سومة في السوق و هذا و قتو وبصحتكم
مممم يعطيك الصحة هريسة و عليها الكلام
هريسة هايلة الله يبارك ام اياد
جزاك الله خير على الخطوات المصورة
هريسة هايلة الله يبارك مشكوووووورة
بنينة تقدر تحطيها في اي حاجة لابغة في المرقة طكي تعود تطيب بصح هادي نعيطولها (درسة)
شكرا على الوصفة
يعطيييييييييييييييييك الصحة يا الفحلة راكي جايبتها
بارك الله فيك
اممممممممم الله يخليك علابالك عندي مدة وانا نحوس على الهريسة مشكورة الله يخليك
بارك الله فيكي وشكرا على الوصفة
روووووعة تستحق التثبيت