المهور بالمزاد العلني .في مدينتي 2024.

من منا لم يلاحظ النشاط السريع لأسعار المهور في الأونة الأخيرة

مرتبط بمدى ارتفاع أسعاره في بورصة المجتمع… فأصبحت كل أسرة تتزايد في المهر على الاخرى

" أيسرهن مهرًا أكثرهن بركة "

فأين الشاب والاسرة محدودة الدخل من هذا؟؟؟وبالمقابل هذاالارتفاع في المهورتربطه علاقة طردية مع ظاهر العنوسة

التي رمت بظلالها على الأسرة……..


لقد استوقفتني قصة أردت عرضها عليكم…..

صراحة اترك لكم التعليق
طلب من كل عضو يدخل يعطينا الرقم الذي وصلت اليه المهور في منطقتك

ألله أعلم أنا راني معزول على العالم وزيد موضوع زواج عاد يقززني ضرك برك جيت فايت على صالة تاع أعراس قريب تقيت معباليش

شكرا

سعر المهر في منطقتنا ليس غالي…….لكن على الزوج أن يشتري بعض الاشياء للعروس …..و اذا حسبنا ….فالاسعار ايضا غالية……و لا اظن أنذ هذا هو المهم…………فالمهم هو الزوج الصالح المتخلق……و ليس قيمة المهر…..و انا فخورة بهذه العجوزة التي زوّجت ابنتها بمهر 5 ملايين…….رزقكم الله الزوجات الصالحات…..اللهم آمين……

سعر المهر في منطقتنا ليس غالي…….لكن على الزوج أن يشتري بعض الاشياء للعروس …..و اذا حسبنا ….فالاسعار ايضا غالية……و لا اظن أنذ هذا هو المهم…………فالمهم هو الزوج الصالح المتخلق……و ليس قيمة المهر…..و انا فخورة بهذه العجوزة التي زوّجت ابنتها بمهر 5 ملايين…….رزقكم الله الزوجات الصالحات…..اللهم آمين……

في وقت الصحابة ومدو بناتهم بمهور كبستان و قناطير مقنطرة…..أستغرب استهجان المهور مع أن الأزواج فرحانين و راضيين بزوجاتهم ومهورهن وربي جعلهم كرماء الحمد لله….لي ماقادرش عادي يقول ماقادرش ويلقى لي يساعفو,,,,,,,,,,,نعطيك مثال على زواج ختي,,,طقم ذهبي,جهاز ب11 مليون و زوجها عاونها ممكن فوق عشرين مليون في جهازها الشخصي ونهار العقد حط 7 ملاين مااااااا شاء الله و فرحان وراضي و دوك زواجهم ولا احلى واختي واقفة معاه وعادي. ربي يبارك لهم يا رب…..للاسف بعض الشباب الكسول حاب يدي كلش باطل لا يعمل لا يتعب ويتججو بالسنه النبوية,,,,,,شكرا على الموضوع الجميل,

اقتباس:

المشاركة الأصلية كتبت بواسطة knives55 ألله أعلم أنا راني معزول على العالم وزيد موضوع زواج عاد يقززني ضرك برك جيت فايت على صالة تاع أعراس قريب تقيت معباليش علاه …..عدة نعيف كلمة زواج وعرس أما عن غلاء المهور هو راجع الى تكبر تلك العائلة فهي تريد أن تظهر ابنتهم على انها ملك وغالية مكانش خير منها حتي هوما بعد عام تطلق يختي ربي سهل لتتقلش على روها ودمر في حياتها هي موش ناس حنا واش يهمنا منهم لاهم يخدموا المجتمع ولهم يفدوا في ناس شكرا

اهلا بك اخي

اصبح التظاهر والتفاخر بين الناس هي السمة الغالبة لمجتمعننا ……كل واحد حاب ابان على طريقتوا

شكرا على الرد…..مع انه وجود ك معزول عن العالم الخارجي هذا مضر بالصحة ورايحه تروح عليك اخر خرجات مجتمعناهههه

اقتباس:

المشاركة الأصلية كتبت بواسطة knives55 أنت بنت ماتحسيش كلش يجيك واجد راجل مسكين هو ليتعوج في خدمة ويلم دراهم ويحرم روحوا من ماكله به يتزوج ومبعد يتقال عليه هكذا تاع الصح حتي واحد معاد حاب يتزوج على خطركش حبين غير قنطار دهب وفساد درهم به تغيروا الجيران أهه منك

يا اخي وش جاب كلمة الفساد هداك الله,,,,,,,,,,ماقلناش لازم قنطار لكن مش يجو يقولو لي تطلب مهر راهي تبيع في روحها وووو هادي من بكري كاينة لي عندو يكرم مرتو بمهر مليح وراني قتلك في القران و ربي يقول اذا عطيتو النساء قنطارا,, اقصد المعنى طبعا,,,اذن وين المشكل اذا الرجل يجيب لخطيبتو,,,,,اما لي معندوش منلوموهش وراني قلت يلقى لي يساعفو,,,,,ولكن يا امواس والله خدامين لاباس عليهم وبسياراتهم و الحطا و يجو ينوحو و يتباكاو على المهور زعما حابين يديرو السنة يولو يقولو اقلهن مهرا اكثرهن بركة,,,,واعتذر ان حرجتك اخي او اي اخ اخر,,,سلام

