افيدوني جزيتم خيرا في القريب العاجل 2024.

لسلام عليكم ورحمة الله تعالى وبركاته .
انا اليوم اخط لكم يقلمي كلمات اكتبها ودموعي تنهمر واعلمكم قبل حكايتي انني لست العضوة انما انا صديقة لها ياست وكرهت حياتي وصرت لا اطيق ذرعا بها انا فتاة يا ما سمعت نصائح صديقاتي لكني لم القى نتيجة الى ان طلبت مني العضوة انفال__28 ان اكتب لكم قصتي لعلكم تساعدوني بعدما سدت كل الابواب في وجهي اااااااااامل ان تجد قصتي اذانا صاغية .
انا فتاة في ريعان شبابي لم اتمم سن ال17 بعد ومثلي مثل اي فتاة متخلقة متحجبة عادي يعني اعرف من الفتيات من لاامتني اخلاقها لكن فيهم من هن مصاحبات للشباب وعاملين هواتف دون علم اهاليهم المهم انا اهلي بالنسبة لنظراتهم للناس صاروا مضايقين الحصار عني راني كرهت حياتي كلمات جارحة تذرفني بدل الدمع دما نظرات قاسية حتى امي صارت تنظر الي كانني مجرمة او لاادري كيف ؟ اختي عملوها حارس شخصي اين مااحل وارحل اجدها خيالا لي .كل هذا سبق ايام رمضان لكن من منتصف رمضان صار فيه ارقام غريبة ونيميرو مخفي يتصلو لامي صارت تقوللي انو الاتصالات من اجلي حلفتلها عملتلها اي شيء لكن لا حياة لمن تنادي صدقوا ان عندي ما يقارب 4 ايام سااااااااااااااااااااااءت حالتي النفسية جدا جدا جدا والله صرت حشاكم اتقيا وفقط والله لا سحور لا فطور حتى اليوم بعد الفطور قلتلها لا ادري ما بي ؟ قاتلي نقولك انتي صار عندك فوبيا انا لم افهم الكلمة حتى عملتها الان في النت طلعتلي على اساس انو خوف من حادثة مفاجاءة وقالتلي ديري في بالك اني راح نبقى ورااااااااااااااااك واذا انتي واعرة انا اكثر اقسم لكم بالله والله والله اني لا اعرف سبب هذا كله وحالتي تسوء يوما بعد يوم والله اكتب كلماتي وابكي من حرقة قلبي خممت كم من مرة في الهروب لكن وين نقعد ؟ واش يقولو بعدما نروح راح الناس يقولو عملت خطاء في شرفها وهربت خممت في الانتحار لقيت اني راح ندخل للنار ويكفيني الجحيم اللي عايشة فيه كررررررررررررررررررررررررررررررررررررررررررهت يا ربي اعطيني موووووت لعلي ارتاح منهم ومن حياتهم تصدقوا اخي اكبر مني ب3 سنوات او سنتين تجيه النفحة يضربني ويقولولي الشح فيك انتي فمك خاطي ليك يااااااااااارب واش درت في حياتي حتى حطيتني في دار هكذا انفال صديقتي المقربة كم مرة عطاتني وجهة نظرها لكنها تعبت من مشاكلي فنصحتني ان اكتب لكم لعلكم تريحونني والله من معيشتي وسواااااااااد حظي حلفت ان تقدم احدهم لخطبتي غير نحبس قرايتي ونتزوج هروووووووووووووووب وفرار من اللعنة اللي راني عايشة فيها .
هذا جزء جد جد جد بسيط من حكايتي راح نصير مرة على مرة ادخل هنا باسم انفال ونشوف ردودكم نتمنى برك تفيدوني وصحا فطوركم وسحوركم .
اعتذر على الاطالة

