اليوم جبتلكم المبرجة أو كا يسميها العض الابراج حنا في البرج نقولولها المبرجة
و عادة ما نديروها بحلول فصل الربيع لأنها من عادات و تقاليد البرايجية خاصة و سكان ولاية الشرق بصفة عامة في الربيع
اليوم أول مرة ندير المبرحة حبيت نتعلمها باسكو مكانش قد الاكلات التقليدية
المهم مطولش عليكم حاكم الصور و قولولي كيفاش جات مليحا و لا لا ؟
و لي عجباتو المبرجة تاع ايمان loOl 
معليكم غير تقولولي نقولكم الوصفة مالgري أول مرة نديرها منعرفلهاش مليح
في أملن الله
سلااااااااااااااااام
والله يعطيك صحة جات تسخخخخخخف
بارك الله فيك عزيزتي ممكن الوصفة
بصحتكم خرجتلك هايلة
خفي لينا بالوصفة والله تشهي مشكورة……………..
[quote][quote][
ام مرسي عليكم راكم طلعتولي المورال باسكو أول مرة نديرها
المهم الوصفة كالتالي
3 كيلات دقيق خشين " دشيشة"
+ كيلة زبدة تبسي الدقيق
بعد ما تبسي الدقيق بالزبدة نحي شوية حطيه بجانب باسكو تسحقيه من بعد
نظيفو شوية مليح + لزازت تاع الليمون و قليل من عصير الليمون أو لزازت تاع البرتقال مع قليل من عصير البرتقال لأنو ذوقها يجي مليح و نلموها بالماء الساخن و نقسم العجينة على 2
مي متعجنيهاش لميها برك بيدك و ديريها شوية طرية باسكو دشيشة تشرب الماء
نأخد قليل من الدقيق المبسس لي خليناه بجنب نرشوه فوق الطاولة باش متلصقناش و النصف الاخر نديروه من الفوق
النصف الاول نقرصوه فوق طابلة و نصع فوقها الغرس بعدما كنا قد حللناه على شطل دائرة و في الغرس نديرو شوية قرفة مرحية يجي ذوقها بنين
و من بعد نزيدو نوضعوا النصف الاخر من العجينة و و نحاولو نغطيو الغرس كامل باش ميبانش و باش متلصقلكش الدقيق لمبسس لي كنا خليناه بجنب نوضعوه فوق
العجينة باش يسهل علينا نبسطوها و من بعد نحلوها بالحلال و نقطعوها معينات كيما راهي في الصورة
و نطيبوها في الطاجين تاع الكسرة
و شهية طيبة و ان شاء الله تكونوا فهمتو عليا كيفاش الطريقة و أي استفسار راني هنا اوكي
سلااااااااااااااام
يعطيك الصحة أنا نتوحم و كانت في بالي وانت زدت شهيتيني
ابعثيلي على الاقل هذاك الصحن
والله غير جاتك هايلة أنا جامي جربتها دائما ديرها ماما وتبعثلي بصح درتيلي الكوراج باه نديرها
شكرا
عجبتنا رانا نستناو الوصفة
|
المشاركة الأصلية كتبت بواسطة السراب الحالم
 يعطيك الصحة أنا نتوحم و كانت في بالي وانت زدت شهيتيني
ابعثيلي على الاقل هذاك الصحن والله غير جاتك هايلة أنا جامي جربتها دائما ديرها ماما وتبعثلي بصح درتيلي الكوراج باه نديرها شكرا |
الله غالب قولي لماماك ديرهالك املا متخليهاش في قلبك
+ ربي يقومك بالسلامة ان شا ء الله
|
المشاركة الأصلية كتبت بواسطة السراب الحالم
يعطيك الصحة أنا نتوحم و كانت في بالي وانت زدت شهيتيني
ابعثيلي على الاقل هذاك الصحن والله غير جاتك هايلة أنا جامي جربتها دائما ديرها ماما وتبعثلي بصح درتيلي الكوراج باه نديرها شكرا |
ايه عمبالك هذا وين قريت مكان الاقامة تاعك هههه البرج كيما أنا اذا صح راهي في قلبك ماعليك غير تقوليلي وكتا نتلقاو في البرج و نجيبهالك منخليهالكش في قلبك و الله نهار السبت ان شاء الله راني خارجة اذا حبيتي نتلاقاو في لبلاد و نمدهالك اوكي قوليلي برك متحشميش
|
المشاركة الأصلية كتبت بواسطة feuilleblanche17
عجبتنا رانا نستناو الوصفة
|
سلااااااااااااااام
ربي يبارك هايلة خاصة اول تجربة لاعدت حابة تذوقى لمبرجة انتاعي هاهو الرابط واعطني رايك
امم يعطيك الصحة جاتك تهبل خيرمن تاعي مي نقولك نعاودها في الربيع و نديرها بالوصفة تاعك و راني نحصلك الصور أوكي و ان شاء الله تجي كيما تاعك
باسكو راهي تبان تشهي بصحتكم
|
المشاركة الأصلية كتبت بواسطة ايمان البرايجية
ايه عمبالك هذا وين قريت مكان الاقامة تاعك هههه البرج كيما أنا اذا صح راهي في قلبك ماعليك غير تقوليلي وكتا نتلقاو في البرج و نجيبهالك منخليهالكش في قلبك و الله نهار السبت ان شاء الله راني خارجة اذا حبيتي نتلاقاو في لبلاد و نمدهالك اوكي قوليلي برك متحشميش
|
ربي يعطيك ما تتمناي أختي
انا برايجية بصح نوك مانيش ساكنة في البرج 
بارك الله فيك
هاني غدوة رايحة نجربها وحدي اذا صلحت نوريهالك