اقتباس:

المشاركة الأصلية كتبت بواسطة خولة لبابة سعر المهر في منطقتنا ليس غالي…….لكن على الزوج أن يشتري بعض الاشياء للعروس …..و اذا حسبنا ….فالاسعار ايضا غالية……و لا اظن أنذ هذا هو المهم…………فالمهم هو الزوج الصالح المتخلق……و ليس قيمة المهر…..و انا فخورة بهذه العجوزة التي زوّجت ابنتها بمهر 5 ملايين…….رزقكم الله الزوجات الصالحات…..اللهم آمين……

الحمد الله ان هناك بعض التيسير في المهور لنه كما قلتي هو الزوج الصالح
حتى بركة الزواج راحت والله تحية لهذه العجوز

بار الله فيك خولة على المداخلة شكرا

السلام عليكم ورحمة الله
اختي نيروز اولا انا عاجبني اسمك وكينشوفونتمنى نسمي ابنتي في المستقبل نيروز
المهم راكي انتثى ومن حقك تهدري على المهور المهر راه ربي كرم بيها المرأة لانها غالية ومن حقها ثاني تطلب اي مهر يليق بيها
لكن واش تقولي في زمن اصبح الزوخ والفوخ اشهر شيء عند النساء
احنا المراة الشاوية وخاصة في تبسة والله صراحة
لو تشوف كل عرش في بئر العاتر مكانش مراة في عرسها متشرطش قطعة ذهب واحد قيمتها 40 مليون قطعة وحده وحتى اذا لم تشرط قطعة 40 مليون اهل العريس يجيبو ليها مقياس او محزمة ب 30 حتى 700مليون
لماذا
خاطر اهل العريس يحبو يبينو رواحهم واهل العروس لازم يزوخو ويشرطو باش بنتهم تبان هي كلش وراه قيمتها كبيرة والنفوس الله يعلم
زيد حاجة اخرى احنا في اعراسنا الي متلبسش الذهب وتكون معمرة كيما المانكة تاع السايغ والله يضحكو عليها راهو وقت والعياذ بالله اصبحت المراة مظهرها واصلها وفصلها ذهب للاسف
للاسف في تبسة المهر غالي الي يحب يتزوج يخسر 200مليون بخلاف الصالات تاع العرس انا حكيتلك على منطقتي
اما عن المهر والمزاد العلني بالنسبة الي معندهمش باش يتزوجو ربي يسهل ليهم وكل واحد يطلب ربي يطيح في بنت حلال

اقتباس:

المشاركة الأصلية كتبت بواسطة lydia istanboul في وقت الصحابة ومدو بناتهم بمهور كبستان و قناطير مقنطرة…..أستغرب استهجان المهور مع أن الأزواج فرحانين و راضيين بزوجاتهم ومهورهن وربي جعلهم كرماء الحمد لله….لي ماقادرش عادي يقول ماقادرش ويلقى لي يساعفو,,,,,,,,,,,نعطيك مثال على زواج ختي,,,طقم ذهبي,جهاز ب11 مليون و زوجها عاونها ممكن فوق عشرين مليون في جهازها الشخصي ونهار العقد حط 7 ملاين مااااااا شاء الله و فرحان وراضي و دوك زواجهم ولا احلى واختي واقفة معاه وعادي. ربي يبارك لهم يا رب…..للاسف بعض الشباب الكسول حاب يدي كلش باطل لا يعمل لا يتعب ويتججو بالسنه النبوية,,,,,,شكرا على الموضوع الجميل,

شكرا ليديا اكيد الي عندو يحبب ابين نعم الله عليه وميش رايح يبخل على الزوجة …….لكن لا اوافقك افي الراي الثاني لانه هناك من لم يستطيع حتى توفير المهر…..فمابالك بمصاريف العرس…..مع البطالة التي حرمت البعض حتى في التفكير في الموضوع

احترم رايك…..شكرا على المداخلة

اقتباس:

المشاركة الأصلية كتبت بواسطة knives55 عندك حق تقلوي هك لانها عقليتكم تحبوا تزخوا قدام جورين وبنت خلات وعمات على هذ يبلكم ربي برجل من عرة رجال خلاص روحوا تزوجوا بلخلجين راه عندهم دراهم حنا شباب تاع اليوم معدنا والوا يخي عطاتكم الدولة الحرية روحوا نتوموا اخطبوا لرواحكم وزوجوا روحكم أهي ليكم عيفتونا في هذ الزواج وسلام عليكم

لا اعلم ما ولد هذا الانفجار في وجهي انا؟؟؟؟؟؟؟؟؟؟؟؟ ربي يهديك أخي,,,,,,,,,,,,,

شكرا على كل مداخلاتكم ونظرا لصعوبة التصفح

لم استطع الرد على كل واحد ….لي عودة ان شاء الله