السلام عليكم اختيصحا فطورك
ما تتقلقي ما والو انا نظن كاينة حاجة خلات اهلك يديرولك هكذا مكت غلطت ما قدروشيسامحوك او ينسو نظن راكي فاهمتني او عندم هاتف أرمي عليك راه يجيبلك مشاكل معاهم وزيدي اختي لازم تكسبي ثقتهم مثلا ما تخرجيش وحدك حتى لو تختنقي معليش قترة تمر حتى تكسبي ثقتهم وهذا ما يعنيش تخدغيهم لالا تتعلمي تتحملي المسؤولية وتخلي اهلك يثقو فيك كان ما درت ال نظن هذا تحراش لكن من شكن عندو مصلحة يضرك بالطريقة هذي
الهربة من الدار بالاكي عارفة اش كاين فالزنقة كاين ذيابة ما ترحمش اهلك اهون وأرحم مهما سبك يبقا اهلك ومها دارو هذي يماك خاوتك إصبري لما يسب تضاي صلي وإبكي لربي وحرام عليك ما تاكلي ما نشربي نفسك تحاسبك قدام ربي
تعذي من إبليس حوالي تتقربي من اهلك شوفي في اش غالطت اطلبي السماح إكسبي ثقتهم كان ماكنشفوضي امرك لربي وإدعي وهو يكون معاك شرف ليا تكني صديقتي ا ختي الصغيرة راسليني ونحكو موفقة

السلام عليكم أختي الكريمة
و فرج الله عنك ما تجدين
أولا فكرة الهرب و الانتحار ننصحك مجرد التفكير انسايه راكي عارفة عواقبه…..راكي تعرفي

نوصيك و ارجوا ديري عليا و تسمعيني مليح ، هذا الامر و الضغوط راهي فيها شخص راه يدير ليك في المشاكل و اهلك راهم شاكين فيك بزاااااااااف

المهم انت اربحي ثقتهم و اصبري و نساي كل الامور درك
ركزي على ان تكوني مع أمك و أختك دائما ، يعني تكوني في مرمى بصرهم و حاولي تبرهني انك بريئة من الشك الذي اسقطوه عليك
مثلا كوني لصيقة بأمك و دائما عاونيها في الامور نتعها و لا تغيبي عن نظرها
لا تنعزلي عنهم في البيت او في اي غرفة، فهذه الامور تزيد شكهم
المهم هي امور تحدث في أي عائلة و كل شيئ لابد له من علاج و انت لابد من كسب ثقتهم بما قلته لك و أي صديقة لا تعجبهم فالافضل ان لا تصاحبيها فذلك خير لك
هذا ما أظنه نافعا لحالتك و ادعي الله الكريم يوفقك و يسددك لكل خير
جزاك الله كل خير و رزقك الجنة
ســـــــــــــــــــــــــــــــلام

ربي يفرج همك يا ختي ….
مهما كان راهم والديكـ لازم تكوني ذكية و حاولي كيفاش تكسبي ثقتهم و حبهم … كوني ديما معاها وين تروح رافقيها متخليهاش تشك فيك بينيلها بلي ماراكيش كيما فكرت فيك هي ….. حاولي تبينيلها العكس …… وادعي ربي يفرج همك ويبث المحبة في بيتكم وقلوبكم
صدقيني يا ختي حاجة ما تبقى على حالها ,,, انتي اصبري برك وديري ربي في قلبك وقوي ايمانك … وتصيري مع اهلك احسن من الاول ان شاء الله ورانا هنا كاش احتجتي شي .,,, ونحي من بالك فكرة الانتحار واستغفري الله و الهروب ما عندك وين تروحي دارك دارك هي لي تسترك اما الشارع واحد ما يرحمك، …. معندكش غيرها
تحيتي و ربي يكون معاك

شوفى اختى
من الواضح ان اهلك وخاصة امك يخافو عليك بزاااااااف لدرجة كبيرة
وامك من خوفها ومما تسمع وترى من الناس طبيعى انها تضيق عليك الحصار
لكن صدقينى هو خوف وليس عدم ثقة
ناتى الان الى ردود افعالك
انتى واضح انك حساسة وطيبة وشعورك بعدم ثقة اهلك يؤذيك الى درجة انه يؤثر بصحتك
المشكل انك لا تعلمين ان هذا يزيد الطين بلة
انا فهمتك مليح لان البنت بطبعها حساسة اى شئ يؤثر فيها لدرجة التاثير على الصحة
لكن لا تنتظرى من الكبار ان يفهمو ذلك
ببساطة اهلك لهم تفسير اخر
الحل
احسن حل ان تكونى على طبيعتك ووكلى امورك لله سبحانه وتعالى
انك راكى متاكدة انك الحمد لله نعم البنت ياك اذن وين راه المشكل لو راقبوك وعملولك حراسة صدقينى مش مشكلة ابداااااااا
خليهم يراقبوك حتى يتعبو وبالعكس راح تحسى بالحماية من ناحية وتتخلصى من التاثير النفسى من ناحية اخرى
لتعدود علاقتك مع امك احسن من اول خليها تتاكد بنفسها وخلاص
كونى طبيعية وركزى فى دراستك
هونيها تهون
ربى يوفقك

