جبتلكم الخطوات لعمل الرفيس القسنطيني و هاذا نديره سيرتو في رمضان للسحور هو او المسفوف بالزبيب و من عادتنا في الاعراس ( تع الرجل ) نديروه فالغذاء تع الصبوحي
اولا نحتاج 3 كيلات سميد و كيلة زيت و ملح و نبللو بالماء
نلمو نحطو في صينية الفرن و بسطوه و نقسمه و ندخله الفرن حتي يحمار شوية و نخرجوه و كي يبدا يبرد ( يكون شوية دافئ نرحيوه)
و نهزوه بالسقاط ( نوع من السيار )
كي نجيو نحضروه في قصعة نحطو الرفيس و نبخوه بماء الزهر حتى تنتفخ حبات الرفيس و يبدا يطرى
ثم نحطوه يفور و كي نزلوه نبخوه بالحليب حتى يطرى و نعاودو نردوه يفور و كي نزلوه نريحوه بالزبدة و
نحطولو العسل و نخليوه يشرب لمدة 10 دقايق و نقدموه بالسكر القلاصي و اللوز مرحي من فوق ( مكانش متوفر عندي ) مع اللبن
بالصحة و الهناء
يعطيك الصحة عزيزتي بصح شفت بزاف وصفات فالمنتدى و الرفيس كيما هكدا حنا الرفيس تاعنا كامل ماشي هكدا اول مرة نكتشف هاد النوع يعطيك الصحة غير البارح و انا نقول لماما عليه من بعد نوريهولها
بارك الله فيك …..
4444444444444444444444
الرفيس انتاع قسنطينة يهبل و خفيف و بنين انا نحبو بزاف يعطيك الصحة اختي على الوصفة
يعطيك الصحة احنا هدا نديروه في صباح العروس يجيبوه دارهم كي يجو الصباح مع البقلاوة والمقروض والقهوة و الحليب كيما دارولي ليا انا و ب صراحة انا عندي احسن نوع نتاع رفيس
روعة بارك الله فيك
اممممممممم هايل عندي في الكونجيلاتور راح نجبدو للعشا يعطيك الصحة
يعطيك الف صحة
نفس طريقتنا لكن نبسوه بالزبدة
تسلمي
عمل مميز
شهيتيني مع هاد الوقت وانا ندير في الريجيم امممممممممممممممممممم
شكرا
بارك الله فيك
بالنسبة للسميد يكون حرش ولا عادي كيما الي نخدمو بيه الكسرة ؟
يعطيك الصحة حبيتي نفس طريقتنا لكن احنا ثاني نبسوه بالزبدة
شكرا على الموضوع اختي الكريمة