السلام عليكم لما بلغت ابنتي سن 5 أشهر قال لي الطبيب أنها تعاني من retard psychomoteur كون أنها لا تستطيع أن توقف رأسها جيدا(متشدش راسها مليح ) كما أنها تبلغ حالي 11 شهر و لا تستطيع لحد الان الجلوس بمفردها . كما أننا كنا نشك في بادئ الأمر أنها لا تسمع و لما قمنا باجراء اختبار السمع لديها في المستشفى تبين أنها تسمع جيدا لكن رغم ذلك فهي لحد الساعة لا تستجيب في معظم الأحيان للأصوات . اضافة الى كل هذا اكتشفنا لما بلغت من العمر أنها تعاني من مرض الصرع.
نصحتني العديد من النساء باش نديها عند العجايز يقطعولها و قالولي بللي كاين بزاف حالات مشابهة لابنتي و كي قطعولهوم هاد لعجاي براو و بداو يمشوا. قالولي بللي يستعملوا الأعشاب .أنا خفت يكونوا يستعملوا الشعوذة في هذا القطيع
أرجوكم يا أعضاء المنتدى اللي شاف منكم حالات مشابهة لابنتي يقوللي اذا كان أمل باش تبرى . و هل لقطيع عند لعجايز حلال و شكرا
من لم يستطع الاجابة فليدعو لابنتي بالشفاء
اختي معنديش حتى فكرة ….ربي يجيب لها الشفاء أن شاء الله
شكرا اختي ربي يسهلك الولادة
اختي انا متزوجة في حمام دباغ قالمة نسمع بلي كاين عجايز يقطعوا الحل اي الراس يكون محلول و صغير ما يشدوش مليح و يداويو بالاعشاب
ربي يشفي بنتك
متخافيش ان شاء الله يكون خير ابني هكذا كان حتى قفل11 شهرا باش شد القعدة وحدوا دتوا عند اطباء بزاف كل واحد واش يقول شوفي اختي انا ديتو عند واحد العجوزة كيكان عندو 6اشهرلانوا ميوقفش اميشدش راسه مليح و مشيان مدتلي زيت كبد الحوت ندهلوا بها و القارص نقطروا على الركبة و ندهن و الحمد لله 3 اسابيع بانت نتيجة الان راه عندو 15 شهرا و اسبوعين مزال ميمشيش راني بالفيتامينات نعاون فيه و رجعت للزيت انصحك ديها عند طبيب الاعصاب Neurologue يارب يشفي بنتك و كل الاطفال ادعوا لابني ربي اسهلوا المشي و باذن لله نشوفهم راحوا للمدرسة
اي استفسار راني هنا
والله ماعندي فكرة ربي يجيب الشفاء ويفرحك بيها
شكرا اختي زوجة لزهر على الرد. بالنسبة لرأس ابنتي حجمه عادي و غير محلول برك مازال مارهيش تشدو مليح . كما أنه مقارنة على كيما زادت راهي تحسنت لكن عل حساب عمرها 11 شهر راهي متشدوش مليح
|
المشاركة الأصلية كتبت بواسطة زوجة لزهر
 اختي انا متزوجة في حمام دباغ قالمة نسمع بلي كاين عجايز يقطعوا الحل اي الراس يكون محلول و صغير ما يشدوش مليح و يداويو بالاعشاب
ربي يشفي بنتك |
السلام عليكم اختي انتما تاني تقولوا حل كاين لقلولي بلي ابني فيه حل كي ديتوا عند عجوزمختصة قتلي مافيهش قتلي لي فيه تكون عندوا رائحة في الجسم مدتلي زيت ندهلوا بها ولكن مزالوا مشيان راني نشربوا حليب المعز كي نلقى لجبهولي و الان راهم اقلولي بلي مشاهر
شكرا أختي anissa20 ريحتيني ربي يريحك نشاءالله و يشفي اولادنا و كافة مرضى المسلمين. تعيشي اختي قوليلي كيفاش داير زيت كبد الحوت هل هو une paummade . و القارص ندهنلها كامل الجسم تاعها بيه ؟ و حبيت نقولك بللي اديتها عند عدة أطباء و حتى اختصاصي الأعصاب و كيما قلتي كل واحد واش يقوللي
بارك الله فيكي أختي أم أمين
معنديش فكرة اختي بصح غاظتني بنتك
اسأل الله العظيم رب العرش الكريم ان يشفيها شفاءا لا يغادر سقما .. آمين
امين أختي بارك الله فيكي
زيت كبد الحوت هي عبارة عن زيت نشرها عند بائع الاعشاب دير 150 دج لامارك تع الكابتن لابوات تعها زرقاء قتلي العجوز ادهني بها الجمعة السبت و الاحد كامل الجسم حتى وراء الرقبة ادهنها مليح مليح خاصة وين كاين العظام حتى تشربها البشرة هي كثري شوية من زيت
بالنسبة للقارص في الرقبة و الرجلين برك مرة واحدة في الاسبوع انتي تكوني دهنتها بزيت قطري شوية في يدك اولا باش متتخلعش ابداي ادهني في رقبتها تحت الراس من وراء برك
الرجلين ليس كل الارجل دهنلها في الركبتن و اسفل الرجل وين كاين العضام وان شاء الله بشفاء عليها و رجعنا بالخبر
نسيت باش نقولك راني نمد لولدي Sirop Omega3 لانوا يحسن تركيز الطفل و في نفس الوقت فيتامين امليح للعظام
بارك الله فيكي أدخلكي الله و والديك جنات الفردوس . صح أختي والله كاين اللي قالولي اعطي لابنتك Sirop Omega3 لكن أنا كيموصفهوليش الطبيب خفت نعطيهولها . شكرا اختي على المعلومات ربي يفرج عليك كربة من كرب يوم القيامة