اقتباس:

المشاركة الأصلية كتبت بواسطة مريم الصابرة السلام عليكم اختيصحا فطورك ما تتقلقي ما والو انا نظن كاينة حاجة خلات اهلك يديرولك هكذا مكت غلطت ما قدروشيسامحوك او ينسو نظن راكي فاهمتني او عندم هاتف أرمي عليك راه يجيبلك مشاكل معاهم وزيدي اختي لازم تكسبي ثقتهم مثلا ما تخرجيش وحدك حتى لو تختنقي معليش قترة تمر حتى تكسبي ثقتهم وهذا ما يعنيش تخدغيهم لالا تتعلمي تتحملي المسؤولية وتخلي اهلك يثقو فيك كان ما درت ال نظن هذا تحراش لكن من شكن عندو مصلحة يضرك بالطريقة هذي الهربة من الدار بالاكي عارفة اش كاين فالزنقة كاين ذيابة ما ترحمش اهلك اهون وأرحم مهما سبك يبقا اهلك ومها دارو هذي يماك خاوتك إصبري لما يسب تضاي صلي وإبكي لربي وحرام عليك ما تاكلي ما نشربي نفسك تحاسبك قدام ربي تعذي من إبليس حوالي تتقربي من اهلك شوفي في اش غالطت اطلبي السماح إكسبي ثقتهم كان ماكنشفوضي امرك لربي وإدعي وهو يكون معاك شرف ليا تكني صديقتي ا ختي الصغيرة راسليني ونحكو موفقة

بورك فيك عزيزتي والله الشرف كلو ليا حنونة انكي تكوني اخت ليا وصديقة

بوووووووووووووووووووووووووووووووركتم ومشكورين عالرد الطيب والله كلمات من ذهب كلها افادتني وحسيت بالراحة اكثر لما طرحت مشكلتي وشاركت اللناس قصتي .
بالنسبة لما قلتولي لنفسي علي حق والله والله والله كرهت الدنيا بما فيها لست انا من افرض على نفسي عدم الاكل او شيئ من هذا القبيل لكن نفسي لا تتقبل اي شيئ من اي ناحية كان حتى الضحكة صارت من الكبائر لما تكون في محياي يعني باختصار الدنيا صارت سوادا اتمنى زواله اليوم قبل غدوة وبورك فيكم وجزيتم خير الجزاء ان شاء الله احبتي .

اقتباس:

