السلام عليكم و رحمة الله و بركاته و بعد
أرجو الافادة ممن لديه تجربة مسبقة او علم يقين بخصوص المِؤسستين و ما يتعلق بهما :
– بأيهما تنصحونني الاولى او الثانية
– هل ممكن ان يدفع المرئ ملفين واحد في "ensej" و الآخر "engem" و يحصل على القرض
– كم يأخد من الوقت الحصول على قرض و المرور بكافة الاجراءات في كل مؤسسة
– في الاخير ارجو منكم تقديم بعض النصائح و الاقتراحات و الآراء ختى تعم الفائدة و نتبادل الآراء
لكم مني مسبق الشكر و العرفان بالجميل
أظن تستفيد من عرض واحد فقط
ما معنى البطاقة الجبائية
نفس انشغالي ارجو ان تعطونا المعلومات الكافية حول هذا الموضوع
…………………………………
خطوات دفع ملف لونساج : تجربتي الشخصية لكن لقيت مشكل حبس كلشي ~.~
1- مثلا حاب تدفع ملف باش تخرج شاحنة صغيرة لنقل البضائع dfm أظن سعرها 60 مليون
2- تجهز الملف : نسخة من رخصة السياقة – فاتورة شكلية للشاحنة جيبها من لاميزو + تأمينها عند وكالة تأمين +شهادة ميلاد+ شهادة اقامة + تصريح شرفي تبين أنك راح تشغل الشاحنة عند واحد 5 سنوات … مثل مقاول .
– لازم ماتكونش مسوري casnos-cnas
– تدفع الملف يعطيك رقم تنتظر لاكوميسيو .
– يعيطولك وتجوز لاكوميسيو –
3- بعد لاكوميسيو راح تخرج شهادة التأهيل جيبيليتي هي الوثيقة اللي تبدأ بها الملف التالي … وفي لاكوميسيو راح يحظر ممثلين البنوك مثل bdl bna badr وراح تعرف من أخذ ملفكيعني البنك
أولا : تصنع الريجيستر كومارس هذا فيه مشكل لازم محل تجاري تكريه لانو مهم وراح يخرجو يشوفوه ثم الكارت فيسكال (البطاقة الجبائية )
ثانيا : يعطوك ملف جديد في وكالة التشغيل تزيد تجيبو من بينه أنهم يخرجو يشوفو المحل التجاري اللي كريتو وصنعت بيه الريجيستر كي يخرجو يعطولك ورقة تديرها في الملف
ثالثا : كي تكمل الملف تدفعو يعطولك بيلو يقولك ديرلو فوتوكوبي و غاليزيه و جيبو ثم يبعثولك الملف إلى البنك وهنا تنتظر تخرج الموافقة البنكية هي أصعب ورقة والباقي سهل راح تستخرج بيها ملف تاني منها راح تفتح كونط في البنك وتسوري روحك في الكاسنوس … ثم تنتظر يدخل الشاك لرصيدك في البنك تسحبو وتروح تجيب الشاحنة وتدفع التأمين عليها .
ارجو ان تعطونا المعلومات الكافية حول هذا الموضوع
اخ redo شكرا على المعلومات لكنك ذكرت المحل التجاري اللي لازم نكريه لماذا ……… انا اريد استخراج سيارة او شاحنة للنقل فلماذا المحل
باش تفتح سجل تجاري لازم :
شهادة السوابق العدلية
شهادة ميلاد
شهادة اقامة
الجيبيليتي اللي يعطوهالك كي تجوز لاكوميسيو
مبلغ التسجيل 8000+ دج
كونطرا كراء محل تجاري سنتين على الاقل ==== يعني يكون عندك مكتب وهو اللي راح يكون عنوانك … المهم أنت كي تكري المحل كي تخرج الشاحنة مثلا فسخ العقد وصايي
|
المشاركة الأصلية كتبت بواسطة reoo
 خطوات دفع ملف لونساج : تجربتي الشخصية لكن لقيت مشكل حبس كلشي ~.~
1- مثلا حاب تدفع ملف باش تخرج شاحنة صغيرة لنقل البضائع dfm أظن سعرها 60 مليون 2- تجهز الملف : نسخة من رخصة السياقة – فاتورة شكلية للشاحنة جيبها من لاميزو + تأمينها عند وكالة تأمين +شهادة ميلاد+ شهادة اقامة + تصريح شرفي تبين أنك راح تشغل الشاحنة عند واحد 5 سنوات … مثل مقاول . – لازم ماتكونش مسوري casnos-cnas – تدفع الملف يعطيك رقم تنتظر لاكوميسيو . – يعيطولك وتجوز لاكوميسيو – 3- بعد لاكوميسيو راح تخرج شهادة التأهيل جيبيليتي هي الوثيقة اللي تبدأ بها الملف التالي … وفي لاكوميسيو راح يحظر ممثلين البنوك مثل bdl bna badr وراح تعرف من أخذ ملفكيعني البنك أولا : تصنع الريجيستر كومارس هذا فيه مشكل لازم محل تجاري تكريه لانو مهم وراح يخرجو يشوفوه ثم الكارت فيسكال (البطاقة الجبائية ) ثانيا : يعطوك ملف جديد في وكالة التشغيل تزيد تجيبو من بينه أنهم يخرجو يشوفو المحل التجاري اللي كريتو وصنعت بيه الريجيستر كي يخرجو يعطولك ورقة تديرها في الملف ثالثا : كي تكمل الملف تدفعو يعطولك بيلو يقولك ديرلو فوتوكوبي و غاليزيه و جيبو ثم يبعثولك الملف إلى البنك وهنا تنتظر تخرج الموافقة البنكية هي أصعب ورقة والباقي سهل راح تستخرج بيها ملف تاني منها راح تفتح كونط في البنك وتسوري روحك في الكاسنوس … ثم تنتظر يدخل الشاك لرصيدك في البنك تسحبو وتروح تجيب الشاحنة وتدفع التأمين عليها . |
عن جد ما قصرت اخي الكريم. شكرا على الافادة كما انه سيستفيد الكثيرون من مشاركتك و خبرتك
و اي المشكل لسبب رفض ملفك انت
و كم تاخذ هذه الاجراءات تقريبا من وقت
و ما هي المشكلات التي تواجهك
الشكر الكثير اخي
اظنه حرام اخي
والله هو الرزاق
………………………
راجع فتاوى الشيخ فركوس و اي احد من العلماء الأفاضل