من وصفات امهاتنا وجداتنا الفطيرة او خبز الفطير المعروف والمشهور في بلادنا بعدة اسماء وانواع طبعا فيه الي يخدموه بالسميد او الفرينة او الاثنين معا وحتى بدقيق القمح يتحضر في 10 دقائق فقط وبمكونات موجودة في كل بيت ويقدم مع القهوة او الشاي تابعي اختي الموضوع
الفطيرة
في قصعة صغيرة ديري الفرينة والسميد وملح وزيت
خلطيهم بيديك حتى تحسيهم مرملين يعني مثل الرمل
اضيفي شوية حليب هدا اختياري من اجل الطراوة فقط ادا صبحت لك خبزة تبقى طرية
ثم الماء تدريجيا حتى تتلم العجينة
اقطعيهم كويرات حسب الرغبة انا درتهم متوسطين
حلي بالوراق
سخني الطاجين امليح وحطي الخبزة
نثقب الخبزة في الوسط ثم نقبها بشوكة حتى تطيب من الداخل وبواسطة سكين نممر السكين من الفوق فقط تساعدني العملية في تقطيعها كي تطيب
هاهي الخطوط واضحة
نقلبها
وهاهي واجدة
شوفي كيفاش تساعدك الخطوط الي ترسميها على الخبزة
بالصحة عليكم
ملاحظة / نعرف ماشي حاجة جديدة عند البعض لكن هدا منتدى وفيه مبتدئات تحياتي
يعطيك الصحة اختي الوهرانية
عجبتني الملاحظة نتاعك لي كتبتيها
مالازمش نحقرو اي وصفة مهما كانت بسيطة لانو كاين مبتدئات يحتاجوها
انا من رايك
يعطيك الصحة اختي الوهرانية
عجبتني الملاحظة نتاعك لي كتبتيها مالازمش نحقرو اي وصفة مهما كانت بسيطة لانو كاين مبتدئات يحتاجوها انا من رايك |
شكرا حبيبتي وانا فعلا نقصدها لانو احيانا وحدة تدخل تقول وحتى بينها وبين نفسها بوووووووووووووه الفطيرة ونحطوها لكن فيه اخوات هادا وين كملتو دراستهم او حابين يدخلو للمطبخ لاول مرة وما لقاوش الي يساعدهم هكدا يكون المنتدي طريقهم يعني اي حاجة بسيطة تعرفيها ممكن تكون جديدة عند غيرك سلامي ليك حبيتي
يعطيك الصحة يا الوهرانية تع الصح…..والله مازالنا بفضل الكثيرات محافظين على التقاليد والعادات تع الجدود
|
شكرا على المرور سلامي ليك
يعطيك الصحة اختي الوهرانية
احنا نسموها الكسرة ورسمي كل يوم
وتعلمها ضروري جداااا
راكي تسخفي في نديرها تقريبا كل يوم بصح كينشوفها ولا نشم الريحة انتاعها نموووووووووووووووووووووت عليها واحنا نسموها الرخساس
يعطيك الصحة هكى البنات يتعلمو ويستفادو
يعطيك الصحة هي الكسرة ضرورية جدا في كل بيت
راني متابعة وصفاتك باهتمام بالغ
اشكرك علي طريقة الكيس المبلل
انا استعمل الكيس منذ القديم لكن غير مبلل
لك مني الف تحية لك ولكل سكان وهران المدينة التي اتمني زيارتها
يعطيك الصحة اختي الوهرانية
احنا نسموها الكسرة ورسمي كل يوم وتعلمها ضروري جداااا |
لا احنا مش ضروري بمنطقتنا يعني مرات فقط ويسموها الفطيرة او الفطير تحياتي ليك اختي الفاضلة
راكي تسخفي في نديرها تقريبا كل يوم بصح كينشوفها ولا نشم الريحة انتاعها نموووووووووووووووووووووت عليها واحنا نسموها الرخساس
يعطيك الصحة هكى البنات يتعلمو ويستفادو |
الله يسلمك حبيبتي الغالية منورة موضوعي وشكرا على الافادة فيما يخص الاسم
يعطيك الصحة هي الكسرة ضرورية جدا في كل بيت
راني متابعة وصفاتك باهتمام بالغ اشكرك علي طريقة الكيس المبلل انا استعمل الكيس منذ القديم لكن غير مبلل لك مني الف تحية لك ولكل سكان وهران المدينة التي اتمني زيارتها |
مرحبا بيك في وهران حبيبتي وتحياتي ليك
داايما شاطره الله يابرك فيكي تحياتي ليكي
وكل ناس وهران
الله يحفظك أختي الوهرانية والله أنا من متابعات وصفاك باستمرار ربي يجازيك شكراااا
مليحة صح اختى احنا ثانى نديروها و نسموها الكسرة المعجونة لكن ما نديرولهاش الحليب فى البلان و الفكرة نتاعك عجبتنى باش تبقى طرية و انا مانحبهاش كى تبات نحب ناكلها من الطاجين