المشاركة الأصلية كتبت بواسطة مسلم سني السلام عليكم أختي الفاضلة أتمنى أن تكوني بخير وأن تحل مشاكلك وأنت طلبت النصيحة وأنا سأحاول أن أمدك برأيي أولا أنت لم تبلغي 17سنة بعد معناه لازلت صغيرة وتفكيرك لم ينضج بعد أقول لك هذا لأننا والله أعلم عندما نكون في هذا السن نتحسس كثيرا للأهل وكأننا نرفض الرقابة والمتابعة ربما لأننا نحس أننا كبرنا فتكون الحساسية زائدة وفي هذا السن من واجب الأولياء وهو ما يجهله الكثير يجب عليهم المتابعة وفهم الأولاد لأنها سن حرجة تفصل بين مرحلتين هذا من وجهة نظري ولأن الزواج أصبح سهلا جدا عندنا أصبح لا يمت لتحمل المسؤولية بشيء إلا ما رحم ربي وبالتالي الأولاد يجدون الشارع والأصدقاء أحسن وأقرب الناس إليهم وهذا في نظرهم وثانيا حتى وإن كانت أمك لا تتفهم وهذا أمر صعب وحتى وإن كانت الأسرة في نظر ك كلها ضدك فلا يجب أن تتمني الموت أختي الفاضلة لأن هاته الأمنية لا تخصنا كمسلمين وكيف تفكرين في الهروب ؟ في رأيي ليست مشكلة كبيرة لدرجة أنك تفكرين في الهروب؟ ربما تقولين أنك لم تعش حالتي وباللتالي أنت تملي علي أمورا كثيرة لا والله بل وضعتك في مرتبة أختي وما أحبه لأختي أتمناه لغيرها وأقول لك شيئا مع الأيام ستحل مشكلتك كوني أكيدة لأنك ستكبرين وستفهمين أمورا كثيرة فلا تتعجلي ولا تلزمي نفسك تفكيرا يفوق سنك بل فكري في دراستك وكيف يمكنك أن تجدي طريقة لكسب حب الوالدة ولو أنني متأكد أنها تحبك ولن تقبل لك إلا الخير ربما تفهمين من كلامي أنني أحملك أنت الخطأ وأنني مع تصرفات أهلك لا بل أقول لك ما يجعلك تتريثين قبل التفكير فيما سميته انتحارا والأرقام المجهولة هاته الظاهرة تقريبا كل الجزائريين يعانون منها وقد تسببت في كثير من المشاكل لكن حلها بسيط تغيير الرقم أما عن أخيك فأنت تعلمين تفكير أغلب الجزائريين الذكور في محاولة فرض وجودهم في المنزل وأحيانا ما يترجمون هذا بتصرفات كالتي ذكرتهاا ويجب عليك أن تصبري أختي أما أن تمتنعين عن الأكل فهذا لن يقبله الله عز وجل لأن نفسك لها عليك حق حاولي الإكثار من الدعاء والتقرب من أمك فهي أقرب شخص لك ولا تفكري فيما ذكرته فلن تجدين فيه الحل آسف على الإطالة أتمنى لك الخير

لا اطالة ولا شيئ كلمات من نور دخلت القلب والعقل بورك فيك اخي واتمنى لك الخير ايضا

السلام عليكم اختيصباح النر جمعة مباركة
نتمنى اليوم راكي مليحة ما تتقلقيش ما تظليش تقلي كرهت على العكس نوضي مليح احمدي ربي على الصحة وعلى الخير أخدمي شغلك الياجب عليك لما يسبوك او ينهروك عادي يا سيدي ديري روحك إنت الغالطة معليش اكسبيهم فيصفك وماكانش ام تكره بنتها او وليدها هذي محال راهي زعفانة منك وهذا تحراش معليش مهما يطول الليل يطلع النهار كني مهنية المهم إنت عندك هنا فالمنتدى خوتات وخاوة ارواحياحكي شفي أقسام المنتدى روحيلقسم مشكلتي تنساي همك ديري ردود وشاركي ولما تكملي هنا تضلي وصلي وخلي امرك الله والله سحابة تفوت اختي موفقة وبييكون معاك كبري قلبك سعي خاطرك مازالك صغيرة على إن تحملي قلبك الهموم هذو موفقة

انا المشكل يا عزيزتي اني لست العضوة يعني انا دائما زائرة للمنتدى فقط ولما حبيت نحط مشكلتي وضعتها باسم صديقة ليا انا حاولت العديد من المرااااااااااااات اني اصير عضوة بصح مانعرف وعلاه هكذا مايصلحلايش

اختي نصيحتي الاولى لك دراستك لا تتركيها لاي سبب كان
ثانيا اذا كنت مسجلة في شبكات التواصل الاجتماعي اغلقيها و افتحيها ببريد جديد و باسم مختلف و كذللك احذفي ارقام البنات اللي كانو سبب في تضخم المشكلة

السلام علكيم اختي بدلي الإميل الي تسجلي بيه وادخلي سجلي وتولي عضو معانا ودايما تشاركي وميم تكوني تقراي تستفادي من اركان بزاف هنا نتاع التربية ولتعليم وهكذا تفرغي وقتك نستناوك او قولي لانفال تسجلك موفقة[/size]