لقيت الاخت الكريمة تسأل عن طريقة تحضير العصبان واردت افادتها
مقادير المرق:
– حبة بصل كبيرة مفرومة
– فلفل اسود
– قرفة
– ملعقة طماطم علب
– ملح
– حفنة حمص
– قليل من الزيت
مقادير الحشو:
– حبة بصل
– روز
– نعناع مرحي يابس او اخضر كيما تحبي
– معدنوس و الكزبر الاخضر
– فلفل اسود
– ملح
– قرفة
– كزبر يابس
– كل احشاء الكبش ( المعدة والامعاءوالرئة …..الخ.)
كيفية التحضير:
ناخذ كل مقادير مرق ونخلطوهم في طنجة ونقلوهم نث نمرقو
في نفس لوقت نكونو قطعنا الامعاي لمصارن- والرئةو……..قطع صغيرة مع المعدنوس والكزبر لخضرا
نضيفولهم التوابل والنعناع والروز والكزبر اليابس ونحشوهم فالكرشة لي نكونو سبق وقطعناها مورسوات كبار وخيطناها من كل الجوانب ونخلو فتحة باش نحشو برك……………..بعد ما نكملو الحشو نخيطوهم
نحطوهم مع المرق لي ديجا راه فوق النر ونخليهم حتى ينضج ثم يقدم بالصحة والهنا
ملاحظة ك ما تبخلونيش بالتقييم..ودعوة شابة منكم يا الزينات…………ههههههههه انا طماعة
شكرا لك على الوصفة باينة بنينة
حرام عليكم راكو تسخفو فينا ههههههههه
شهيتينا حبيبة و بارك الله فيك
باااااااااااااااااااااااااارك الله فيك
merci bien يعطيك الصحة اختي ربي يعطيك ما تتمناي فرحتيني بهذه الوصفة باينة بنينة تهبل ان شاء الله نجربها ونقولك
شكرا جزيلا و بارك الله فيك وماتنساينيش بالجديد
شرفني مروركن العطر حبيباتي
اممممممممممممم احنا نديرها مع الرشة
l3osbane nbghihe bezzzaf merci sarah chhitina
يعطيك الصحة
ya3tik lsaha sara
يعطيك الصحة
huuuum chokra 3ala lwasfa
ما شاء الله ،الله يبارك فيك
شكرا جزيلا أختي مقادير الحشوة لدرتيها تشبه لطريقة نتاعنا أما المرقة فيه إختلاف الأسبوع الماضي كنت رايحا نحط الموضوع الخاص بالعصبان راني مصوراتو من العام ليفات عن قريب نحطو باه ندو أفكار من بعضنا
|
المشاركة الأصلية كتبت بواسطة الصوامعية
 شكرا جزيلا أختي مقادير الحشوة لدرتيها تشبه لطريقة نتاعنا أما المرقة فيه إختلاف الأسبوع الماضي كنت رايحا نحط الموضوع الخاص بالعصبان راني مصوراتو من العام ليفات عن قريب نحطو باه ندو أفكار من بعضنا
|
وانا فالانتظار اختي صوامعية مليح نعرفو هكذا الاختلاف من منطقة لاخرى