جبتلكم وصفة لغريبية على طريقتي نتمنى تعجبكم
نبدا مع المقادير والتحضير في نفس الوقت لانها ما فيهاش حوايج كثيرة
بسم الله
نحتاجو رطل مرغرين لابال ننقصو منو الربع ومكان الربع نصب زيت عادي
نحطهم في الخلاط ونضربهم دقيقة
نحطهم في الخلاط ونضربهم دقيقة نتحصلوا على هذا الخليط
ثم تضيفي العلبة نتاع الزبدة مش معمرة سكر ناعم
وملعقة اكل فانيليا نتاع الميزان
نخلطهم في الخلاط حوالي 20 دقيقة كل 5 دقائق وقفي الخلاط وهبطي الخليط اللي على الحواف وعاودي خلطي حتى تتحصلي على هذا الخليط
فرغي الخليط في القصعة وزيديلو بالتدريج 3 علب نتاع الزبدة فرينة واعجني مليح بيديك يكونو ايديك فوق بعض وبيناتهم العجينة واسحبي يدك العلوية بقوة نحو الاسفل حتى تمزج العجينة مليييييييييح وتطرى في يدك من حرارة ايديك
تحتاجي هذا الطابع نتاع المعمول
وبيستاش مرحي للتزيين و250غ جلجلانية محمصة ومخلطة مع علبة حلقوم للحشو
شكلي كويرة بحجم حبة الجوز من العجينة
حطي في وسطها كويرة صغيرة من الحشوة
عاودي اغلقيها
حطي في وسط القالب نتاع المعمول شوي بيستاش مرحي
وفوقه حطي كويرة العجينة المحشية
واضغطي عليها بيدك
ثم اقلبيها تتحصلي على هذا الشكل 
حطيها تطيب حرارة 180 مدة 15 دقيقة
وهاهي طايبة في البلا
/
وهاذي حبة قسمتها باش تشوفو لهشوشية 
نتمنى تجربوها راهي لذيييذة جدا وهشوووشة والكيلة هاذي تطيحلك 75 حبة
راني ننتظر في ارائكم وردودكم مع تحياتي
عطووووورررة
امممممممم روعة يعطيك الصحة
واو يالا الروعة هايل يعطيك الصحة
يعطيك الصحة عطورة روعة 4444444444444
تسلم آلآيااااادي آكثر من رآآئعة مع اني نكره الغريبية هاذي عجبتني ان شاء الله نجربها ابدعتي حبيبتي
444444444444444444444444444444444444444444444
ممممممم تبان هايلة بارك الله فيك عطورة و سلمت يداك
يعطيك الصحة تبان هايلة امممممممممممممممممممممم
يعطيك الصحة44444444444444
غريبية و عليها الكلام يعطيك الصحة
و تسلم ايديك حنونتي
انا ما نحبش الغريبية بزاف بصح تاعك راهي تبان تهبل وعجبتني
و بربي ان شاء الله نجربها
امممممممممممممممممم عطورة تهبل نفس الوصفة نتاعي حنا نسميوها لغروبية السورية جي رووووووووعة و تذوب في الفم
اممم يعطيك الصحة بسيطة و أنيقة
خرجتلك تشهي يطيك ألف عافية
نموت عليها و طريقتك باينة تخرج روووووووووعة
نجربها بإذن الله
عطر يعطيك الصحة يا الفحلة خرجتلك تهبل حتى الحلوى لي خدمتيها للعرس جاتك 44444444444444
يعطيك الصحة روووووعة وتبان هشوشة ولديدة
شكرا وبارك الله فيك