اليوم حبيت نقدملكم وصفة لحلوة الغريبة لانها ساهلة واقتصادية كذلك سريعة التحضير_تسلك من الحصلة_
المقادير ;كاس زيت+كاس سكر +فرينة عينك ميزانك
الطريقة نحلط المكونات ونعمل منهم كويرات بهذا الشكل وندخلها الفرن مدة10د
هاهي وجدت بصحتكم
الله يبارك باينة هايلة و يسلمو إديك
بصح نسقسيك يا الغالية متخرجش يابسة؟
و السكر درتي العادي ميش قلاصي؟
يعطيك الصحة السكر اختي ارطب مانيش غالطة
لان الغريبة تجي بالسكر قلاص وبصحتكم
مشكورة ساهلة و تبان بنينة
اما عن السكر نستعمل العادي وما تخرجتش يابسة واذا حبتيها طرية مليح زيدي على الزيت شوية زبدة
ذايبة ونصيحتي لكل واحدة تجيها الحلوة يابسة ان تضعها في علبة بلاستيكية وتغلقها مليح وماتفتحيهاش الابعد ليلة
صدقيني رايحة تنبهري بالنتيجة
يعطيك الصحة
واش رايك مشي كيف نتاعك مي راني نتعلم ماتضحكيش عليا هدايات انحرقتلي شوية هههههههه
مي غدوة نعاود نديرها و لازم نخرج كيما انتاعك المذاق هايل مي انحرقت شوية
يعطيك الصحة انشاء الله تكون جاتك طرية المرة الجاية نقسيلها كي تطيبيها من فوق.
الله الله على الغربية انموووووووووووووووووووووت عليها فكرتني في زمان اول حاجة درتها هي الغربية وبنفس المقادير
بارك الله فيك
والله ساهلة ماهلة لان المكونات دايما موجودة في كل بيت
شكرا لك
الله يبارك عليك أختي
برك حبيت نسقسيك قداه تكون درجة الحرارة اللي تطيبي عليها الغريبية و قدماه تكون الحبة كي تكوري ممكن قد الجوزة؟
مشكورة على الاجابة مسبقا
شكرااااااااااااااااااااااا
|
المشاركة الأصلية كتبت بواسطة هدايات26
 يعطيك الصحة انشاء الله تكون جاتك طرية المرة الجاية نقسيلها كي تطيبيها من فوق. |
شكرا لتشجيعك لي و ان شاء الله المرة الجاية انقصلها الكوشة من فوق